Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ, କରୋନା ପ୍ରଭାବ
  • ||
  • କଟକ : ବସ୍‌ ଷ୍ଟାଣ୍ଡରେ ଠିଆ ହୋଇଥିବା ବସ୍‌ରେ ଲାଗିଗଲା ନିଆଁ, କେଇ ମିନିଟ୍‌ରେ ଜଳିଗଲା ସମ୍ପୂର୍ଣ୍ଣ ବସ୍
  • ||
  • କନ୍ଧମାଳ : ଜଗାକୁ ଏକା କରି ଚାଲିଗଲା କାଳିଆ, ମା’ ଆଖିରୁ ଶୁଖୁନି ଲୁହ : ମରଶରୀର ପହଞ୍ଚିବା ପରେ ଗାଁରେ ଶୋକାକୂଳ ପରିବେଶ
  • ||
  • କୋରାପୁର : କୋରାପୁର ବସ୍ ଷ୍ଟାଣ୍ଡରୁ ୩ଲକ୍ଷରୁ ଅଧିକ ଟଙ୍କାର ନକଲି ନୋଟ୍ ଜବତ, ଜଣେ ଗିରଫ
  • ||
  • କଟକ : ବାହା ବେଦୀରୁ ବ୍ୟାଙ୍କ୍ ମ୍ୟାନେଜରଙ୍କୁ ଉଠାଇନେଲା ପୋଲିସ, IIFL ଲୁଟ୍ ଘଟଣାରେ ରହିଛି ଲିଙ୍କ୍
  • ||
  • ସୋର : ପାଣିରୁ ଉଦ୍ଧାର ହେଲା ବୃଦ୍ଧଙ୍କ ମୃତଦେହ, ହତ୍ୟା ସନ୍ଦେହ
  • ||
  • ପୁରୀ : ପଞ୍ଚୁକର ଦ୍ବିତୀୟ ଦିନ, ବାଙ୍କଚୁଡା ବେଶରେ ବିଭୂଷିତ ମହାପ୍ରଭୁ
  • ||
  • ଚଣ୍ଡିଖୋଲ : ନିର୍ମାଣଧୀନ ପାଣି ଟାଙ୍କି ଉପରେ ଚଢି ଆତ୍ମହତ୍ୟା ଉଦ୍ୟମ କଲେ ଯୁବକ, ଉଦ୍ଧାର କଲେ ଅଗ୍ନିଶମ କର୍ମଚାରୀ
  • ||
  • କୋରାପୁଟ : କୋରାପୁଟ ଜିଲ୍ଲାରୁ ୮୫ଲକ୍ଷ ଟଙ୍କାର ଗଞ୍ଜେଇ ଜବତ, ଅଭିଯୁକ୍ତ ଫେରାର
  • ||
  • ଚାକିରୀଆଙ୍କ ପାଇଁ ବଡ ଖବର: ୮ଘଣ୍ଟା ବଦଳରେ ହୋଇପାରେ ୧୨ ଘଣ୍ଟା ସିଫ୍ଟ
  • ||

ଜେଲରଙ୍କ ବିରୋଧରେ ବନ୍ଦୀ ମା’ ଝିଅଙ୍କୁ ଯୌନ ଉତ୍ପୀଡ଼ନ କରୁଥିବା ଅଭିଯୋଗ : ପ୍ରଧାନମନ୍ତ୍ରୀ କାର୍ଯ୍ୟାଳୟକୁ ଚିଠି ଲେଖିଲେ ମହିଳା

14/04/2019 at 1:07 PM

ମୁଜାଫରପୁର ୧୪/୪ : ମୁଜାଫରପୁର କେନ୍ଦ୍ରୀୟ କାରାଗାର ଅଧିକ୍ଷକ ରାଜୀବ କୁମାର ସିଂହଙ୍କ ବିରୋଧରେ ଯୌନ ଉତ୍ପୀଡ଼ନ ଅଭିଯୋଗ ହୋଇଛି | ଜଣେ ମହିଳା ଅଧିକ୍ଷକଙ୍କ ଯୌନ ଉତ୍ପୀଡ଼ନର ଶିକାର ହୋଇଥିବା ଅଭିଯୋଗ କରିଛନ୍ତି | ମହିଳା ସେହି କାରାଗାରରେ ବନ୍ଦୀ ଅଛନ୍ତି | ଜେଲ ଅଧିକ୍ଷକ ମହିଳା ଏବଂ ତାଙ୍କ ଝିଅକୁ ଯୌନ ଉତ୍ପୀଡ଼ନ ଦେଇଥିବା ଅଭିଯୋଗ କରିଛନ୍ତି | ମହିଳା ଜଣକ ଜେଲରେ ଥାଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏବଂ ରାଷ୍ଟ୍ରୀୟ ମହିଳା ଆୟୋଗଙ୍କ ପାଖକୁ ଏନେଇ ଚିଠି ଲେଖିଛନ୍ତି | ମହିଳା ମାର୍ଚ୍ଚ ୨୮ ତାରିଖରେ ଚିଠିରେ ଦସ୍ତଖତ କରିଛନ୍ତି |ମହିଳାଙ୍କ ଚିଠିକୁ ଗମ୍ଭୀରତାର ସହ ନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ତରଫରୁ ତଦନ୍ତ ନିର୍ଦେଶ ଆସିଛି | ଡ଼ିଏମ ଆଲୋକ ରଞ୍ଜନ ଘୋଷ ତଦନ୍ତ ପାଇଁ ୫ଜଣିଆ ସଦସ୍ୟ ବିଶିଷ୍ଟ ଏକ ଟିମ ଗଠନ କରିଛନ୍ତି | ଗୋଟିଏ ସପ୍ତାହ ମଧ୍ୟରେ ରିପୋର୍ଟ ଦେବାକୁ ଟିମକୁ ନିର୍ଦେଶ ଦିଆଯାଇଛି |


ଚିଠିରେ ବନ୍ଦୀ ମହିଳା ଅନେକ ଖୁଲାସା କରିଛନ୍ତି | ମହିଳା ନିଜ ଝିଅ ସହ ଜେଲରେ ବନ୍ଦୀ ଅଛନ୍ତି ବୋଲି ଚିଠିରେ ଲେଖିଛନ୍ତି | ଜେଲର ମହିଳା ସିପାହୀ ତାଙ୍କ ଝିଅକୁ ଜେଲ ଅଧିକ୍ଷକଙ୍କ ପ୍ରକୋଷ୍ଠକୁ ଯିବା ପାଇଁ ବାଧ୍ୟ କରିଥାନ୍ତି | ସେ ଅସ୍ବୀକାର କଲେ ତାଙ୍କ ସହ ମାରପିଟ କରନ୍ତି | କଥା ନ ମାନିଲେ ମହିଳା ଏବଂ ତାଙ୍କ ଝିଅକୁ ଭଗଲପୁର କାରାଗାରକୁ ସ୍ଥାନାନ୍ତର କରାଯିବ ବୋଲି ଧମକ ମଧ୍ୟ ଦେଇଥାନ୍ତି | ଗତ ମୋର୍ଛ ୪ ତାରିଖରେ ଝିଅ ଜେଲ ଅଧିକ୍ଷକଙ୍କ ପ୍ରକୋଷ୍ଠକୁ ଯିବା ପାଇଁ ମନା କରିବାରୁ ମହିଳାଙ୍କୁ ଏତେ ମାଡ଼ ମରାଯାଇଥିଲା ଯେ, ସେ ବେହୋସ ହୋଇଯାଇଥିଲେ |


ମୁଜାଫରପୁର କେନ୍ଦ୍ରୀୟ କାରାଗାର ଅଧିକ୍ଷକ ଏସକେ ମୌର୍ଯ୍ୟ ଏହି ଅଭିଯୋଗକୁ ଅସ୍ବୀକାର କରିଛନ୍ତି | ସେ କହିଛନ୍ତି ଯେ, ଯେଉଁ ମହିଳା ଯୌନ ଉତ୍ପୀଡ଼ନ ଅଭିଯୋଗ ଆଣିଛନ୍ତି ସେ ଜେଲରୁ ବାହାରି ସାରିଛନ୍ତି | ମହିଳାଙ୍କ ସ୍ୱାମୀ ଏବଂ ଝିଅ ମଧ୍ୟ ଜେଲରେ ବନ୍ଦୀ ଥିଲେ | ଦେହ ବ୍ୟବସାୟ କରୁଥିବା ଅଭିଯୋଗରେ ସମସ୍ତେ ଗିରଫ ହୋଇଥିଲେ | ଜେଲ ପରିସରରେ କ୍ୟାମେରା ଲାଗିଛି | ୨୪ ଘଣ୍ଟା ପରିସର ଉପରେ କ୍ୟାମେରାର ନଜର ରହିଛି | ଜେଲରେ ଏହିଭଳି କୌଣସି ଘଟଣା ଘଟିନାହିଁ | ମହିଳାଙ୍କ ଅଭିଯୋଗ ମିଛ ବୋଲି କହିଛନ୍ତି ଜେଲ୍ର ଏସକେ.ମୌର୍ଯ୍ୟ | ସେ ସବୁ ପ୍ରକାର ତଦନ୍ତ ପାଇଁ ରାଜି ଅଛନ୍ତି ବୋଲି କହିଥିଲେ |


ଜେଲ ରେକର୍ଡ ଅନୁଯାୟୀ, ଅଭିଯୁକ୍ତକାରୀ ମହିଳା (୪୦) ଏବଂ ତାଙ୍କ ଝିଅ (୨୫) ଦେହ ବ୍ୟବସାୟ ଅଭିଯୋଗରେ ଜେଲ ଯାଇଥିଲେ | ମହିଳାଙ୍କ ସ୍ୱାମୀକୁ ମଧ୍ୟ ଡିସେମ୍ବର ମାସରେ ସମାନ ଅଭିଯୋଗରେ ଗିରଫ କରାଯାଇଥିଲା | ମାର୍ଚ୍ଚ ମାସରେ ମହିଳା ଜେଲରୁ ବାହାରି ଯାଇଥିଲେ | ମହିଳାଙ୍କ ଝିଅ ଓ ସ୍ୱାମୀ ଏପ୍ରିଲ ମାସରେ ଜେଲରୁ ବାହାରି ଯାଇଛନ୍ତି |

   Related Posts