Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଇଛା ଶକ୍ତି ଆଗରେ ହାର ମାନିଲା ପୀଡା : ପ୍ରସବର ମାତ୍ର କିଛି ଘଣ୍ଟା ପରେ ପରୀକ୍ଷା ଦେବାକୁ ଗଲେ ମହିଳା

9/06/2019 at 5:48 PM

ଯଦି ଆପଣ କିଛି କରିବା ପାଇଁ ଦୃଢ ପ୍ରତିଶୃତିବଦ୍ଧ ତାହେଲେ ଯେତେ କଷ୍ଟ ହେଉନା କାହିଁକି ଆପଣ ନିଶ୍ଚୟ କରିବେ । ଏହିଭଳି ଏକ ଘଟଣା ପ୍ରମାଣ କରିଛନ୍ତି ଆଗ୍ରା କାଗାରୌଲ ଅଞ୍ଚଳର ପ୍ରିୟଙ୍କା ବର୍ମା । ଶିଶୁ ପ୍ରସବର ଠିକ ୮ ଘଣ୍ଟା ପରେ ସେ ବିଟିସି ପରୀକ୍ଷା ଦେବା ପାଇଁ ପହଞ୍ଚିଥିଲେ । ପ୍ରସବ ପୀଡା ସହି, କିଛି ନ ଖାଇ ନ ପିଇ ଗୋଟିଏ କି ଦୁଇଟି ନୁହେଁ ବରଂ ୩ଟି ପର୍ଯ୍ୟାୟରେ ପରୀକ୍ଷା ଦେଲେ ପ୍ରିୟଙ୍କା । ପ୍ରିୟଙ୍କାଙ୍କ ସାହସ ଦେଖି ପରୀକ୍ଷାକେନ୍ଦ୍ରର ଛାତ୍ରଛାତ୍ରୀ ଆଶ୍ଚର୍ଯ୍ୟ ହୋଇଗଲେ । ଛାତ୍ରଛାତ୍ରୀ ଏବଂ ପରୀକ୍ଷକ ପ୍ରିୟଙ୍କାଙ୍କ ସାହସକୁ ସଲ୍ୟୁଟ କରିଥିଲେ ।

ଡ଼ିଏଲଏଡ-୨୦୧୭ ତୃତୀୟ ସେମିଷ୍ଟାର ପରୀକ୍ଷା ଜୁନ ୭ ତାରିଖରୁ ଆରମ୍ଭ ହୋଇଛି । ପ୍ରଥମ ଦିନ ଦୁଇଟି ପର୍ଯ୍ୟାୟରେ ପରୀକ୍ଷା ହୋଇଥିଲା । ପ୍ରିୟଙ୍କା ଶୁକ୍ରବାର ଦିନ ମଧ୍ୟ ଦୁଇଟି ପର୍ଯ୍ୟାୟ ପରୀକ୍ଷା ଦେଇଥିଲେ । ପରୀକ୍ଷାବେଳେ ତାଙ୍କର ପ୍ରସବ ପୀଡା ଆରମ୍ଭ ହୋଇଯାଇଥିଲା । ପରିବାରଲୋକ ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରିଥିଲେ ।

ଶୁକ୍ରବାର ବିଳମ୍ବିତ ରାତିରେ ପ୍ରିୟଙ୍କା ଶିଶୁ ଜନ୍ମ ଦେଇଥିଲେ । ସେ ନିଜ ପରିବାର ଏବଂ ଡାକ୍ତରଙ୍କୁ କହିଥିଲେ ଯେ, ସେ ପରୀକ୍ଷା ଦେବା ପାଇଁ ଚାହୁଁଛନ୍ତି । ପ୍ରଥମେ ପରିବାର ଲୋକ ଅରାଜି ହୋଇଥିଲେ । କିନ୍ତୁ ପ୍ରିୟଙ୍କାଙ୍କ ପ୍ରବଳ ଇଛା ଶକ୍ତି ଆଗେ ହାର ରାଜି ହୋଇଯାଇଥିଲେ ।

ପ୍ରିୟଙ୍କା ସକାଳ ୧୦ଟା ପୂର୍ବରୁ ପରୀକ୍ଷା କେନ୍ଦ୍ରରେ ପହଂଚି ଯାଇଥିଲେ । ତାଙ୍କ ସହ ତାଙ୍କ ଶାଶୁ, ସାନ ଯା, ଦିଅର ଏବଂ ସ୍ୱାମୀ ସାଙ୍ଗରେ ଥିଲେ । ସନ୍ଧ୍ୟା ୪ଟା ପର୍ଯ୍ୟନ୍ତ ପ୍ରିୟଙ୍କା ପରୀକ୍ଷା ଦେଇଥିଲେ । ଏହାପରେ ଘରକୁ ଆସିଥିଲେ ।

ହସ୍ପିଟାଲର ମୁଖ୍ୟ ଅଧିକ୍ଷକ ଡାକ୍ତର କଲ୍ୟାଣୀ ଦୀକ୍ଷିତ କହିଛନ୍ତି ଯେ, ସାମାନ୍ୟ ପ୍ରସବ ପରେ ମହିଳାଙ୍କୁ ୪୮ ଘଣ୍ଟା ଆରାମ କରିବା ଆବଶ୍ୟକ ହୋଇଥାଏ । କିନ୍ତୁ ପ୍ରିୟଙ୍କା ମାତ୍ର ୮ ଘଣ୍ଟା ଆରାମ କରିବା ପରେ ପରୀକ୍ଷା ଦେବା ପାଇଁ ପହଂଚି ଯାଇଥିଲେ ।

ଏନସି ବୈଦିକ ଇଣ୍ଟର କଲେଜର ପ୍ରଧାନଚାର୍ଯ୍ୟ ରାଜବୀର ସିଂହ ପ୍ରିୟଙ୍କାଙ୍କ ଇଛା ଶକ୍ତିକୁ ସେଲ୍ୟୁଟ କରିଛନ୍ତି । ପ୍ରିୟଙ୍କା ଯୁବପିଢ଼ି ପାଇଁ ପ୍ରେରଣାସ୍ରୋତ ବୋଲି ସେ କହିଛନ୍ତି । ପ୍ରିୟଙ୍କାଙ୍କ ପୂର୍ବରୁ ଦୁଇଟି ଝିଅ ଅଛନ୍ତି । ଏବେ ସେ ତୃତୀୟଥର ପାଇଁ ଝିଅ ଜନ୍ମ କରିଛନ୍ତି । ତାଙ୍କ ପରିବାର ବହୁତ ଭଲ, ତାଙ୍କୁ ପାଠ ପଢ଼ୁଛନ୍ତି ବୋଲି କହିଛନ୍ତି ପ୍ରିୟଙ୍କା ।

   Related Posts