ବଲାଙ୍ଗିର ୨୫|୮: ବେକରେ ଗମୁଛା ବାନ୍ଧି ହୋଇ ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ପୁଇଁନ୍ତଳା ଥାନା ଅନ୍ତର୍ଗତ ମୋତିଝରିଆ ଗାଁରେ । ମୃତ ମହିଳା ଜଣଙ୍କ ହେଲେ ରଶ୍ମୀ ମହାକୁର । ରଶ୍ମୀଙ୍କ ନିଜ ଘର ବୁଢିସିଣ୍ଡୋଲ ହୋଇଥିବା ବେଳେ ଗତ ଦେଢ ବର୍ଷ ହେଲା ମୋତିଝରିଆ ଗାଁରେ ଡୁଗୃ ବଘାରଙ୍କୁ ବିବାହ କରିଥିଲେ। ତାଙ୍କ ଗୋଟିଏ ୭ ମାସର ଶିଶୁ ରହିଛି । ତେବେ ଶ୍ବଶୁର ଘରେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା କହିଥିବା ବେଳେ ଏହାକୁ ହତ୍ୟା ବୋଲି ଅଭିଯୋଗ କରିଛନ୍ତି ରଶ୍ମୀଙ୍କ ବାପଘର ଲୋକ।
{"id":148756}ତେବେ ଗତ କିଛି ଦିନ ହେଲା ରଶ୍ମୀ ତାଙ୍କ ମାଙ୍କୁ ଫୋନ ଯୋଗେ ଶ୍ବଶୁର ଘରେ ତାଙ୍କ ସ୍ବାମୀ ତାଙ୍କ ମାମୁଁ, ମାଇଁ ଓ ଶ୍ବଶୁର ତାଙ୍କୁ ଗାଳିଗୁଲଜ କରୁଥିବା କହିଥିଲେ । ଏହାସହ ୭ ମାସର ଶିଶୁ ଥିବା ସତ୍ବେ ପୁଣି ଗର୍ଭବତୀ ହୋଇଛନ୍ତି ରଶ୍ମୀ ଓ ଗର୍ଭପାତ କରିବା ପାଇଁ ଚାହୁଁଥିବା ବେଳେ ତାହାକୁ ମନା କରିବାରୁ ତାଙ୍କୁ ଏଭଳି ଭାବରେ ହତ୍ୟା କରାଯାଇଥିବା କରିଛନ୍ତି ରଶ୍ମୀଙ୍କ ଭାଇ ଓ ଭଉଣୀ। ତେବେ ମୃତଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପୁଇଁନ୍ତଳା ପୋଲିସ ପଠାଇଥିବା ବେଳେ ଏହାକୁ ନେଇ ତଦନ୍ତ ଆରମ୍ଭ କରିଛି।