ଭଦ୍ରକ,୧୧/୦୪: ରାସ୍ତାକଡରେ ମୁର୍ମୂଷୁ ଅବସ୍ଥାରେ ପଡିଥିଲେ ମହିଳା । ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲା ସହିଦ ଭଗତ ସେନା । ତେବେ ଦୀର୍ଘ ସମୟ ପରେ ପୋଲିସ ମହିଳାଙ୍କୁ ନେଇ ତାଙ୍କ ଘରେ ଛାଡିଛି । ଏପରି ଘଟଣା ସାମ୍ନାକୁ ଆସିଛି ଭଦ୍ରକ ସହର ବନ୍ତ ଛକ ନିକଟରେ ।
ସୂଚନା ଅନୁସାରେ, ଯେ ଭଦ୍ରକ ସହରର ବନ୍ତ ଛକ ନିକଟ ରାସ୍ତା କଡରେ ଜନୈକ ମହିଳା ମୁର୍ମୂଷୁ ଅବସ୍ଥାରେ ପଡିରହିଥିଲେ । ସହିଦ ଭଗତ ସେନାର ସଦସ୍ୟମାନେ ତାଙ୍କୁ ଉଦ୍ଧାର କରି ଭଦ୍ରକ ଜିଲ୍ଲା ଡାକ୍ତରଖାନାରେ ଭର୍ତ୍ତି କରିଥିଲେ । ମହିଳାଜଣଙ୍କ ଚିକିତ୍ସା ପରେ ତାଙ୍କ ନାମ ମାନସୀ ଜେନା କହିବା ସହ ଘର ବାଲେଶ୍ଵର ଜିଲ୍ଲା ସୋର ଥାନା ଜହ୍ନିଆ ବୋଲି କହିଥିଲେ ।
ପରେ ସହିଦ ଭଗତ ସେନା ତରଫରୁ ସୋର ଥାନାଧିକାରୀ ଓ ବାଲେଶ୍ଵର ଏସପିଙ୍କ ସହ ଯୋଗାଯୋଗ କରାଯାଇଥିଲା । ପରେ ବିଳମ୍ବିତ ରାତିରେ ସୋର ପୋଲିସର ଏକ ଟିମ୍ ଆସି ମହିଳାଙ୍କୁ ସାଙ୍ଗରେ ନେଇ ତାଙ୍କ ଘର ଲୋକଙ୍କୁ ଜିମା ଦେଇଥିବା ସୂଚନା ମିଳିଛି ।