Wednesday, June 26, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ମାଟି ତଳୁ ବାହାରିଲା ମହିଳାଙ୍କ ମୃତଦେହ : ଶାଶୁଘର ଲୋକେ ମାରି ପୋତି ଦେଇଥିବା ଅଭିଯୋଗ

କେନ୍ଦ୍ରାପଡା  ୧୨/୬: ମାଟି ତଳୁ ବାହାରିଲା ମହିଳାଙ୍କ ମୃତଦେହ । କେନ୍ଦ୍ରାପଡା ନିକିରାଇ ଥାନା  ଧୁମାତ ଗଁ। ମଶାଣୀର ମାଟି ଖୋଳି ମହିଳାଙ୍କ ଶବ ଜବତ କରିଛି ପୋଲିସ । ମୃତକ ହେଲେ ବନ୍ଧପଡା ଗଁ।ର ପାର୍ବତୀ ମଲ୍ଲିକ । ପାର୍ବତୀଙ୍କୁ ଶାଶୁଘର ଲୋକେ ମାରି ପୋତି ଦେଇଥିବା ନେଇ ଥାନାରେ ଅଭିଯୋଗ କରିଛନ୍ତି ବାପଘର ଲୋକେ ।

ମଶାଣୀରେ ମାଟି ଖୋଳା ଚାଲିଛି । ୪ ଫୁଟ୍ ଖୋଳିବା ପରେ ବାହାରୁଛି ମହିଳାଙ୍କ ମୃତ ଦେହ । ଏ ଦୃଶ୍ୟ ହେଉଛି   କେନ୍ଦ୍ରାପଡ଼ା ନିକିରାଇ ଥାନା ବନ୍ଧପଡ଼ା ଗାଁର । ଜବତ ମୃତଦେହଟି ଏହି ଗଁ।ର ପାର୍ବତୀ ମଲିକଙ୍କର ।  ଗତ ଜୁନ୍ ୮ରେ ପାର୍ବତୀ ଅସୁସ୍ଥ ହୋଇ ମେଡିକାଲରେ ଚିକିତ୍ସିତ ହେଉଥିବା ବାପ ଘର ଲୋକେ ଜାଣିବାକୁ ପାଇଥିଲେ । ତେବେ ବାପ ଘର ଲୋକେ  ପହଞ୍ଚିବା ବେଳକୁ ପାର୍ବତୀଙ୍କ ମୃତ ଦେହ ଗଁ। ମଶାଣୀରେ ପୋତା ସରିଥିଲା । ପାର୍ବତୀଙ୍କୁ ହତ୍ୟା କରାଯାଇଥିବା ନେଇ ତାଙ୍କ ଭାଇ ନିକିରାଇ ଥାନାରେ ଅଭିଯୋଗ କରିଥିଲେ । ସାଇଣ୍ଟିଫିକ ଟିମ୍ ଉପସ୍ଥିତିରେ ପୋଲିସ ପାର୍ବତୀଙ୍କ ଗଳିତ ମୃତ ଦେହ  ଜବତ କରି ତଦନ୍ତ ଆରମ୍ଭ କରିଛି ।

୨୦୦୮ରେ ଚିତ୍ରସେନ ଓ ପାର୍ବତୀ ପରସ୍ପରକୁ ପ୍ରେମ ବିବାହ କରିଥିଲେ । ଉଭୟଙ୍କର ଗୋଟିଏ 10 ବର୍ଷର ଝିଅ ଓ ଗୋଟିଏ 7 ବର୍ଷର ପୁଅ ଅଛି। ଚିତ୍ରସେନ ଟ୍ରାକ୍ଟର ଡ୍ରାଇଭର ଭାବେ କାମ କରନ୍ତି । ବିଭିନ୍ନ ସମୟରେ ନିଶା ଖାଇ ପାର୍ବତୀଙ୍କୁ ମାରଧର କରେ ଚିତ୍ରସେନ । ଅନ୍ୟଜଣେ ମହିଳାଙ୍କୁ ଚିତ୍ରସେନ ବିବାହ କରିଥିବା ମଧ୍ୟ ପାର୍ବତୀଙ୍କ ପରିବାର ଲୋକେ ଅଭିଯୋଗ କରିଛନ୍ତି  । ଜବତ ମୃତଦେହକୁ ପୋଷ୍ଟମଟମ ପାଇଁ ପଠାଇବା ସହ ଅଭିଯୁକ୍ତ ଚିତ୍ରସେନ୍ କୁ ଅଟକ ରଖିଛି ପୋଲିସ  ।

କାହିଁକି ମୃତ ଦେହ ତରବରିଆ ଭାବେ ପୋତାଯାଇଥିଲା । ପୋଷ୍ଟ ରିପୋର୍ଟ ପରେ ହିଁ ସବୁ ରହସ୍ୟ ଫିଟିବ ବୋଲି ଆଶା ରଖିଛି ପୋଲିସ ।

145 Views

   ସମ୍ବନ୍ଧିତ ଖବର