Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ୟୁଏଇରେ ହୋଇପାରେ ମହିଳା ଆଇପିଏଲ, ବିସିସିଆଇ ରଖିଛି ଯୋଜନା

2/08/2020 at 7:48 PM

ନୂଆଦିଲ୍ଲୀ, ୦୨|୦୮:  ବିସିସିଆଇ ଆୟୋଜନ କରିବ ମହିଳା ଆଇପିଏଲ । ଦୁବାଇରେ ଏହାର ଆୟୋଜନା ହୋଇପାରେ । ଏନେଇ ଯୋଜନା ଚାଲିଛି ବୋଲି କହିଛନ୍ତି ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି । ଏହାସହ ମହିଳା ଆଇପିଏଲକୁ ନେଇ ଜାରି ରହିଥିବା ଅନିଶ୍ଚିତତା ଶେଷ ହୋଇଯାଇଛି ।

କରୋନା ଭାଇରସ ପାଇଁ ଚଳିତ ବର୍ଷ ଆଇପିଏଲର ୧୩ତମ ସଂସ୍କରଣ ସେପ୍ଟେମ୍ବର ୧୯ରୁ ନଭେମ୍ବର ୮ ମଧ୍ୟରେ ୟୁଏଇରେ ଆୟୋଜିତ ହେବ । ବିସିସିଆଇ ଅଧ୍ୟକ୍ଷଙ୍କ କହିବାନୁସାରେ, ଏହି ସମୟରେ ମହିଳା ଆଇପିଏଲର ଆୟୋଜନ ହୋଇପାରେ ।

ଗାଙ୍ଗୁଲି ଆଇପିଏଲ ଗଭର୍ଣ୍ଣିଂ କାଉନସିଲ୍ ବୈଠକ ପୂର୍ବରୁ ମହିଳା ଆଇପିଏଲ ବାବଦରେ କହିଥିଲେ । ସେ କହିଥିଲେ ଯେ, ମହିଳା ଆଇପିଏଲ ପାଇଁ ବିସିସିଆଇର ଯୋଜନା ରହିଛି । ତେବେ ଗାଙ୍ଗୁଲି ଏବାବଦରେ ସମସ୍ତ ସୂଚନା ଦେଇନଥିଲେ । କିନ୍ତୁ ଆଉ ଜଣେ ଅଧିକାରୀ ମହିଳା ଚ୍ୟାଲେଞ୍ଚର ଆଇପିଏଲ ସମୟରେ ହେବ ବୋଲି କହିଥିଲେ ।

ମହିଳା ଆଇପିଏଲର ଆୟୋଜନ ନଭେମ୍ବର ୧ରୁ ୧୦ ମଧ୍ୟରେ ଅନୁଷ୍ଠିତ ହୋଇପାରେ ବୋଲି ଅନୁମାନ କରାଯାଉଛି । ଏହାପୂର୍ବରୁ ମଧ୍ୟ ଆୟୋଜିତ ହୋଇପାରେ ।

   Related Posts