Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ହିନ୍ଦୁ ଦେବା-ଦେବୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ, ୨୪ ଘଣ୍ଟା ଭିତରେ ଅଭିଯୁକ୍ତ ମହିଳାଙ୍କୁ ଗିରଫ କଲା ପୋଲିସ

25/08/2020 at 8:46 PM

ପ୍ରୟାଗରାଜ ୨୫।୦୮: ହିନ୍ଦୁ ଦେବା-ଦେବୀଙ୍କ ବିରୋଧରେ ଆପତ୍ତିଜନକ ଟିପ୍ପଣୀ କରିଥିବା ହୀର ଖାନ ଓରଫ ପରୀ ଖାନ ନାମକ ଜଣେ ମହିଳାଙ୍କୁ ପୋଲିସ ଗିରଫ କରିଛି। କେସ୍ ରୁଜୁ ହେବା ପରଠୁ ଫେରାର ଥିବା ଏହି ମହିଳାଙ୍କୁ ପ୍ରୟାଗରାଜ ପୋଲିସ ୨୪ ଘଣ୍ଟା ଭିତରେ ଗିରଫ କରିଛି। ଏହି ମହିଳା ଜଣକ ‘ବ୍ଲାକ ଡେ ଅଗଷ୍ଟ ୫’ ନାମରେ ଏକ ୟୁଟ୍ୟୁବ୍ ଚ୍ୟାନେଲ ଚଳାଉଛନ୍ତି। ସାମାଜିକ ଗଣମାଧ୍ୟମରେ ତାଙ୍କର ବିବାଦୀୟ ଭିଡିଓ ଖୁବ୍ ଭାଇରାଲ ହୋଇଛି। ଏଥିରେ ସେ ମାତା ସୀତାଙ୍କ ପ୍ରତି ଅରୁଚିକର  ମନ୍ତବ୍ୟ ଦେବା ସହିତ ଅଶ୍ଲିଳ ଭାଷାରେ ଗାଳି ଗୁଲଜ କରିଥିବା ଦେଖିବାକୁ ମିଳିଛି। ତାଙ୍କ ବିରୋଧରେ ଆଇପିସିର ଭିନ୍ନ ଭିନ୍ନ ଧାରା ଓ ଆଇଟି ଆକ୍ଟ ଆଧାରରେ କେସ ରୁଜୁ କରାଯାଇଛି।

ପ୍ରୟାଗରାଜରେ ପୋଲିସ ପାଖକୁ ଏହି ମହିଳାଙ୍କ ବିରୋଧରେ ଅଭିଯୋଗ ଆସିଥିଲା। ଭିଡିଓରେ ହିନ୍ଦୁ ଦେବାଦେବୀଙ୍କ ପ୍ରତି ଅଶ୍ଳିଷ ଭାଷା ପ୍ରୟୋଗ କରାଯାଇଥିଲା, ଯାହା ଲୋକଙ୍କ ଭାବନାକୁ ଆଘାତ ଦେଇଥିଲା। ପୋଲିସ ଏହି ମାମଲାକୁ ଗମ୍ଭୀରତାର ସହ ନେଇ ଅଭିଯୁକ୍ତ ମହିଳାଙ୍କ ବିରୋଧରେ ଏଫଆଇଆର ରୁଜୁ କରିଥିଲା।  ମାମଲା ରୁଜୁ ହେବା ପରଠୁ ମହିଳା ଜଣକ ଫେରାର ହୋଇ ଯାଇଥିଲେ। ପୋଲିସ ତାଙ୍କୁ ଧରି ବା ପାଇଁ ଅନେକ ଟିମ୍ ଗଠନ କରିଥିଲେ। ଅନେକ ସ୍ଥାନରେ  ଚଢାଉ ମଧ୍ୟ କରାଯାଇଥିଲା। ଶେଷରେ ଖୁଲଦାବାଦ ଥାନା ପୋଲିସ ମହିଳାଙ୍କୁ ଗିରଫ କରିଛି।

ୟୁପି ପୋଲିସ ଅଭିଯୁକ୍ତ ହୀର ଖାନ ବିରୋଧରେ ଭାରତୀୟ ପେନାଲ କୋଡର ସେକ୍ସନ ୧୫୩-ଏ, ୫୦୫ ଓ ସୂଚନା ଓ ପ୍ରଯୁକ୍ତିବିଦ୍ୟା  ଆକ୍ଟର ସେକ୍ସନ ୬୬ ଆଧାରରେ କେସ ରୁଜୁ କରିଛି। ମହିଳାଙ୍କ ଗିରଫଦାରୀ ପରେ ପ୍ରୟାଗରାଜ ଏସଏସପି ଏହି ଧରଣର ସମସ୍ତ  ଅସାମାଜିକ ବ୍ୟକ୍ତିଙ୍କୁ କଡା ଚେତାବନୀ ଦେଇ କହିଛି ଯଦି କୌଣସି ବି ବ୍ୟକ୍ତି ଧାର୍ମିକ ଭାବନାକୁ ଆଘାତ ଦେବା ଭଳି ସାମାଜିକ ଗଣମାଧ୍ୟମରେ ପୋଷ୍ଟ କରିବେ କିମ୍ବା ଧାର୍ମିକ ବିଦ୍ଵେଷ ଓ ଗୁଜବ ପ୍ରଚାର କରିବେ ତେବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ। ଏବେ ପୋଲିସ ମହିଳାଙ୍କୁ ଜେରା କରୁଛି।

   Related Posts