Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ଛତିଶଗଡ ସୀମାନ୍ତରୁ ଆସିବେ ପ୍ରବାସୀ, ଆଗକୁ ଆହୁରି ବିଗିଡିବ ସ୍ଥିତି – ଶ୍ରମ ମନ୍ତ୍ରୀ
  • ||
  • କଟକ : ଅପ୍ରେଲ ଶେଷ କିମ୍ବା ମେ’ ପ୍ରଥମ ସପ୍ତାହରେ ରାଜ୍ୟରେ ପିକ୍‌ରେ ରହିପାରେ କରୋନା ସଂକ୍ରମଣ
  • ||
  • ପୁରୀ : ବ୍ରହ୍ମଗିରିରେ ବୋମାମାଡ, ଛିଣ୍ଡିଗଲା ଯୁବକଙ୍କ ହାତ
  • ||
  • ମହାକାଳପଡା : ହରିଣ ମାଂସ ବୋଝେଇ ଅଟୋ ଜବତ, ଜଣେ ଗିରଫ, ୨ ଅଭିଯୁକ୍ତ ଫେରାର
  • ||
  • ରାୟଗଡା : ତ୍ରିପୁରା ଯିବାବେଳେ ରେଳ ଷ୍ଟେସନରୁ ୬ନାବାଳିକା ଉଦ୍ଧାର, ଚାଇଲ୍ଡ ଲାଇନ୍‌କୁ ହସ୍ତାନ୍ତର
  • ||
  • ସମ୍ବଲପୁର : ସମ୍ବଲପୁର ଜିଲ୍ଲାର ୨ଟି ଗାଁ ସଟଡାଉନ୍ ଘୋଷଣା, କରୋନା ସଂକ୍ରମଣ ବୃଦ୍ଧି ଦୃଷ୍ଟିରୁ ପଦକ୍ଷେପ
  • ||
  • ଭୁବନେଶ୍ବର : ବାତିଲ ହେଲା ଚଳିତବର୍ଷ ମାଟ୍ରିକ ପରୀକ୍ଷା, ଘୋଷଣା କଲେ ଗଣଶିକ୍ଷା ମନ୍ତ୍ରୀ
  • ||
  • ଆଜିଠାରୁ ୫ ଦିନ ବନ୍ଦ ରହିବ ସମ୍ବଲପୁର ବିଶ୍ବବିଦ୍ୟାଳୟ, କରୋନା ସଂକ୍ରମଣ ଦୃଷ୍ଟିରୁ ପଦକ୍ଷେପ
  • ||
  • ରାଜ୍ୟରେ କରୋନା ନେଲା ଆଉ ୫ ଜଣଙ୍କ ଜୀବନ, ୧୯୫୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ପବିତ୍ର ଶ୍ରୀରାମ ନବମୀ : କୋଭିଡ୍ କଟକଣାରେ ପାଳନ ହେବ ଉତ୍ସବ, ଆଜିଠୁ ଟ୍ବିନସିଟିର ସମସ୍ତ ଧର୍ମାନୁଷ୍ଠାନ ବନ୍ଦ
  • ||

ମହିଳାଙ୍କୁ ଦୁଇ ବର୍ଷ ଯାଏଁ ଆଶ୍ରମରେ ବନ୍ଦୀ କରି ଦୁଷ୍କର୍ମ କରୁଥିଲା ବାବା : ପୋଲିସ ଏବେ ଖୋଜୁଛି ଭଣ୍ଡକୁ

2/11/2018 at 4:22 PM

ନୂଆଦିଲ୍ଲୀ ୨/୧୧ : ପୁଣି ଜଣେ ବାବାଙ୍କ ନାଁରେ ଆସିଲା ଦୁଷ୍କର୍ମ ଅଭିଯୋଗ | ବାବାଙ୍କ ନାଁରେ ମହିଳା ଥାନାରେ ଏତଲା ଦେଇଛନ୍ତି ଜଣେ ମହିଳା | ମହିଳା ଜଣକ ଗୋରଖପୁରର ଏକ ଆଶ୍ରମରୁ ଖସିଆସି ଦିଲ୍ଲୀ ମହିଳା କମିସନଙ୍କ ନିକଟରେ  ଗୁହାରୀ କରିଛନ୍ତି | ମହିଳାଙ୍କ ଅଭିଯୋଗ ଆଧାରରେ ସଂପୃକ୍ତ ଆଶ୍ରମର ଅମିତ ବାବା ମଜାର ଵାଲାଙ୍କ ବିରୋଧରେ ଦୁଷ୍କର୍ମ ମାମଲା ରୁଜ୍ଜୁ ହୋଇଛି | ଏହି ବାବା ଗୋରଖପୁରର ପରମେଶ୍ୱର, ଭଣ୍ଡାରରେ ପାଖାପାଖି ହଜାରେ ଆଶ୍ରମ ଚଳାଉଛନ୍ତି | ମହିଳା ଅଭିଯୋଗ କରିଛନ୍ତି ଯେ, ବାବା ତାଙ୍କୁ ଦୁଇ ବର୍ଷ କାଳ ଆଶ୍ରମରେ ବନ୍ଦୀ କରି ରଖିଥିଲେ ଏବଂ ତାଙ୍କ ସହ ଦୁଷ୍କର୍ମ କରୁଥିଲେ | ତେବେ ଆଶ୍ରମରେ କାମ କରୁଥିବା ଜଣେ ସେବକଙ୍କ ସହାୟତାରେ ମହିଳା ଜଣକ ସେଠାରୁ ଖସି ଆସିଛନ୍ତି | ମହିଳାଙ୍କ ଅଭିଯୋଗ ଆଧାରରେ ବାବା ନାଁରେ ମାମଲା ରୁଜ୍ଜୁ କରିବା ପାଇଁ ମହିଳା କମିସନ ଦିଲ୍ଲୀ ପୋଲିସକୁ ନିର୍ଦେଶ ଦେଇଥିଲେ | ଦିଲ୍ଲୀ ପୋଲିସ ଆଇପିସିର ଧାରା ୩୭୬, ୩୨୩, ୩୪୨, ୩୨୮, ୫୦୬ ଏବଂ ୧୨୦ ରେ ମାମଲା ରୁଜ୍ଜୁ କରିଛି। ମହିଳାଙ୍କୁ ସୁରକ୍ଷା ଦେବା ପାଇଁ ମଧ୍ୟ କମିସନ ପୋଲିସକୁ ପୋଲିସକୁ ନିର୍ଦେଶ ଦେଇଛନ୍ତି |

ସୂଚନାଯୋଗ୍ୟ ଯେ, ଦୁଇବର୍ଷ ତଳେ ମହିଳା ଜଣକ କାମ ଖୋଜିବା ପାଇଁ ନିଜ ପରିବାର ସଦସ୍ୟଙ୍କ ସହ ଗୋରଖପୁର ଯାଇଥିଲେ | ସେଠାକାର ଏକ କାରଖାନାରେ ତାଙ୍କୁ କାମ ମଧ୍ୟ ମିଳିଥିଲା | ସେ ଯଥା ସମୟରେ କାରଖାନାରେ ପହଂଚି ତାଙ୍କ କାମ ତୁଲାଉଥିଲେ | ୟା ଭିତରେ ମହିଳାଙ୍କ ସାମାନ୍ୟ ସ୍ୱାସ୍ଥ୍ୟ ଖରାପ ହୋଇଥିଲା | ଆଉ ଜଣେ ମହିଳା ତାଙ୍କର ଚିକିତ୍ସା କରେଇବା ବାହାନାରେ ତାଙ୍କୁ ଅମିତ ବାବା ଆଶ୍ରମକୁ ନେଇଯାଇଥିଲେ | ମହିଳାଙ୍କ ଉପରେ ବିଶ୍ୱାସ କରି ସେ ବାବାଙ୍କ ଆଶ୍ରମକୁ ଯାଇଥିଲେ | ସ୍ୱାସ୍ଥ୍ୟ ଭଲ କରିବା ପାଇଁ ବାବା ତାଙ୍କୁ କିଛି ଔଷଧ ଦେଇଥିଲେ | ଔଷଧ ଖାଇବାପରେ ସେ ଅସୁସ୍ଥ ଅନୁଭବ କରିଥିଲେ ମଧ୍ୟ  ଘରକୁ ଫେରିଯାଇଥିଲେ | ବାବା ପୀଡିତାଙ୍କୁ ନିଜର ଫୋନ ନମ୍ବର ଦେଇଥିଲେ | ପୀଡିତା ବାବାକୁ ଫୋନ କରିବାପରେ ବାବା ତାଙ୍କୁ ପୁଣି ଆଶ୍ରମକୁ ଆସିବା ପାଇଁ କହିଥିଲେ |

ଅଭିଯୋଗ ଅନୁଯାୟୀ ପୁଣି ଆଶ୍ରମକୁ ଯିବାପରେ ବାବା ତାଙ୍କୁ ଆଶ୍ରମରେ କଏଦ କରି ରଖିଥିଲେ ଏବଂ ୨ ବର୍ଷ ଯାଏଁ ତାଙ୍କ ସହ ଦୁଷ୍କର୍ମ କରିଥିଲେ | ବାବାଙ୍କ ନିଜ ରାଜନୈତିକ ପ୍ରଭାବ ଥିବା ଦର୍ଶାଇ କାହାକୁ କିଛି କହିଲେ ଜୀବନରେ ମାରିଦେବି ବୋଲି ଧମକ ଦେଇଥିଲେ | ମହିଳା ବହୁଥର ଆଶ୍ରମରୁ ଖସି ଆସିବା ପାଇଁ ଚେଷ୍ଟା କରି ସବୁଥର ବିଫଳ ହୋଇଥିଲେ | ସବୁଥର ଆଶ୍ରମର ଶିଷ୍ୟମାନେ ତାଙ୍କୁ ଧାରିଦେଉଥିଲେ ଏବଂ ତାଙ୍କୁ ମାରପିଟ ମଧ୍ୟ କରୁଥିଲେ | ତେବେ ଆଉ ଜଣେ ଶିଷ୍ୟଙ୍କ ସହାୟତାରେ ରକ୍ତାକ୍ତ ଅବସ୍ଥାରେ ପୀଡିତା ବହୁ କଷ୍ଟରେ ସେଠାରୁ ଖସିଆସି କୌଣସିମତେ ଦିଲ୍ଲୀରେ ପହଂଚିଥିଲେ |

ଡିସିଡବ୍ଲ୍ୟୁର ମୁଖ୍ୟ ସ୍ୱାତୀ ଜୟ ହିନ୍ଦ କହିଛନ୍ତି ଯେ, ମହିଳା କମିସନକୁ ଏମିତି ବହୁତ ମହିଳାଙ୍କ ଅଭିଯୋଗ ଆସେ ଯେଉଁମାନେ ଏଭଳି ଭଣ୍ଡ ବାବାଙ୍କ ଦୁଷ୍କର୍ମର ଶିକାର ହୋଇଥାନ୍ତି | ଏହି ବାବାମାନେ ମହିଳା ଏବଂ ଯୁବତୀମାନଙ୍କୁ ଆଶ୍ରମରେ ରଖି ଯୌନ ଶୋଷଣ କରିଥାନ୍ତି | ମହିଳାମାନେ କୌଣସି ଅନ୍ଧବିଶ୍ୱାସରେ ବିଶ୍ୱାସ ନକରି ବାସ୍ତବିକତା ଉପରେ ବିଶ୍ୱାସ କରିବା ଉଚିତ ବୋଲି ସେ କହିଛନ୍ତି | ମହିଳା କମିସନର ମୁଖ୍ୟ ପ୍ରଧାନମନ୍ତ୍ରୀଙ୍କ ନିକଟରେ ଅପିଲ କରିଛନ୍ତି ଯେ, ଏଭଳି ଆଶ୍ରମଗୁଡିକର ନିୟମିତ ଯାଞ୍ଚ ହେବା ଦରକାର |

   Related Posts