Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣା : ଚଳନ୍ତା କାର ଉପରେ ଓଲଟି ପଡିଲା କଣ୍ଟେନର, ୩ ମୃତ
  • ||
  • ଅଷ୍ଟ୍ରେଲିଆକୁ ଆଉ ଏକ ଝଟକା, ଷ୍ଟାର୍କ ଆହତ, ପ୍ରଥମ ଟି୨୦ରୁ ପଡିବେ ବାଦ୍ !
  • ||
  • ବରଗଡ : ଟ୍ରକ୍‌ ସହ ଧକ୍କା ହେଲା ବରଯାତ୍ରୀ ବୋଲେରୋ, ୩ ମୃତ, ୪ ଗୁରୁତର
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୫୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜଧାନୀରୁ ପୁଣି ବ୍ରାଉନସୁଗାର ଜବତ, ୪ ଗିରଫ
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୩୪ କରୋନା ସଂକ୍ରମିତ, ୩୨୦୦୧୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ନୂଆଦିଲ୍ଲୀ : MDH ମସଲାର ପ୍ରତିଷ୍ଠାତା ଧର୍ମପାଲ ଗୁଲାଟୀଙ୍କ ପରଲୋକ
  • ||
  • ଗୋପ : ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା, କୋଭିଡ୍ ପଜିଟିଭ୍ ହୋଇ ଶେଷ ନିଶ୍ୱାସ ତ୍ୟାଗ କଲେ ଏଏସଆଇ
  • ||
  • ସୋର : ଘରେ ପଶିଲେ ଦୁର୍ବୃତ୍ତ, ବାପ-ପୁଅଙ୍କୁ ଗୋଡାଇ ଗୋଡାଇ ହାଣିଲେ
  • ||
  • କୋରାପୁଟ : ମିଳିଲାନି ଜାମିନ୍, ନିଜ ବେକ କାଟିଦେଲେ କଏଦୀ, ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି
  • ||

ସାପ୍ତାହିକ କିସ୍ତି ଦେଇ ନପାରିବାରୁ ମହିଳାଙ୍କୁ ତାଲାଦେଲେ ସ୍ଵଂୟ ସହାୟକ ଗୋଷ୍ଠୀ, ଘରଭିତରେ ଫାଶିଦେଇ ମରିଗଲେ ମହିଳା

23/03/2019 at 5:43 PM

ରାତଲାମ ୨୩/୩- ମହିଳାଙ୍କୁ ସ୍ଵାବଲମ୍ବୀ କରିବା ଉଦ୍ଦେଶ୍ୟରେ ଆରମ୍ଭ ହୋଇଥିଲା ସ୍ଵଂୟ ସହାୟକ ଗୋଷ୍ଠୀ । ମହିଳାମାନେ ଆର୍ଥିକ ଅନଗ୍ରସରରୁ ମୁକ୍ତି ପାଇ ନିଜ ଗୋଡ଼ରେ ଠିଆ ହେବାକୁ ମାଳମାଳ ସରକାରୀ ଯୋଜନା । ତଥାପି କିଛି ଘରୋଇ ଋଣ ପ୍ରଦାନକାରୀ ସଂସ୍ଥା ସ୍ଵାବଲମ୍ବୀ କରିବାକୁ  ମହିଳାଙ୍କୁ ଦେଉଛନ୍ତି ଋଣ। କିନ୍ତୁ ପରୋକ୍ଷରେ ଅଧିକ ସୁଧହାର ନେବା  ଆର୍ଥିକ ଶୋଷଣ କରିବା ଭଳି ଘଟଣା ଦିନକୁଦିନ ଉତ୍କଟ ରୂପ ନେଉଛି । ମହିଳାମାନଙ୍କୁ ବିନା ତାଲିମରେ ଋଣ ପ୍ରଦାନ କରୁଥିବାରୁ ଅଧିକାଂଶ ମହିଳା ଏହି ଋଣ ଟଂକାକୁ ନିଜ ପରିବାର କାମରେ ଲଗାଇଦେଉଛନ୍ତି । କୌଣସି ସ୍ଵାବଲମ୍ବୀ ହେବା ପାଇଁ ବାଟ ପାଉ ନାହାଁନ୍ତି । ଫଳରେ ଚଢ଼ା ସୁଧମୂଳ ଆଦାୟ କରୁଛନ୍ତି ଘରୋଇ ଋଣ ପ୍ରଦାନକାରୀ ସଂସ୍ଥା । ଏମିତିକି ଜଣେ ଋଣ  ନ ଶୁଝିଲେ ଅନ୍ୟମାନଙ୍କୁ ଦାୟୀ କରି ବାଧ୍ୟବାଧକତାରେ କରୁଛନ୍ତି ଋଣ ଆଦାୟ ।

ଏଭଳି ଏକ ଅଭାବନୀୟ ଘଟଣା ଘଟିଛି ରାତଲାମ ରବିଦାସ ମାର୍ଗରେ । ଜଣେ ମହିଳା ଏକ ଘୋରେଇ ସଂସ୍ଥାରୁ ଋଣ ଆଣି ଅସୁବିଧା କାରଣରୁ ଗୋଟିଏ ମାତ୍ର ସାପ୍ତାହିକ କିସ୍ତି ଦେଇ ପାରି ନଥିଲେ । ଫଳରେ ଗୋଷ୍ଠୀର ଅନ୍ୟ ସଦସ୍ୟମାନେ ମହିଳାଙ୍କ ଘରେ ପୂରେଇ ଚାବି ଦେଇଦେଲେ । ମହିଳାଙ୍କ ଭାଇ ପଡ଼ୋଶୀଘରକୁ ଫୋନ କରି କହିଥିଲେ ବି ସୁଦ୍ଧା ସେମାନେ କେହି ତାଲା ଖୋଲି ନଥିଲେ ।

ରାନୁ ନାମକ ଏହି ମହିଳାଙ୍କ ସ୍ଵାମୀ କୟୁମ ଖାନ ସଂପର୍କୀୟଙ୍କ ଭୋଜିରେ ଯୋଗଦେବାକୁ ଦୁଇପୁଅଙ୍କୁ ନେଇ ଚାଲିଯାଇଥିଲେ । ରାନୁ ଏକା ଘରେ ଥିଲେ । ଏହି ସମୟରେ ମହିଳା ଗୋଷ୍ଠୀର ସମସ୍ତ ସଦସ୍ୟ ତାଙ୍କ ଘରେ ହଙ୍ଗାମା କରିଥିଲେ । ମହିଳାଙ୍କୁ ମଧ୍ୟ ବାହାରୁ ତାଲା ଦେଇଥିଲେ । ଦୀର୍ଘ ସାଢ଼େ ତିନିଘଣ୍ଟା ରାନୁ ଘରଭିତରେ ବନ୍ଦୀ ହୋଇଥିଲେ । ସେହି ସମୟରେ ନିଜ ଓଢ଼ଣିରେ ଫାଶୀ ଲଗାଇ କରିଥିଲେ ଆତ୍ମହତ୍ୟା ।

ଜଣେ ପଡ଼ୋଶୀ ଆସି ତାଲା ଖୋଲିବା ପରେ ରାନୁ ଫାଶୀ ଦେଇଥିବା କଥା ଜାଣି ସେମାନେ ଘଟଣାସ୍ଥଳରୁ ମାରିଥିଲେ ଚଂପଟ । ଏହି ଘଟଣାରେ ପୋଲିସ କରୁଛି ଅଧିକ ତନାଘନା ।

   Related Posts