Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସ୍ୱାମୀ ପରିତ୍ୟକ୍ତ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ

12/08/2018 at 6:34 AM

ଚାକିରୀ ଦେବାକୁ କହି ସ୍ୱାମୀ ପରିତ୍ୟକ୍ତ ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ ହୋଇଛି | ମୁର୍ମୁସୁ ଅବସ୍ଥାରେ ମହିଳାଙ୍କୁ ରାସ୍ତାରୁ ଉଦ୍ଧାର କରିଛି ପୋଲିସ | ଘଟଣା ଘଟିଛି ଯାଜପୁର ଜିଲ୍ଲା ପାଣିକୋଇଲି ଅଂଚଳରେ | ସୂଚନା ଅନୁଯାୟୀ କୁଆଖିଆ ଥାନା ଅଂଚଳର ଜଣେ ମହିଳା ଶାଶୁ ଘର ଛାଡି ବ୍ରହ୍ମ ବରଦା ଅଂଚଳରେ ରହୁଥିଲେ | ନିଜେ ରୋଜଗାର କରିବା ଆଶାରେ ଭାଉଜ ନିକଟରେ ପୁଅକୁ ଛାଡି ରାଜଧାନୀରେ ଏକ ଘରୋଇ କଲେଜରେ କାମ କରୁଥିଲେ | ସେଠାରେ କିଛି ଅସୁବିଧା ହେବାରୁ ଚିଲିପଡ଼ା ଗାଁରେ ଜଣେ ସମ୍ପର୍କୀୟଙ୍କୁ ଭେଟିବାକୁ ଆସିଥିଲେ | ବସ ଯୋଗେ ଆସି ସନ୍ଧ୍ୟାରେ ପାଣିକୋଇଲି ଠାରେ ଓହ୍ଲାଇ ଗାଡିକୁ ଅପେକ୍ଷା କରିଥିଲେ | ଏହି ସମୟରେ ୩ ଜଣ ଯୁବକ ସେଠାକୁ ଆସି ତାଙ୍କୁ କାମ ଦେବାକୁ କହି ନେଇ ଆସିଥିଲେ | ଏହା ପରେ ରାତି ସାରା ମହିଳାଙ୍କ ସହ ଦୁଷ୍କର୍ମ କରି ତାଙ୍କୁ ରାସ୍ତା ଉପରେ ଫୋପାଡ଼ି ଦେଇଥିଲେ | ପୋଲିସ ଖବର ପାଇ ମହିଳାଙ୍କୁ ଉଦ୍ଧାର କରିଥିଲା |
ତେବେ ଏହି ମାମଲାରେ ଜଣକୁ ଅଟକ ରଖି ପୋଲିସ ପଚରାଉଚୁରା କରୁଥିବା ବେଳେ ଅନ୍ୟ ଦୁଇଜଣ ଅଭିଯୁକ୍ତଙ୍କୁ ଖୋଜୁଛି |

   Related Posts