କାରନାଲ ୯/୩- ନିଜର ପ୍ରେମ ଚରିଚାର୍ଥ କରିବାକୁ ବୋହୂ କରିଲା ଶାଶୁକୁ ହତ୍ୟା । ନିଜର ପ୍ରେମିକ ସହ ଫେରାର ହେବାକୁ ଶାଶୁକୁ ହତ୍ୟା କରିଥିବା ଅଭିଯୋଗ ଆଣିଲେ ଗାଁ ଲୋକ ।
ଏଭଳି ଅଭାବନୀୟ ଘଟଣା ଘଟିଛି ହରିୟାଣାର କାରନାଲରେ । ଉର୍ବଶୀ ନାମକ ଜଣେ ମହିଳା ନିଜ ଶାଶୁକୁ କରିଛି ହତ୍ୟା । ଉର୍ବଶୀ ୨ ବର୍ଷତଳେ କାରନାଲରେ ବିବାହ କରିଥିଲେ । ସେ ମୋବାଇଲରେ ରଂନମ୍ବରରେ କଥା ହେବାପରେ ରାକେଶ ନାମକ ଜଣେ ଯୁବକଙ୍କ ସହ ହୋଇଯାଇଥିଲା ପ୍ରେମ । ଏହି ପ୍ରେମକୁ ସେମାନେ ସତ କରିବାକୁ ଚାହୁଁଥିଲେ ବି ଶାଶୁ ଏହାକୁ ବିରୋଧ କରୁଥିଲେ । ଉର୍ବଶୀଙ୍କ ସ୍ଵାମୀ ବାହାରେ ରହୁଥିବା କାରଣରୁ ଶାଶୁ-ବୋହୂ ଘରେ ରହୁଥିଲେ । ଉର୍ବଶୀ ଲୁଚାଛପା ରାକେଶକୁ ଦେଖା କରିବାକୁ ଯାଉଥିଲେ । ବେଳେବେଳେ ରାକେଶ ଧରମଭାଇ ବୋଲି ପରିଚୟ ଦେଇ ଉର୍ବଶୀକୁ ଦେଖାକରିବାକୁ ଆସୁଥିଲା ।
ଏହି ଘଟଣାରେ ଗାଁରେ ଲୋକ କୁହାକୁହି ହେବାପରେ ଶାଶୁ ଜାଣି ଏହି କଥାକୁ ବିରୋଧ କରିଥିଲେ । ଫଳରେ ଶାଶୁ-ବୋହୂ ମଧ୍ୟରେ ଅନେକ ସମୟରେ ଝଗଡ଼ା ହେଉଥିଲା ।
ରାକେଶ-ଉର୍ବଶୀ ଦିନେ ଶାଶୁକୁ ମାରିଦେବାକୁ ଯୋଜନା ପ୍ରସ୍ତୁତ କଲେ । ଘରେ କେହି ନଥବା ବେଳେ ରାକେଶ ଦେଖାକରିବାକୁ ଉର୍ବଶୀକୁ ଆସିଥିଲା । ଏହି ସମୟରେ ଶାଶୁ ଘରକୁ ଫେରି ଏର୍ବଶୀକୁ ଅଂସଯତ ଅବସ୍ତାରେ ରାକେଶ ସହ ଦେଖିବାକୁ ପାଇଥିଲେ । ଏହି ଘଟଣା କାହାକୁ କହିଦେବା ଭୟରେ ରାକେଶ ଓ ଉର୍ବଶୀ ମିଶି ଶାଶୁକୁ ମାରିଦେଇଥିଲେ ।
ପରେ ପ୍ରମାଣ ନଷ୍ଟ କରିବାକୁ ଶାଶୁକୁ ନେଇ ରାତିରେ ନଈପଠାରେ ପୋତିଦେଇଥିଲେ ।
ଏହି ଘଟଣାର କିଛିଦିନ ପରେ ଗାଁଲୋକ ଉର୍ବଶୀ ଉପରେ ସନ୍ଦେହ କଲେ । ଏହିକଥା ପୋଲିସକୁ କହିବା ପରେ ପୋଲିସ ଏହି ଘଟଣାର ତଦନ୍ତ ଚଳାଇ ସବୁ ସତକଥା ପଦାକୁ ଆଣିଥିଲା ।
ଏହି ହତ୍ୟାକାଣ୍ଡରେ ସଂପୃକ୍ତ ଥିବା ରାକେଶ ଓ ଉର୍ବଶୀକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।