Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||

ଶୌଚାଳୟରେ ହେଲା ମହିଳାଙ୍କ ପ୍ରସବ: ୧୦ ଫୁଟ ଗଭୀର ଟାଙ୍କିରେ ପଡିଗଲା ନବଜାତ, ୮ ଘଣ୍ଟା ପରେ ଜୀବନ୍ତ ଉଦ୍ଧାର ହେଲା ଶିଶୁ

3/09/2020 at 10:24 AM

ହିସାର ୦୩/୦୯ : ହରିୟାଣା ହିସାରରେ ଏକ ଅଜବ ଘଟଣା ଘଟିଛି | ହିସାର ଆଦମପୁର ଅଞ୍ଚଳର ଏକ ଗାଁରେ ଶୌଚାଳୟରେ ଜଣେ ଗର୍ଭବତୀ ମହିଳାଙ୍କ ପ୍ରସବ ହୋଇଛି | କିନ୍ତୁ ଦୁଃଖର କଥା ପ୍ରସବ ପରେ ନବଜାତ ଶୌଚାଳୟରେ ପଡିଗଲା | ପାଖାପାଖି ୮ ଘଣ୍ଟା ପରେ ନବଜାତକୁ ଶୌଚାଳୟ ଟାଙ୍କିରୁ ଉଦ୍ଧାର କରାଗଲା | ଉଦ୍ଧାର ପରେ ନବଜାତକୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା | ୪ ଦିନ ଚିକିତ୍ସା ପରେ ମଙ୍ଗଳବାର ଦିନ ଶିଶୁକୁ ହସ୍ପିଟାଲରୁ ଡିସଚାର୍ଜ କରାଯାଇଛି | ଶିଶୁ କନ୍ୟାକୁ ପରିବାର ଲୋକେ ବହୁତ ଖୁସିରେ ସ୍ୱାଗତ କରିଛନ୍ତି |

ଚୌଧୁରୀବାଲି ଗାଁରେ ପୂଜା ନାମକ ବିବାହିତା ମହିଳାଙ୍କ ପ୍ରସବ ସମୟ ନିକଟତର ହୋଇ ଆସିଥିଲା | ଶୁକ୍ରବାର ସକାଳେ ପୂଜା ଶୌଚାଳୟ ଯାଇଥିଲେ | ଶୌଚାଳୟରେ ହିଁ ସେ ଏକ ଶିଶୁ କନ୍ୟା ଜନ୍ମ ଦେଇଥିଲେ | ପ୍ରସବ ପରେ ପୂଜା ବେହୋସ ହୋଇଯାଇଥିଲେ | ସେତେବେଳେ ନବଜାତ ଶୌଚାଳୟରେ ପଶିଗଲା | କିଛି ସମୟ ପରେ ପୂଜାଙ୍କ ହୋସ ଆସିଲା | ସେ ଶିଶୁର କାନ୍ଦିବା ଶବ୍ଦ ଶୁଣିଲେ କିନ୍ତୁ ଶିଶୁକୁ ସେ କୋଉଠି ଦେଖିବାକୁ ପାଇଲେନି | ପୂଜା ବାହାରକୁ ଆସି ପରିବାର ଲୋକଙ୍କୁ ସବୁକଥା କହିଲେ | ପରିବାର ଲୋକ ଶୌଚାଳୟରେ ଆସି ଦେଖିଲେ ଶିଶୁ ନଥିଲା କିନ୍ତୁ କାନ୍ଦିବା ଶବ୍ଦ ଶୁଭୁଥିଲା | ସେଥିରୁ ସେମାନେ ଜାଣିବାକୁ ପାଇଲେ ଶିଶୁଟି ଲାଟ୍ରିନ ପ୍ୟାନରେ ପଶିଯାଇଛି | ପରିବାର ଲୋକଙ୍କ ପାଟି ଶୁଣି ଆଖପାଖ ଲୋକ ମଧ୍ୟ ଜମା ହୋଇଥିଲେ | ସମସ୍ତେ ମିଶି ଲାଟ୍ରିନ ଟାଙ୍କିର ପଥର ଭାଙ୍ଗିଲେ ନବଜାତକୁ ଉଦ୍ଧାର କରିଥିଲେ |

ଶିଶୁକୁ ଉଦ୍ଧାର କରି ପରିବାର ଲୋକେ ତୁରନ୍ତ ହସ୍ପିଟାଲ ନେଇଯାଇଥିଲେ | ଶିଶୁର ସ୍ୱାସ୍ଥ୍ୟବସ୍ଥା ଟିକେ ବିଗିଡ଼ିବାରେ ଲାଗିଥିଲା | ଡାକ୍ତର ଶିଶୁର ଜୀବନ ବଞ୍ଚାଇବାକୁ ବହୁ ସଂଘର୍ଷ କରିଥିଲେ | ୪ ଦିନ ଯାଏଁ ଜୀବନ ମୃତ୍ୟୁ ସହ ସଂଘର୍ଷ କରିବା ପରେ ଶିଶୁର ଜୀବନ ବଞ୍ଚି ଯାଇଥିଲା | ମଙ୍ଗଳବାର ଦିନ ଶିଶୁକୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା |

   Related Posts