Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

୧୦ ମାସର ପୁଅକୁ ଧରି ଖାକୀ ୟୁନିଫର୍ମରେ କର୍ତ୍ତବ୍ୟ କରୁଛନ୍ତି ପୁନମ, ସୀମାରେ ଦେଶ ସେବା କରୁଛନ୍ତି ସ୍ୱାମୀ

9/11/2020 at 12:52 PM

ଆଗ୍ରା ୦୯/୧୧ : ନିଜ ଦୃଢ ଇଚ୍ଛା ଶକ୍ତି ବଳରେ ଦୁନିଆ ଜିତିବା ଇଚ୍ଛାକୁ ସାକାର କରିଛନ୍ତି ଆଗ୍ରା ପୋଲିସରେ ଥିବା କନେଷ୍ଟବଳ ପୁନମ। ୧୦ ମାସର ଶିଶୁକୁ ପ୍ରତିଦିନ ନିଜ ସହ ନେଇ ଥାନାକୁ ନେଇ ଦାୟିତ୍ୱ କରୁଥିବା ପୁନମ ନାରୀ ସଶକ୍ତିକରଣର ଉଦାହରଣ ଦେଇଛନ୍ତି। ପୁନମଙ୍କ ସ୍ୱାମୀ ସେନାରେ କାର୍ଯ୍ୟରତ। ପୁନମ ଖାକୀ ୟୁନିଫର୍ମ ପିନ୍ଧି କଠିନ ପରିସ୍ଥିତିରେ ମଧ୍ୟ ନିଜ ଦାୟିତ୍ୱ ବହନ କରୁଛନ୍ତି। ପୁନମଙ୍କ ୧୦ ମାସର ନିରୀହ ପୁଅ ଆୟୁଷ ଥାନାରେ ସମସ୍ତଙ୍କ ଗେହ୍ଲା। ଥାନାକୁ ଆସୁଥିବା ଆଗନ୍ତୁକ ମଧ୍ୟ ଆୟୁଷକୁ ବହୁତ ସ୍ନେହ କରନ୍ତି।

ପୁନମ ଥାନାରେ ବସି ନିଜ କାମ କରନ୍ତି ଓ ତାଙ୍କ ନଜର ମଧ୍ୟ ପୁଅ ଉପରେ ଥାଏ। ପୁନମ ଯେଉଁଭଳି ଭାବେ ନିଜ ଦାୟିତ୍ୱ ବହନ କରୁଛନ୍ତି ପୁରା ଅଞ୍ଚଳରେ ତାଙ୍କର ଚର୍ଚ୍ଚା ହେଉଛି। ଅଲିଗଡ଼ ନିବାସୀ ପୁନମ ପୂର୍ବରୁ ପୋଲିସ ଲାଇନରେ ଥିଲେ। ତାଙ୍କ ପୁଅକୁ ଯେତେବେଳେ ୬ ମାସ ହୋଇଥିଲା ସେବେଠାରୁ ସେ ଡ୍ୟୁଟି ଯଏନ କରିଛନ୍ତି। କାମ ପ୍ରତି ପୁନମଙ୍କ ସମର୍ପଣ ଦେଖି ତାଙ୍କୁ ଆଗ୍ରା ନ୍ୟୁ ଥାନାକୁ ଟ୍ରାନ୍ସଫର କରାଯାଇଥିଲା। ନ୍ୟୁ ଆଗ୍ରା ଥାନାରେ ପୁନମର ପୁଅ ଆୟୁଷ ଅଳ୍ପ ଦିନରେ ସମସ୍ତଙ୍କ ଗେହ୍ଲା ହୋଇଯାଇଛି।

ଥାନାକୁ ପ୍ରବେଶ କରିବ କ୍ଷଣି ଆଗନ୍ତୁକଙ୍କୁ ପୁନମ ସ୍ୱାଗତ କରିଥାନ୍ତି। ପୁନମ ଆଗନ୍ତୁକଙ୍କୁ ବସିବାକୁ ଚୌକି ଦେଇ ତାଙ୍କର ସବୁ କଥା ଶୁଣିଥାନ୍ତି। ରେଜିଷ୍ଟରରେ ନାମ, ଠିକଣା, ମୋବାଇଲ ନମ୍ବର ଆଦି ଲେଖି ଅଭିଯୋଗକୁ ସମ୍ବନ୍ଧିତ ପୋଲିସ ଅଧିକାରୀଙ୍କ ପାଖକୁ ପଠାଇ ଦେଇଥାନ୍ତି। ପୁନମ କାମ କଲାବେଳେ ଆୟୁଷ ଥାନାରେ ଥିବା ବେଞ୍ଚରେ ବସିଥାଏ ନଚେତ ଖେଳୁଥାଏ। ନିଦ ଲାଗିଲେ ସେଇଠି ଶୋଇପଡେ। ସାଂସାରିକ ଜୀବନ ସହ ଦାୟିତ୍ୱ ସୁଚାରୁ ରୂପେ ତୁଲାଇଥାନ୍ତି ପୁନମ।

ପୁନମଙ୍କ କାର୍ଯ୍ୟକୁ ନେଇ ଥାନା ଅଧ୍ୟକ୍ଷ ଉମେଶ ତ୍ରିପାଠୀ ମଧ୍ୟ ତାଙ୍କର ପ୍ରଶଂସା କରନ୍ତି। ସେ କୁହନ୍ତି ଯେ ପୁନମ ପୁରା ନିଷ୍ଠାର ସହ ନିଜ କର୍ତ୍ତବ୍ୟ କରନ୍ତି। ପୁନମ କହିଛନ୍ତି, ଥାନା କର୍ମଚାରୀଙ୍କ ସହ ଆଗନ୍ତୁକ ମଧ୍ୟ ଆୟୁଷକୁ ବହୁତ ସ୍ନେହ କରନ୍ତି। ଲୋକଙ୍କ ଠାରୁ ମିଳୁଥିବା ଏହି ସ୍ନେହ ତାଙ୍କୁ ଶକ୍ତି ଦେଇଥାଏ। ପୁଅର ଦେଖାଶୁଣା କରିବାକୁ ଘରେ ଆଉ କେହି ନଥିବାରୁ ପୁନମ ପ୍ରତିଦିନ ଆୟୁଷକୁ ନେଇ ଥାନାକୁ ଆସନ୍ତି ଓ ନିଷ୍ଠାର ସହ ନିଜ କର୍ତ୍ତବ୍ୟ କରନ୍ତି। ପୁନମଙ୍କ କାମକୁ ଦେଖି ସମସ୍ତେ ତାଙ୍କର ଖୁବ ପ୍ରଶଂସା କରନ୍ତି। ପୁନମ କହିଛନ୍ତି, ତାଙ୍କ ସ୍ୱାମୀ ସୀମାରେ ନିୟୋଜିତ ଅଛନ୍ତି ଓ ଦେଶ ସେବା କରୁଛନ୍ତି। ସ୍ୱାମୀ ସ୍ତ୍ରୀ ଉଭୟ ଦେଶ ସେବା କରୁଛନ୍ତି ଏବଂ ଏହା ତାଙ୍କ ପରିବାର ପାଇଁ ଗର୍ବର ବିଷୟ।

   Related Posts