ନୂଆଦିଲ୍ଲୀ ୧୪/୦୯ : ସାଧାରଣତଃ ସମସ୍ତେ ବାହାରକୁ କି ବୁଲିବାକୁ ଗଲେ ସାଙ୍ଗରେ ବ୍ୟାଗ ନେଇକି ଯାଆନ୍ତି । କିନ୍ତୁ ବର୍ତ୍ତମାନ ସଭିଏଁ ଡ୍ରେସ୍କୁ ମ୍ୟାଚିଙ୍ଗ କରି ପର୍ସ ଧରୁଛନ୍ତି । କିଏ ଛୋଟ ପର୍ସ ତ ଆଉ କିଏ ବଡ ପର୍ସ । କାହିଁକି ନା ମ୍ୟାଚିଙ୍ଗ କରିବା ସହ ଷ୍ଟାଇଲିସ୍ ଲାଗିବା ମଧ୍ୟ ଜରୁରୀ ଅଟେ । ତେବେ ଏମିତି ଜଣେ ମହିଳା ଅଛନ୍ତି ଯିଏକି ୭୦ ହଜାର ଟଙ୍କା ଦେଇ ଅନଲାଇନ୍ ରେ ଏକ ମିନି ବ୍ୟାଗ୍ ଅର୍ଡର୍ କରିଥିଲେ । ହେଲେ ଯେତେବେଳେ ଡେଲିଭେରୀ ହେଲା ସେତେବେଳେ ସେ ଆଶ୍ଚର୍ଯ୍ୟ ହୋଇଯାଇଥିଲେ । ତାଙ୍କ ସହ ଏହ କଣ ଘଟିଥିଲା ସେ ବୁଝି ପରି ନଥିଲେ ।
ତେବେ ସେ ଅର୍ଡର କରିଥିବା ବ୍ୟାଗ୍ ଟି ଏତେ ଛୋଟ ଯେ, ସେଥିରେ କିଛି ବି ଆପଣ ରଖିବା ପାଇଁ ଜାଗା ହେବାର ନଥିଲା । ବ୍ୟାଗ୍ଟିର ସାଇଜ୍ ଏତେ ଛୋଟ ଯେ, ଟଙ୍କା ରଖିବାକୁ ଭାବିବାକୁ ପଡିବ ଯେ ରଖିବା ପାଇଁ ଜାଗା କେଉଁଠି ଅଛି । କାହିଁକି ନା ସେଥିରେ କିଛି ବି ଫିଟ୍ ଆସିବ ନାହିଁ ।
{"id":511188,"width":609,"height":342,"sizeSlug":"full","linkDestination":"none"}
Khloe Kalvina ନାମକ ଉକ୍ତ ମହିଳା ମିନି ବ୍ୟାଗ୍ କୁ ଅନଲାଇନ୍ ରେ ଅର୍ଡର କରିଥିଲେ ।ପରେ ଯେତେବେଳେ ଡେଲିଭେରୀ ହୋଇଥିଲା ତାକୁ ଦେଖି ସେ ଏକଦମ୍ ଆଶ୍ଚର୍ଯ୍ୟ ହୋଇଯାଇଥିଲେ । ଏନେଇ ସେ ଏହାର ଏକ ଭିଡିଓ କରି ସୋସିଆଲ ମିଡିଆରେ ଅପଲୋଡ୍ କରିଛନ୍ତି । ଏହି ଭିଡିଓକୁ ୫ ଲକ୍ଷରୁ ଅଧିକ ଲୋକ ଦେଖିସାରିଛନ୍ତି । ଭିଡିଓକୁ ସେୟାର୍ କରି ମହିଳା ଲେଖିଛନନ୍ତି, “ଯେତେବେଳେ ଆମେ ମିନି କହୁ ବାସ୍ତବରେ ତାର ଅର୍ଥ ମିନି ହିଁ ହୋଇଥାଏ । ଏହା ସେ ଆହୁରି କହିଛନ୍ତି କି, ଅନଲାଇନ୍ ରେ ଦେଖିବା ପରେ ତାକୁ କିଣିବା ପାଇଁ ୬୭୫ ପାଉଣ୍ଡ ଅର୍ଥାତ୍ ୬୮ ହଜାର ୬୮୧ ଟଙ୍କା ଦେଇଥିଲେ ।
ମହିଳା ଜଣକ କହିଥିଲେ ଯେ, ଏହି ମିନି ବ୍ୟାଗ୍କୁ ସ୍ପାନିଶ ଡିଜାଇନର୍ Balenciaga ରୁ କିଣିଥିଲେ । ସେ ଏହି ବ୍ୟାଗ୍ କୁ ଏଥିପାଇଁ କିଣିବାକୁ ଚାହୁଁଥିଲେ ଯାହାଦ୍ୱାରା ସେ ଫୋନ୍ ଓ କ୍ୟାସ ରଖିପାରିବେ । ହେଲେ ବ୍ୟାଗ୍ ର ସାଇଜ୍ ଦେଖି ସେ ନିରାଶ ହୋଇଛନ୍ତି ।
