ନ୍ୟୁୟର୍କ, ୩୧।୧୨: ଆମେରିକାର ଜଣେ ମହିଳାଙ୍କ ସହ ଏକ ଦୁର୍ଲଭ ଘଟଣା ଘଟିଛି । ପେଟରେ ଯମଜ ସନ୍ତାନ ଥିଲେ ବି ପ୍ରସବ ଗୋଟିଏ ସପ୍ତାହ ପୂର୍ବରୁ ମହିଳାଜଣଙ୍କ ତୃତୀୟ ସନ୍ତାନକୁ ମଧ୍ୟ ଜନ୍ମ ଦେବାକୁ ଯାଉଥିବା ଜଣାପଡିଛି । ଟିକଟକରେ ଲୋକପ୍ରିୟ ଥିବା ଏହି ମହିଳା ସୋସିଆଲ ମିଡିଆ ପ୍ଲାଟଫର୍ମରେ ଏନେଇ ସୂଚନା ଦେଇଛନ୍ତି । ଏହାସହ ତାଙ୍କର ଭିଡିଓ ମଧ୍ୟ ଖୁବ୍ ଭାଇରାଲ ହୋଇଛି ।
ମହିଳାଜଣଙ୍କ ଏକ ଭିଡିଓ ଜାରି କରି କହିଛନ୍ତି ଯେ, ଏହା ସୁପର୍ ଫିଟନେସରେ ମାମଲା ଅଟେ । ଏହି ମାମଲା ସେତେବେଳେ ହୋଇଥାଏ ଯେତେବେଳେ ଜଣେ ମହିଳା କିଛି ଦିନ ମଧ୍ୟରେ ଦ୍ୱିତୀୟ ଥର ଗର୍ଭବତୀ ହୋଇଥାନ୍ତି । ସେ ନିଜର ପ୍ରଥମ ଗର୍ଭବତୀ ବେଳେ ଜ୍ୟାକପଟ୍ ହାସଲ କରିଥିଲେ । ଏବେ ଏକାଥରେ ତିନୋଟି ସନ୍ତାନ ଜନ୍ମ ନେବେ । ତେବେ ଏହା ତାଙ୍କର ପ୍ରଥମ ଓ ଶେଷ ପ୍ରସବ ହେବ ।
ଟିକଟକରେ ଭାଇରାଲ ଭିଡିଓରେ ମହିଳାଜଣଙ୍କ କହିଛନ୍ତି ଯେ, ତାଙ୍କର ତୃତୀୟ ସନ୍ତାନ ପ୍ରଥମ ଦୁଇଟି ସନ୍ତାନଙ୍କଠାରୁ ୧୦ ବା ୧୧ ଦିନ ସାନ ହେବ । ଏହା ତାଙ୍କର ଦ୍ୱିତୀୟ ପ୍ରସବ ହେବାକୁ ଯାଉଥିବା ସ୍ପଷ୍ଟ ହୋଇଛି । ସନ୍ତାନମାନେ କୁପୋଷଣର ଶିକାର ହେବେ ନାହିଁ । ଏହା ସ୍ପଷ୍ଟ କରିବାକୁ ଡାକ୍ତର ପ୍ରତି ୨ ସପ୍ତାହରେ ଅଲଟ୍ରାସ୍କାନ୍ କରୁଛନ୍ତି ।
ସେ ଆହୁରି କହିଛନ୍ତି ଯେ, ତୃତୀୟ ସନ୍ତାନଟି ହେଲଦି ରେଟରେ ବଢୁଛି । ଏହି ଭିଡିଓ କ୍ଲିପକୁ ଟିକଟକରେ ଏବେସୁଦ୍ଧା ୫୦ ଲକ୍ଷରୁ ଅଧିକ ଲୋକ ଦେଖି ସାରିଲେଣି । ଟିକଟକରେ ବ୍ଲଡ୍ ବନି ୟୁଜର ନେମ୍ ଥିବା ଏହି ମହିଳା ଲଗାତର ଭାବେ ସନ୍ଦାନ ବାବଦରେ ଅପଡେଟ୍ ଦେଉଛନ୍ତି । ଫ୍ୟାନମାନେ ତାଙ୍କର ତୁଳନା ମ୍ୟୁଜିକ୍ ଆର୍ଟିଷ୍ଟ୍ ବ୍ରିଟନୀ ସ୍ପିୟର୍ସଙ୍କ ସହ କରିଥାନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ, ମାଆ ହେବାକୁ ଚାହୁଁଥିଲେ । ଏଥିପାଇଁ ସେ ଉତ୍ସାହିତ ଅଛନ୍ତି । ଏହାସହ କମ୍ ସମୟରେ ତିନୋଟି ସନ୍ତାନ ଜନ୍ମ ନେବାକୁ ଥିବାରୁ ସେ ନିଜକୁ ଭାଗ୍ୟବାନ ମନେ କରନ୍ତି । ଏପରିକି ସେ ସାମାନ୍ୟ ବିଚଳିତ ଥିବା ମଧ୍ୟ କହିଛନ୍ତି ।