ଭୁବନେଶ୍ୱର ୨୮।୧୧ - ପାଣିପାଗ ଭଳି ହଠାତ ବଦଳିଗଲା ବାହାଘରର ବାତାବରଣ। ଝିଅର ବାହାଘର ପାଇଁ ବାଜ ସହ ନାଚ ଗୀତ ଚାଲିଥିବା ବେଳେ ହଠାତ୍ ଘଟିଥିଲା ଏକ ଅଜବ ଘଟଣା । ପ୍ରଥମ ପତି ବିବାହ ପ୍ରମାଣ ପତ୍ର ସହ ଝିଅ ଘରେ ପହଞ୍ଚିଥିଲେ । ଝିଅ ଘରର ବିରୋଧ ସତ୍ତ୍ୱେ ସେଠାରୁ ତାଙ୍କ ପତ୍ନୀଙ୍କୁ ନେବା ପାଇଁ ଜିଦ୍ କରିଥିଲେ । ଏହା ପରେ ଘଟଣାସ୍ଥଳରେ ପୁଲିସ ପହଞ୍ଚିଥିଲା । ଭୁବନେଶ୍ବରରେ ନୟାପଲ୍ଲୀରେ ପୋଲିସ ବାହାଘରକୁ ବନ୍ଦ କରିବାପାଇଁ ନିର୍ଦେଶ ଦେଇଛି । କାରଣ ଥିଲା ବର ରୋଷଣୀ କରି ପହଞ୍ଚିବା ପୂର୍ବରୁ ହଠାତ ଆବିର୍ଭାବ ହୋଇଥିଲେ ଜଣେ ଯୁବକ। ଆଉ ଦାବି କରିଥିଲେ ବାହା ହେଉଥିବା କନିଆଁ ତାଙ୍କର ବୋଲି।
{"id":191164,"sizeSlug":"large"}ଗତ କାଲି ଥିଲା ମଙ୍ଗନ ଆଜି ହୋଇଥାନ୍ତା ବାହାଘର। ସାଜସଜ୍ଜା ସରିଥିଲା ଘର ଆଗରେ ଗେଟ୍ ଫୁଲ ଟଙ୍ଗା ହୋଇଥିଲା। ନୟାପଲ୍ଲୀ ଥାନା ଆଇଆରସି ଭିଲେଜର ଭିଆଇପି କଲୋନିର ଗୋଟିଏ ଘରେ ବାହାଘର ପାଇଁ ସାଜସଜ୍ଜା ହୋଇଥିଲା । ଆଜିକାଲିର ମେହେନ୍ଦି କରାଯାଉଥିବା ସହ ନାଚଗୀତ ବି ଚାଲିଥିଲା। ହଠାତ ବାହାଘର ବେଦୀ ପାଖରେ ପହଁଚିଥିଲେ ଅନୁଗୁଳ ଅଞ୍ଚଳର ରାକେଶ ବାରିକ ନାମକ ଯୁବକ ।
{"id":191166,"sizeSlug":"large"}ହାତରେ ଥିଲା ବିବାହର ପ୍ରମାଣପତ୍ର । ଯେଉଁ ଯୁବତୀ ବିଦେଶରେ ଚାକିରୀ କରିଥିବା ଯୁବକଙ୍କୁ ବାହାହେବାକୁ ଯାଉଛନ୍ତି ସେ କୁଆଡେ ତାଙ୍କର ପତ୍ନୀ ବୋଲି ସେ ଦାବି କରିଥିଲେ। ଯୁବତୀଙ୍କୁ ରାକେଶ କୋର୍ଟରେ ବିବାହ କରିଥିବାର କାଗଜ ଦେଖାଇଥିଲେ । ଏପରିକି ଦୁଇଜଣ ଝିଅର ପରିବାରଙ୍କ ସହମତି ଅନୁସାରେ ଏକତ୍ର ରହିଆସୁଥିଲେ ବୋଲି କହିଛନ୍ତି । କିନ୍ତୁ କେଉଁ କାରଣ ପାଇଁ ଝିଅ କୁ ପରିବାର ଲୋକେ ଅନ୍ୟତ୍ର ବିବାହ କରିଦେଉଛନ୍ତି ତାର ସୁରାକ ମଧ୍ୟ ରାକେଶ ପାଇନଥିଲେ ବୋଲି କହିଥିଲେ ।
{"id":191167,"sizeSlug":"large"}ଖବର ପାଇ ଘଟଣା ସ୍ଥଳରେ ପହଁଚିଥିଲା ନୟାପଲ୍ଲୀ ପୋଲିସ । ପୁଅ ପାଖରୁ ସମସ୍ତ କାଗଜପତ୍ର ଓ ମ୍ୟାରେଜ ସାର୍ଟିଫିକେଟ ଦେଖିବା ପରେ ଝିଅ ଘରକୁ ବାହାଘର ବନ୍ଦ ରଖିବାକୁ ପୋଲିସ ପରାମର୍ଶ ଦେବା ସହିତ ପୁଅକୁ ବୁଝାସୁଝା କରି ସେଠାରୁ ହଟାଇଥିଲେ । କିନ୍ତୁ ରାକେଶଙ୍କ ଏକାଜିଦି ଯୁବତୀ ତାଙ୍କର ପତ୍ନୀ ତେଣୁ ସେ ତାଙ୍କୁ ନେଇକି ଯିବେ।
{"id":191168,"sizeSlug":"large"}ବାହାଘର ପ୍ରମାଣ ପତ୍ରରେ ପୁଅ ସହିତ ଆହୁରୀ ତିନିଜଣ ସାକ୍ଷୀ ମଧ୍ୟ ରହିଛନ୍ତି । ଏହି ଘଟଣା ପରେ ଟେଣ୍ଟ ହାଉସ ତାର ସମସ୍ତ ଜିନିଷ ଖୋଲି ସେଠାରୁ ହଟାଇବା ଆରମ୍ଭ କରିଛି । ଅନ୍ୟପଟେ ରାକେଶ ଅନୁଗୁଳ କୋର୍ଟରେ ନିଜ ସ୍ତ୍ରୀକୁ ଫେରାଇନେବା ପାଇଁ ଆବେଦନ କରିଥିବା ସୁଚନା ମିଳିଛି । ତେବେ ପୁର୍ବରୁ କୋର୍ଟରେ ବିବାହ କରିଥିବା ଯୁବତୀ ଜଣକ ଅନ୍ୟ ସହିତ ବିବାହ କରିବାକୁ ରାଜିହେଲେ କିପରି । ନା ପରିବାର ଲୋକେ ଝିଅକୁ ବାହାହେବାକୁ ଜୋର ଜବରଦସ୍ତ କରୁଛନ୍ତି ତାହା ପୋଲିସର ଅନୁସନ୍ଧାନ ପରେ ଜଣା ପଡିବ। ଓ ପରିବାର ପକ୍ଷରୁ ମଧ୍ୟ କୌଣସି ପ୍ରତିକ୍ରିୟା ମିଳିପାରିନାହିଁ।
wp:html /wp:html