Wednesday, August 21, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମହିଳାଙ୍କ ଇଶାରାରେ ସ୍ଵାମୀଙ୍କୁ ହତ୍ୟାକଲା ଦିଅର, ଅବୈଧ ସଂପର୍କ ଥିଲା ହତ୍ୟା ପଛର କାରଣ

ହସନଗଂଜ ୧୨/୨-ବିବାହର ମାତ୍ର ଦଶଦିନ ଯାଇନି ଦିଅର ସହ ହୋଇଗଲା ପ୍ରେମ । ଏହି ପ୍ରେମ ସଂପର୍କରୁ ଦିଅର ମାଧ୍ୟମରେ ମାରିଲା ସ୍ଵାମୀଙ୍କୁ ।

ଏହିଭଳି ଘଟଣା ଦେଖିବାକୁ ମିଳିଛି ହସନଗଂଜ ବରାତିଖେଡ଼ା କାକେରୀ ଥାନା ଅଂଚଳରେ । ଉମାଦେବୀ ନାମକ ଜଣେ ମହିଳା କରିଛି ଏଭଳି କାଣ୍ଡ ।

ପାଦରୁ ଲିଭିନି ଅଳତା, ହାତରୁ ଛାଡ଼ିନି ମେହେନ୍ଦି ହେଲେ ସ୍ବାମୀକୁ ହତ୍ୟା କରିଛି ମହିଳା । ଝିଅଟିଏର ଈପ୍ସିତ ସ୍ଵପ୍ନଥାଏ ବିବାହ କରିବା ଓ ତାର ମନର ମଣିଷ ସହ ସାରାଜୀବନ ସାଥୀ ହୋଇ ରହିବା । ବେଳେବେଳେ ଏମିତି କିଛି କାରଣ ଆସି ମଝିରେ ଠିଆ ହୁଏ, ନେବାକୁ ପଡ଼େ ଭୁଲ ନିଷ୍ପତ୍ତି ।

କାକେରୀ ଥାନା ଅଂଚଳରେ ଘଟିଥିବା ଏହି ହତ୍ୟାକାଣ୍ଡର ପୋଲିସ କରିଛି ମହାଖୁଲାସା । ଉମାଦେବୀ ବିବାହର ଦଶଦିନ ମଧ୍ୟରେ ଦିଅର ଅନୁପ ପ୍ରେମରେ ପଡ଼ିଯିବା ପରେ ଏଭଳି ଭୁଲ ନିଷ୍ପତ୍ତି ନେବାକୁ ସିଦ୍ଧାନ୍ତ ନେଇଥିଲେ ବୋଲି ପୋଲିସ କହିଛି ।

ଉମାଦେବୀ ଦିଅର ସହିତ ରହିବାକୁ ଚାହୁଁଥିଲେ ବି ସ୍ଵାମୀ ଥିଲେ ମଝିରେ ପ୍ରତିବନ୍ଧକ । ଏହିକଥା ଦିଅରକୁ କହିବା ପରେ ପ୍ରଥମେ ଦିଅର ରାଜି ହୋଇ ନଥିଲେ । କିନ୍ତୁ ପରେ ଉମାଦେବୀ ପ୍ରେମରେ ଫସାଇ ସ୍ବାମୀଙ୍କୁ ଜୀବନରୁ ମାରିଦେବାକୁ କରିଥିଲେ ଯୋଜନା ।

ଉମା ନିଜର ଜଣେ ସାଙ୍ଗ ସହ ଦିଅର ସହ ପ୍ରଥମେ ପରିଚୟ କରିଥିଲେ । ତା ପରେ ଦିଅର ଓ ଉମାର ସାଙ୍ଗ ମିଶି ତାଙ୍କ ସ୍ଵାମୀଙ୍କୁ କରିଥିଲେ ହତ୍ୟା ।

ସ୍ବାମୀର ହତ୍ୟା ପରେ ତାଙ୍କୁ ନେଇ ଫିଙ୍ଗିଦେଇଥିଲେ ଘରଠାରୁ ୨କି.ମି. ଦୂରରେ ଥିବା ଏକ କେନାଲରେ ।

ଏହି ଘଟଣା ଗ୍ରାମବାସୀ ପୋଲିସକୁ ଜଣାଇବାପରେ ପୋଲିସ ଉମାଦେବୀ ଓ ତାଙ୍କ ଦିଅର ଅନୁପକୁ ଗିରଫ କରି କରିଥିଲା କୋର୍ଟ ଚାଲାଣ ।

590 Views

   ସମ୍ବନ୍ଧିତ ଖବର