Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ସ୍ଵାମୀକୁ ପ୍ରେମିକ ସହ ମିଶି ମାରିଦେଲେ ମହିଳା, ଫ୍ରିଜରେ ପୂରେଇ ଫୋପାଡ଼ିଦେଲେ କେନାଲରେ

19/01/2019 at 8:35 PM

ଜାମସେଦପୁର ୧୯/୧- ପ୍ରେମ ସହ ପରକୀୟା  ଯୋଡ଼ିଲେ ପରିଣତି ହୋଇଥାଏ ଭୟାବହ । ପ୍ରେମିକ ହେଉବା ପ୍ରେମିକା ଏହି ପରକୀୟା ପ୍ରେମରେ ଉଭୟ ଉଭୟଙ୍କୁ ପାଇବାକୁ ହୋଇପଡ଼ନ୍ତି ବ୍ୟାକୁଳ । ସେଥିପାଇଁ କାହାକୁ ଏହି ରାସ୍ତାରୁ ହଟାଇବାକୁ ପଡ଼ିଲେ ବି ଅପରାଧ କରିବାକୁ ପଛାଇ ନ ଥାନ୍ତି ।

ଏହିଭଳି ଘଟଣାଟିଏ ଘଟିଛି ଜାମସେଦପୁର ଗୋବିନ୍ଦପୁର ଅଂଚଳରେ । ଜମି କିଣାବିକା  ବ୍ୟବସାୟ କରୁଥିବା ତପନ ଦାସ ନାମକ ଜଣେ ଯୁବକଙ୍କୁ ନିର୍ମମ ଭାବେ ହତ୍ୟା କରିବା ପରେ ପଦାକୁ ଆସିଛି ଚାଂଚଲ୍ୟକର ଘଟଣା ।

ତପନ ଦାସ ନିଜ ପରିବାର ସହ ଗୋବିନ୍ଦପୁର ଅଂଚଳରେ ରହୁଥିଲେ । ପତ୍ନୀ ଶ୍ରେୟା ସହ ସୁମିତ ସିଂ ନାମକ ଜଣେ ଯୁବକଙ୍କ ସହ ପ୍ରେମ ହୋଇଗଲାପରେ ବିଗିଡ଼ି ଯାଇଥିଲା ସବୁ ପାଣିପାଗ । ଶ୍ରେୟା ଓ ସୁମିତ ବେଫିକରଭାବେ ପ୍ରେମ କରୁଥିଲେ । ଏହି ପ୍ରେମର ବାଧକ ସାଜୁଥିବା ତପନକୁ ରାସ୍ତାରୁ ହଟାଇଦେବାକୁ ଚାହୁଁଥିଲେ ।

ସେମାନେ ଘଟଣାଦିନ ତପନ ଓ ଶ୍ରେୟା ମଧ୍ୟରେ ପ୍ରବଳ ଝଗଡ଼ା ହୋଇଥିଲା । ଶ୍ରେୟା ପ୍ରେମିକ ସୁମିତକୁ ଫୋନ କରି ଡ଼ାକିଥିଲା । ସୁମିତ ତା ର ଜଣେସାଙ୍ଗ  ସୋନୁ ନାମକ ଯୁବକକୁ ସାଙ୍ଗରେ ଧରି ଆସିଥିଲା । ସେମାନେ ସମସ୍ତେ ତପନର ଗଳାଚିପି ହତ୍ୟା କରିଥିଲେ ।

ତା ପରେ ସେମାନେ ତପନକୁ ହତ୍ୟା କଲାପରେ ଫ୍ରିଜରେ ପୂରାଇ ରଖିଦେଲେ । ତା ପରଦିନ ସେମାନେ ଅଟୋରେ ନେଇ ବହୁତଦୂରରେ ବୁଦାମୂଳେ ପକାଇଦେଇଥିଲେ ।

ତପନ ନିଖୋଜ ହେବାକୁ ନେଇ ଶ୍ରେୟା ପୋଲିସ ପାଖକୁ ଯାଇ ମାମଲା ଦାୟର କରିଥିଲା । ପୋଲିସ ବିଭିନ୍ନ ଆଡ଼େ ଖୋଜାଖୋଜି କରିଥିଲେ ମଧ୍ୟ ତପନର ଖୋଜଖବର କିଛି ପାଇ ନ ଥିଲା ।

 ଶ୍ରେୟା ପୋଲିସକୁ ଭୂଆଁ ବଲାଇବାକୁ କହିଥିଲା ଘଟଣାଦିନ ତାଙ୍କର ଦୁଇଜଣ ସାଙ୍ଗ ଫୋନ କରି ଡ଼ାକିଥିଲେ । ସେ କାମ ଅଛି ବୋଲି କହି ଆଲମିରାରୁ ୨ଲକ୍ଷ ଟଂକା ନେଇ ବାହାରିଯାଇଥିଲେ । କିନ୍ତୁ ରାତି ୧୨ଟା ବେଳକୁ ଫୋନ ଲଗାଇବା ପରେ ଫୋନ ସ୍ଵଚ୍ ଅଫ ଥିଲା । ପୋଲିସ ଏହି ଘଟଣାର କିଛି ଖିଅ ପାଉ ନଥିଲା ।

କିଛିଦିନ ପରେ ସୋସିଆଲ ମିଡ଼ିଆରେ ଫ୍ରିଜ ଭିତରେ ଶବ ମିଳିବା ନେଇ ଘଟଣା ଚର୍ଚ୍ଚାକୁ ଆସିଥିଲା । ତପନଙ୍କର କେହିଜଣେ ବନ୍ଧୁ ଏହି ଖବର ଶ୍ରେୟାକୁ ଜଣାଇଥିଲା । ପୋଲିସ ମଧ୍ୟ ଶବକୁ ଜବତ କରି ତପନ ଦାସ ବୋଲି ଚିହ୍ନିଥିଲା ।

ଏହାପରେ ପୋଲିସର ସନ୍ଦେହ ଶ୍ରେୟା ଉପରକୁ ଆସିଥିଲା । ଶ୍ରେୟାକୁ ଥାନାକୁ ଡ଼ାକି ପଚରାପଚରି କଲାପରେ ସବୁ ସତକଥା ପଦାକୁ ଆସିଥିଲା । ପୋଲିସ ଶ୍ରେୟା, ସୁମିତ ଓସୋନୁକୁ ଗିରଫ କରି କୋର୍ଟ ଚାଲାଣ କରିଛି ।

   Related Posts