Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ମହିଳା ପୋଲିସ ଅଧିକାରୀଙ୍କୁ ଜୀବନ୍ତ ପୋଡି ହତ୍ୟା

15/06/2019 at 8:50 PM

ଆଲାପ୍ପୁଝା ୧୫।୬: କେରଳ ଆଲାପ୍ପୁଝା ଜିଲ୍ଲାରେ ଶନିବାର ଜଣେ ମହିଳା ସିଭିଲ ପୋଲିସ ଅଫିସର ସିପିଓଙ୍କୁ ଜୀବନ୍ତ ପୋଡି ହତ୍ୟା କରାଯାଇଛି। ଭାଲିକୁନ୍ନମର କାଞ୍ଜିପୁଝାଠାରେ ଘଟିଛି ଏହି ଅଭାବନୀୟ ଘଟଣା। ମୃତ ସିପିଓଙ୍କ ଚିହ୍ନଟ ହୋଇଛି। ତାଙ୍କ ନାମ ସୌମ୍ୟା ପୁଷ୍କରନ ଓ ବୟସ ୩୨ ବର୍ଷ। ସେ ଭାଲିକୁନ୍ନମ ଗ୍ରାମରେ ଷ୍ଟୁଡେଣ୍ଟ କ୍ୟାଡେଟମାନଙ୍କ କ୍ୟାମ୍ପରୁ ଫେରୁଥିବା ରାସ୍ତାରେ ତାଙ୍କ ଉପରେ ପେଟ୍ରୋଲ ଢାଳି ନିଆଁ ଲଗାଇ ଦିଆଯାଇଥିଲା। ଫଳରେ ଗୁରୁତର ପୋଡିଯାଇଥିବା ସୌମ୍ୟାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।

ସୌମ୍ୟା ସ୍କୁଟର ଯୋଗେ ଘରକୁ ଫେରୁଥିଲେ। ସେ ଆଲୁଭା ନିକଟରେ ହୋଇଥିବା ବେଳେ ଆକ୍ରମଣକାରୀ ତାଙ୍କୁ ଚଳନ୍ତା ସ୍କୁଟରରୁ ଘୋଷାଡି ତଳେ ପକାଇଦେଇଥିଲା। ସେ ତଳେ ପଡିଯିବା ପରେ ତାଙ୍କୁ ଖଣ୍ଡାରେ ଆକ୍ରମଣ କରିବା ସହ ପେଟ୍ରୋଲ ଢାଳି ନିଆଁ ଲଗାଇ ଚାଲିଯାଇଥିଲା। ଗୁରୁତର ଭାବେ ପୋଡିଯାଇଥିବା ସୌମ୍ୟାଙ୍କୁ ତୁରନ୍ତ ଆଲାପ୍ପୁଝା ମେଡିକାଲ କଲେଜ୍ ହସ୍ପିଟାଲକୁ ନିଆଯାଇଥିଲା। ତେବେ ଡାକ୍ତ ସେଠାରେ ତାଙ୍କୁ ମୃତ ଘୋଷଣା କରିଛନ୍ତି।

ମୃତ ସୌମ୍ୟା ବିବାହିତା ଥିଲେ ତାଙ୍କର ସ୍ୱାମୀ ଓ ୨ଟି ସନ୍ତାନ ମଧ୍ୟ ଅଛନ୍ତି। ତେବେ ତାଙ୍କୁ କଣ ପାଇଁ  ଏଭଳି ନିର୍ମମ ହତ୍ୟା କରାଗଲା ତାହା ସ୍ପଷ୍ଟ ହୋଇପାରି ନାହିଁ । ପୋଲିସ ମାମଲାରେ ଜଣକୁ ଅଟକ ରଖି ପଚରା ଉଚରା ଚଳାଇଛି। ସେପଟେ  ମୃତକଙ୍କ ଶବ ଜବତ କରାଯିବା ସହିତ ପୋଲିସ ପୋଷ୍ଟମର୍ଟମ ପାଇଁ ପଠାଇ ମାମଲାର ତଦନ୍ତ ଜାରି ରଖିଛି। 

   Related Posts