Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଡ୍ୟାନ୍ସବାରରେ ପ୍ରେମନିଶା …ବାରଡ୍ୟାନ୍ସରଙ୍କୁ ମନ୍ଦିରରେ ବିବାହ କରି ଏବେ ଥାନାରେ ବିବାହିତ ପ୍ରେମିକ

25/02/2020 at 12:52 PM

ଭୁବନେଶ୍ବର ୨୫/୨: ବାର୍‌ରେ ଡ୍ୟାନ୍ସରଙ୍କ ନୃତ୍ୟ ଦେଖି ପ୍ରେମରେ ପଡ଼ିଲେ । ଆଉ ବିବାହର ପ୍ରଲୋଭନ ଦେଖାଇ ଡ୍ୟାନ୍ସରଙ୍କୁ ପ୍ରେମରେ ଫସାଇଲେ । ଶାରୀରିକ ସମ୍ପର୍କ ରଖିଲେ । ପରେ ଲୁଚିଛପି ଦୁହେଁ ବିବାହ ବି କଲେ । ପରେ ଯୁବକ ବିବାହିତ ବୋଲି ଜାଣିବା ପରେ ବାର୍‌ ଡ୍ୟାନ୍ସର ଜଣକ ଏବେ ପ୍ରତାରଣା ଅଭିଯୋଗ ଆଣିଛନ୍ତି । ଏନେଇ ସେ ସହିଦନଗର ଥାନା ପୁଲିସର ଦ୍ୱାରସ୍ଥ ହୋଇଛନ୍ତି । ପୁଲିସ ସମ୍ପୃକ୍ତ ଯୁବକଙ୍କୁ ଅଟକ ରଖି ପଚରାଉଚରା ଚଳାଇଛି । ସେ ହେଲେ କେଉଁଝର ଜିଲ୍ଲାର ଶଶାଙ୍କ ଶେଖର ମହାନ୍ତି ।

ମିଳିଥିବା ସୂଚନା ମୁତାବକ, ଶଶାଙ୍କ ଏକ ଆଇଟି ସେକ୍ଟରରେ ଚାକିରି କରୁଛନ୍ତି । ଭଦ୍ରକ ଜିଲ୍ଲା କୋଡବରୁଆଁ ଅଞ୍ଚଳର ଚମେଲି(ଛଦ୍ମନାମ) କଟକ ରୋଡରେ ଥିବା ଏକ ବାର୍‌ରେ ଡ୍ୟାନ୍ସର ଅଛନ୍ତି । ସେଠାକୁ ଶଶାଙ୍କ ପ୍ରତିଦିନ ମଦ ପିଇବାକୁ ଯାଆନ୍ତି । ୩ ବର୍ଷ ତଳେ ଉକ୍ତ ବାରରେ ଉଭୟଙ୍କ ମଧ୍ୟରେ ପରିଚୟ ହୋଇଥିଲା । ପରେ ମୋବାଇଲ ନମ୍ବର ଦିଆନିଆ ହୋଇଥିଲା । ବାର୍‌ ବାହାରେ ଉଭୟଙ୍କ ମଧ୍ୟରେ ମିଳାମିଶା ବଢ଼ିଥିଲା । ବିବାହର ମିଥ୍ୟା ପ୍ରତିଶ୍ରୁତି ଦେଇ ଚମେଲିଙ୍କୁ ଅନେକ ସମୟରେ ହୋଟେଲକୁ ଡକାଇ ଶାରୀରିକ ସମ୍ପର୍କ ରଖିଥିଲେ ଶଶାଙ୍କ । ଦୀର୍ଘ ବର୍ଷେ ଏମିତି ସମ୍ପର୍କ ରଖିବା ପରେ ଶଶାଙ୍କଙ୍କୁ ବିବାହ କରିବେ ବୋଲି ଚମେଲି ଜିଦ୍‌ ଧରିଥିଲେ । ଅନେକ ବୁଝାଇବା ସତ୍ତେ୍ୱ ଚମେଲି ରାଜି ନ ହେବାରୁ ଶଶାଙ୍କ ତାଙ୍କୁ ରାଜଧାନୀ ଉପକଣ୍ଠ ଏକ ମନ୍ଦିରରେ ବିବାହ କରି ସହିଦନଗର ଅଞ୍ଚଳରେ ଏକ ଭଡ଼ା ଘରେ ରଖିଥିଲେ ।

ତେବେ ଶଶାଙ୍କ ବିବାହିତ ଓ ତାଙ୍କର ଏକ ସନ୍ତାନ ଅଛି ବୋଲି କୌଣସି ସୂତ୍ରରୁ ମାସେ ତଳେ ଚମେଲି ଖବର ପାଇଥିଲେ । ଏନେଇ ପଚରିବାରୁ ଶଶାଙ୍କ ତାଙ୍କୁ ମାର୍‌ଧର କରିବାକୁ ଲାଗିଲେ । ଏପରିକି ଘଟଣାକୁ ପ୍ରଘଟ ନ କରି ଭଡ଼ା ଘରେ ରହିବାକୁ ଶଶାଙ୍କ ତାଙ୍କୁ ବାଧ୍ୟ କରାଇଥିଲେ । ନହେଲେ ମାରିଦେବାକୁ ସେ ଚମେଲିଙ୍କୁ ଧମକ ଦେଇଥିଲେ । ଶେଷରେ ନିରୁପାୟ ହୋଇ ଚମେଲି ପୁଲିସର ଦ୍ୱାରସ୍ଥ ହୋଇଛନ୍ତି । ପୁଲିସ କେସ୍‌ ନମ୍ବର ୧୧୦/୨୦ରେ ଏକ ମାମଲା ରୁଜୁ କରି ଶଶାଙ୍କଙ୍କ ବିରୋଧରେ ଆଇପିସି ଦଫା ୩୪୧, ୩୨୩, ୪୧୭, ୪୯୩ ଓ ୫୦୬ ଲଗାଇଛି ।

   Related Posts