Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ପାର୍କିଙ୍ଗ ହୋଇଥିବା ଗାଡି ଭିତରୁ ମହିଳାଙ୍କ ମୃତଦେହ ମିଳିବ ଘଟଣା; ପରିବାର ଲୋକେ ଆଣିଲେ ହତ୍ୟା ଅଭିଯୋଗ

1/10/2018 at 1:58 PM

ଭୁବନେଶ୍ୱର ୧/୧୦ : ସାମନ୍ତରାପୁର ହନୁମାନ ମନ୍ଦିର ନିକଟରୁ ଟାଟା ସଫରି ଗାଡି ଭିତରୁ ମିଳିଥିବା ମହିଳାଙ୍କ ମୃତଦେହ ଘଟଣାର ପରଦା ଧୀରେ ଧୀରେ ଉଠୁଛି | ମୃତ ମହିଳାଙ୍କ ନାଁ ତନୁଜା ଆଇଚ ବୋଲି ଜଣାପଡିଛି | ତାଙ୍କୁ ହତ୍ୟା କରାଯାଇଥିବା ତାଙ୍କ ପରିବାର ଲୋକ ଅଭିଯୋଗ କରିଛନ୍ତି |

ମୃତ ତନୁଜା ବିବାହିତା ଏବଂ ତାଙ୍କର ୬ବର୍ଷର ଗୋଟିଏ ପୁଅ ଅଛି | ତାଙ୍କ ସ୍ୱାମୀଙ୍କ ନା ସଂଗ୍ରାମ ଆଇଚ | ସ୍ୱାମୀଙ୍କ ସହ ତାଙ୍କର ମନୋମାଳିନ୍ୟ ଥିଲା | କିଛି ଦିନ ହେଲା ସେ ସାମନ୍ତରାପୁର ଅଂଚଳରେ ଥିବା ଏକ ଘରୋଇ ସ୍କୁଲରେ ଶିକ୍ଷକତା କରୁଥିଲେ | ତାଙ୍କ ନିଜ ଘର ଯାଜପୁର ଜିଲ୍ଲା କଟିକଟ ବୋଲି ଜଣାପଡିଛି |

୯ ବର୍ଷ ତଳେ ସଂଗ୍ରାମଙ୍କ ସହ ତାଙ୍କର ବାହାଘର ହୋଇଥିଲା | ସ୍ୱାମୀ ଜଣେ ମାଇନିଂ ପରିବହନ ଠିକାଦାର ବୋଲି ପୋଲିସ ପ୍ରାଥମିକ ତଦନ୍ତରୁ ଜଣାପଡିଛି | ପୋଲିସ ଶବ ଜବତ କରିବା ପରେ ମୃତ ମହିଳାଙ୍କ ପିଉସା ନରେନ୍ଦ୍ର ଜେନା ପୋଲିସକୁ କହିଛନ୍ତି ଯେ, ଏହା ଏକ ସୁପରିକଳ୍ପିତ ହତ୍ୟାକାଣ୍ଡ | ଏହି ହତ୍ୟାକାଣ୍ଡ ପଛରେ ସ୍ୱାମୀ ସଂଗ୍ରାମ ଆଇଚଙ୍କ ହାତ ରହିଛି |

ପୋଲିସ ଘଟଣାର ତଦନ୍ତ ଜାରି ରଖିଛି | ତେବେ ମୃତ ମହିଳାଙ୍କ ଶବ ମିଳିବ ପରେ ସଂଗ୍ରାମ ଆଇଚ ଏବଂ ୬ ବର୍ଷର ଶିଶୁ ପୁତ୍ରର କୌଣସି ପତ୍ତା ମିଳୁନଥିବା ପୋଲିସ କହିଛି | ସୂଚନାଯୋଗ୍ୟ ଯେ, ସାମନ୍ତରାପୁର ହନୁମାନ ମନ୍ଦିର ସାମ୍ନା ଗଲିରେ ପର୍କିଙ୍ଗ ହୋଇଥିବା ଏକ ଟାଟା ସଫରି ଗାଡିରୁ ତନୁଜାଙ୍କ ମୃତଦେହ ଆଜି ସକାଳୁ ପୋଲିସ ଉଦ୍ଧାର କରିଥିଲା |

ତନୁଜାଙ୍କୁ ହତ୍ୟା କରିବା ପରେ ଏହାକୁ ଦୁର୍ଘଟଣାର ରୂପ ଦେବା ପାଇଁ ତନୁଜାଙ୍କୁ ଗାଡି ଭିତରେ ବସାଇ ଦିଆଯାଇଥିବା ପୋଲିସ ଅନୁମାନ କରୁଛି | ଗାଡି ଭିତରୁ ପୋଲିସ ମୃତ ମହିଳାଙ୍କ କିଛି ଲୁଗାପଟା ଓ ପ୍ରସାଧନ ସାମଗ୍ରୀ ଜବତ କରିଛି | ଯେଉଁ ଗାଡି ଭିତରେ ତନୁଜାଙ୍କ ମୃତଦେହ ଥିଲା ତାର ନମ୍ବର ହେଉଛି ଓଆର ୦୨ଏଏମ ୨୬୦୦ | ଏହି ଗାଡିଟି ଏସ ଆର କ୍ୟାରିଅର ନାମକ ଏକ ସଂସ୍ଥାର ବୋଲି ଜଣାପଡିଛି |

   Related Posts