Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସାନିଟାଇଜର୍ ପାଇଁ ଅଧା ପୋଡିଗଲେ ମହିଳା: ହାତରେ ବୋଳି ହୋଇଥିଲେ, ମହମବତୀରୁ ଲାଗିଗଲା ନିଆଁ

7/09/2020 at 6:23 PM

ଟେକ୍ସାସ, ୦୭।୦୯:    ଆମେରିକାର ଟେକ୍ସାସରେ ଜଣେ ମହିଳା ସାନିଟାଇଜର୍ ବ୍ୟବହାର କରିବା ପରେ ନିଆଁରେ ପୋଡି ଯାଇଛନ୍ତି । ସେ ହାତରେ ସାନିଟାଇଜର୍ ଲଗାଇ ଏକ ମହମବତୀ ଲଗାଉଥିଲେ । ଏହି ସମୟରେ ତାଙ୍କ ହାତରେ ନିଆଁ ଲାଗିଯାଇଥିଲା । ପରେ ନିଆଁ ତାଙ୍କ ପୋଷାକକୁ ବ୍ୟାପିଥିଲା ।

କେଟ୍ ଓ୍ୱାଇଜ୍ ନାମକ ଏହି ମହିଳା ଜଣଙ୍କୁ ଅଷ୍ଟିନର ଏକ ହସ୍ପିଟାଲରେ ଭର୍ତ୍ତି କରାଯାଇଛି । ମହିଳାଙ୍କ ବାନ୍ଧବୀ କ୍ୟାଥରିନ୍ ବୋନେଷ୍ଟିଲ ତାଙ୍କର ସମସ୍ତ ଚିକିତ୍ସା ଖର୍ଚ୍ଚ ବୁଝୁଛନ୍ତି । କ୍ୟାଥରିନ୍ କହିଛନ୍ତି ଯେ, ଓ୍ୱାଇଜ୍ ଏକ ଫିଲ୍ମ ଦେଖିବା ପାଇଁ ଟିଭି ଲଗାଇଥିଲେ । ଏହା ପୂର୍ବରୁ ସେ ହାତରେ ସାନିଟାଇଜର୍ ଲଗାଇଥିଲେ । ତେବେ ଟିଭି ଲଗାଇବା ପୂର୍ବରୁ ସେ ଏକ ମହମବତୀ ଜଳାଇଥିଲେ । ଏଥିରେ ତାଙ୍କ ହାତ ଜଳିଯାଇଥିଲା । କାରଣ ସେ ଲଗାଇଥିବା ସାନିଟାଇଜର୍ ଯୋଗୁଁ ନିଆଁ ପ୍ରଥମେ ହାତ ଓ ପରେ ଶରୀରକୁ ପୋଡି ଦେଇଥିଲା । ନିଆଁ ଲାଗିବା ସମୟରେ ସେ ତାଙ୍କ ୨ ଝିଅ ଓ ଗୃହପାଳିତ ପଶୁକୁ କୌଣସିମତେ ଘର ବାହାରକୁ ବାହାର କରିବାରେ ସକ୍ଷମ ହୋଇଥିଲେ ।

ଓ୍ୱାଇଜଙ୍କ ୨ ଝିଅ ପଡୋଶୀଙ୍କୁ ଘରେ ନିଆଁ ଲାଗିଥିବା ସୂଚନା ଦେଇଥିଲେ । ପରେ ନିଆଁକୁ ଆୟତ୍ତ କରାଯାଇଥିଲା । ସ୍ଥାନୀୟ ଦମକଳ ବାହିନୀ ନିଆଁ ଲାଗିବା ଘଟଣାର ତଦନ୍ତ କରୁଛି । ମହିଲାଙ୍କ ଶରୀରର ପ୍ରାୟ ୨୦ ପ୍ରତିଶତ ପୋଡି ଯାଇଛି । ତେବେ ସାନିଟାଇଜରେ ଥିବା ଆଲକହଲ ପାଇଁ ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଛି ।

ସୂଚନାଯୋଗ୍ୟ, କରୋନା ଭାଇରସରୁ ବର୍ତ୍ତିବା ପାଇଁ ଏବେ ସାନିଟାଇଜରର ଚାହିଦା ବୃଦ୍ଧି ପାଇଛି । ଅଧିକାଂଶ ସାନିଟାଇଜରରେ ଆଲକହଲ ରହିଥାଏ । ଯାହା ଦହନଶୀଳ ।

   Related Posts