ଜଳେଶ୍ୱର, ୨୪/୧୦: ବାଲିଆପାଳ ଥାନା ଛଡାଗ୍ରାମରେ ଏକ ଅଭାବନୀୟ ଘଟଣା ଘଟିଛି । ନବବିବାହିତା ମହିଳା ପାରିବାରିକ କଳହରୁ ଦେହରେ କିରୋସିନି ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି । ମହିଳା ଜଣକ ହେଲେ ସୁଚିତ୍ରା ସିଂ । ବାଲେଶ୍ୱର ଜିଲ୍ଲା ବାଲିଆପାଳ ଥାନା ଛଡା ଗ୍ରାମର କ୍ରିଷ୍ଣା ସିଂଙ୍କର ସ୍ତ୍ରୀ ସୁଚିତ୍ରା ସିଂ ଆଜି ମାଧ୍ୟାନ ସମୟରେ ପାରିବାରିକ କଳହ ଯୋଗୁଁ ରାଗି ଯାଇ ନିଜ ଦେହରେ କିରୋସିନି ଢାଳି ହୋଇ ନିଆଁ ଲଗାଇ ଦେଇଥିଲେ ।
ସୁଚିତ୍ରାଙ୍କ ଶରୀର ଅର୍ଦ୍ଧେକ ଭାଗପୋଡି ହୋଇ ଯାଇଥିଲା ବେଳେ ପରିବାର ଲୋକ ଜାଣି ପାରି ସଂଗେ ସଂଗେ ତାଙ୍କୁ ଉଦ୍ଧାର କରି ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ତାଙ୍କର ଅବସ୍ଥା ଗୁରୁତର ହେବାରୁ ସଂଗେ ସଂଗେ୧୦୮ ଆମ୍ବୁଲାନ୍ସ ଯୋଗେ ବାଲେଶ୍ୱର ମୁଖ୍ୟ ଡାକ୍ତର ଖାନାକୁ ସ୍ଥାନାନ୍ତରିତ କରାଯାଇଛି ।