Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ଡାକ୍ତରଖାନା ବେଡରେ କଲବଲ ହେଉଛନ୍ତି ମହିଳା , ପ୍ରେମିକ ଧୋକା ଦେବାରୁ ଥାନା ଆଗରେ ନିଜ ଦେହରେ ଲଗାଇଦେଇଥିଲେ ନିଆଁ

12/03/2020 at 4:48 PM

ଭୁବନେଶ୍ବର ୧୨/୩: ପ୍ରେମିକ ଧୋକା ଦେବାରୁ ନ୍ୟାୟ ପାଇବା ପାଇଁ ମହିଳା ଏତଲା ଦେବାକୁ ଥାନାକୁ ଆସିଥିଲେ। କିନ୍ତୁ ହଠାତ୍ କ’ଣ ହେଲା କେଜାଣି ମହିଳା ଜଣକ ଏତଲା ଦେବା ବଦଳରେ ଥାନା ସମ୍ମୁଖରେ ନିଜ ଶରୀରରେ ନିଆଁ ଲଗାଇ ଦେଲେ। ଏପରି ଏକ ଚାଞ୍ଚଲ୍ୟକର ଘଟଣା ଘଟିଛି ନୟାପଲ୍ଲୀ ଥାନା ଅଞ୍ଚଳରେ।

ପୋଡ଼ି ଯାଇଥିବା ମହିଳା ଜଣକ ହେଲେ ସାଲିଆସାହିର ଝୁନା ବେହେରା୨୯(ଛଦ୍ମ ନାମ)। ଏବେ ସେ କଟକ ବଡ଼ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ତାଙ୍କ ଅବସ୍ଥା ସଙ୍କଟପନ୍ନ ରହିଛି। ଶରୀରର ୯୦ପ୍ରତିଶତ ପୋଡ଼ି ଯାଇଛି। ସେପଟେ ଧୋକା ଦେଇଥିବା ପ୍ରେମିକ କେନ୍ଦ୍ରାପଡ଼ା ଡେରାବିଶର ଜିତେନ୍ଦ୍ର ପ୍ରଧାନକୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଛି। ଜାମିନ ନାମଞ୍ଜୁର ହେବାରୁ ତାକୁ ବିଚାରବିଭାଗୀୟ ହାଜତକୁ ପଠାଯାଇଛି।

ସୂଚନା ଅନୁଯାୟୀ, ଝୁନାଙ୍କ ଘର ଜଗତସିଂହପୁରରେ। ସେ ବାପା-ମାଆଙ୍କ ସହ ଦୀର୍ଘ ବର୍ଷରୁ ସାଲିଆ ସାହିରେ ରହୁଥିଲେ। ୨୦୧୪ମସିହାରେ ଉକ୍ତ ବସ୍ତିରେ ରହୁଥିବା ଗଞ୍ଜାମର କୈଳାସ ସ୍ବାଇଁଙ୍କୁ ବିବାହ କରିଥିଲେ। ବର୍ଷକ ପରେ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ। କୈଳାସ ସବୁଦିନ ମଦ ପିଇ ଘରେ ପାଟିତୁଣ୍ଡ କରୁଥିଲା। ଝୁନା ଏବଂ ତାଙ୍କ ପୁଅଙ୍କୁ ମାରଧର କରୁଥିଲା। ନିର୍ଯ୍ୟାତନା ସହିନପାରି ଝୁନା ପୁଅକୁ ନେଇ ବାପଘରକୁ ଚାଲିଯାଇଥିଲେ। କିଛି ଦିନ ପରେ କୈଳାସ ମଧ୍ୟ ବସ୍ତି ଛାଡ଼ି ଗାଁକୁ ଚାଲି ଯାଇଥିଲା। ସେ ଏଯାଏଁ ଫେରିନାହିଁ।

ଝୁନାଙ୍କ ବାପା ଦିନ ମଜୁରିଆ ଭାବେ କାମ କରି ପରିବାର ଚଳାଉଥିଲେ। ୨୦୧୯ମସିହା ଅକ୍ଟୋବର ମାସରେ ଝୁନାଙ୍କ ବାପାଙ୍କ ପରଲୋକ ହୋଇଥିଲା। ଏହା ପରେ ପରିବାର ଚଳିବା କଷ୍ଟ ହୋଇଥିଲା। ବାଧ୍ୟ ହୋଇ ଝୁନା ରୋଜଗାର କରିବା ପାଇଁ ଘରୁ ଗୋଡ଼ କାଢ଼ିଥିଲେ। ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତିଙ୍କ ସହଯୋଗରେ ଝୁନା ‘ହୋଟେଲ୍ ବରି ଇଣ୍ଟରନ୍ୟାସନାଲ’ରେ କାମ ଆରମ୍ଭ କରିଥିଲେ। ହୋଟେଲରେ କାମ କରି ଯାହା ଟଙ୍କା ପାଉଥିଲେ ସେଥିରେ ପରିବାର ଚଳାଉଥିଲେ। କିଛି ଦିନ ପରେ ହୋଟେଲରେ ସିକ୍ୟୁରିଟି ଗାର୍ଡ଼ ଥିବା ଜିତେନ୍ଦ୍ର ସହ ଝୁନାଙ୍କ ପ୍ରେମ ସମ୍ପର୍କ ଆରମ୍ଭ ହୋଇଥିଲା। ଉଭୟ ସ୍ବାମୀ-ସ୍ତ୍ରୀ ଭଳି ଚଳୁଥିଲେ। ଝୁନା ଗତ ୧୫ତାରିଖରେ କହିଥିଲେ ମୋତେ ବିବାହ କରି ସ୍ତ୍ରୀର ମାନ୍ୟତା ଦିଅ। ଜିତେନ୍ଦ୍ର କହିଥିଲା,ମୁଁ ବିବାହିତ ମୋର ଛୋଟ ଝିଅ ଅଛି। ମୁଁ ଆଉ ଥରେ ବାହା ହୋଇପାରିବ ନାହିଁ। ଏହାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା।

ଗତ ୯ତାରିଖ ସନ୍ଧ୍ୟା ୭ଟାରେ ଜିତେନ୍ଦ୍ର ଓ ଝୁନା ଥାନାକୁ ଆସି ଆଇଆଇସି ଅରୁଣ ସ୍ବାଇଁକୁ ଘଟଣା ବିଷୟରେ ଜଣାଇଥିଲେ। ଆଇଆଇସି ଉଭୟଙ୍କ କଥା ଶୁଣି ଝୁନାଙ୍କୁ କହିଥିଲେ,ତୁମେ ଲିଖିତ ଅଭିଯୋଗ ଦିଅ। ଆଇନ୍ ଅନୁସାରେ କାର୍ଯ୍ୟାନୁଷ୍ଠାନ ନିଆଯିବ। ଏତଲା ଲେଖି ଆଣୁଛି ବୋଲି କହି ଝୁନା ସେଠାରୁ ଚାଲି ଆସିଥିଲେ। ପୋଲିସ୍ ଜିତେନ୍ଦ୍ରକୁ ଅଟକ ରଖିଥିଲା। ସାଢ଼େ ୮ଟାରେ ଥାନା ଦୁଆର ମୁହଁରେ ଝୁନା ନିଜ ଦେହରେ ନିଆଁ ଲଗାଇ ଦେଇଥିଲେ। ଥାନା କର୍ମଚାରୀ ନିଆଁ ଲିଭାଇ ତାଙ୍କୁ ପ୍ରଥମେ କ୍ୟାପିଟାଲ୍ ହସ୍ପିଟାଲରେ ଭର୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।

ସେପଟେ ଆଜି ହସ୍ପିଟାଲରେ ଝୁନାଙ୍କ ମୃତ୍ୟୁକାଳୀନ ବୟାନ୍ ରେକର୍ଡ଼ କରାଯାଇଛି। ଝୁନାଙ୍କ ମା ଏତଲା ଦେବା ପରେ ପୋଲିସ୍ ଜିତେନ୍ଦ୍ରକୁ ଗିରଫ କରିଥିଲା।

   Related Posts