Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଶ୍ଵସ୍ତି: କମୁଛି କରୋନା ପ୍ରଭାବ, ୨୪ ଘଣ୍ଟାରେ ଆରୋଗ୍ୟ ହେଲେ ୮୦୯ ସଂକ୍ରମିତ
  • ||
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||

ଲଜ୍ଜା : ମହିଳାଙ୍କୁ ଗଣଦୁଷ୍କର୍ମ ଅଭିଯୋଗ, ସ୍ଵାମୀଙ୍କ ସମେତ ୪ ଜଣଙ୍କ ନାଁ ଏତଲା

19/01/2020 at 1:44 PM

ଉମରକୋଟ ୧୯।୧: ରକ୍ଷକ ସାଜିଲେ ଭକ୍ଷକ । ଯାହା ହାତ ଧରି ଘର ପରିବାର ଛାଡି ସୁନ୍ଦର ଘର ସଂସାର କରିବେ ବୋଲି ସ୍ବପ୍ନ ଦେଖିଥିଲେ ସିଏ ଭାଙ୍ଗିଦେଲା ସବୁ ସପ୍ନ । ଏପରି ସ୍ପର୍ଶକାତର ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ଅଞ୍ଚଳରେ । ଗଣ ଦୁଷ୍କର୍ମ ନେଇ ଅଭିଯୋଗ ହୋଇଛି । ମହିଳା ଜଣଙ୍କ ନିଜ ସ୍ବାମୀଙ୍କ ବିରୋଧରେ ଆଣିଛନ୍ତି ଏଭଳି ଅଭିଯୋଗ । ସ୍ବାମୀଙ୍କ ସମେତ ୪ଜଣ ଗଣଦୁଷ୍କର୍ମ କରିଥିବା ନେଇ ଥାନାରେ ମାମଲା ରୁଜୁ ହୋଇଛି ।

ସୂଚନାଯୋଗ୍ୟ ଯେ, ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅଞ୍ଚଳର ପୀଡିତା ମହିଳା ଉମରକୋଟ ଅଞ୍ଚଳର ଜଣେ ଯୁବକଙ୍କୁ ଭଲ ପାଉଥିଲେ । ବର୍ଷେ ତଳେ ଘର ଲୋକ ଅଜାଣତରେ ବାହା ହୋଇଯାଇଥିଲେ ଉଭୟ । ଏହାପରଠାରୁ ପୀଡିତାଙ୍କ ସହ ଘରଲୋକ ସମ୍ପର୍କ କାଟିଦେଲେ । ଯୁବକଙ୍କ ସହ ତାଙ୍କ ଘରକୁ ଯିବାରୁ ଉଭୟ ପୁଅ ଓ ବୋହୂଙ୍କୁ ଘରେ ପୁରାଇଲେ ନାହିଁ ପରିବାରଲୋକ । ଫଳରେ ଦୁହେଁ ରାଇଘରରେ ଘର ଭଡ଼ା ନେଇ ରହିଲେ ।

କିନ୍ତୁ ବିବାହର ଏକ ମାସ ପରେ ସ୍ବାମୀ ଓ ସ୍ତ୍ରୀ ମଧ୍ୟରେ ମନୋମାଳିନ୍ୟ ଦେଖାଦେଲା । ମହିଳାଙ୍କୁ ତାଙ୍କ ସ୍ବାମୀ ଘରୁ ବାହାର କରିଦେବାରୁ ସେ ତାଙ୍କ ବିରୋଧରେ ରାଇଘର ଥାନାରେ ଏକ ମାମଲା ରୁଜୁ କଲେ । ଆପୋଷ ବୁଝାମଣା ପରେ ସ୍ବାମୀ ଜାମିନରେ ଆସିଲେ । କିନ୍ତୁ ଦୁହିଁଙ୍କ ମଧ୍ୟର ତାଳମେଳ ରହିଲା ନାହିଁ । ଏ ଭିତରେ ମହିଳା ଜଣଙ୍କ ନିଜ ହାତ କାଟି ଆତ୍ମହତ୍ୟା ଉଦ୍ୟମ ମଧ୍ୟ କରିଥିଲେ ।

ଗତ ୧୩ ତାରିଖ ଦିନ ସନ୍ଧ୍ୟାରେ ବୁଲିଯିବାକୁ କହି ମହିଳାଙ୍କୁ ଉମରକୋଟ ଆଣିଥିଲେ ତାଙ୍କ ସ୍ବାମୀ । ରାତି ପ୍ରାୟ ୯ଟା ସମୟରେ ଏକ ସରକାରୀ ଫାର୍ମ ଭିତର ପୋଖରୀ ପାଖକୁ ନେଇଯାଇଥିଲେ । ସେ ସ୍ଥାନକୁ ତାଙ୍କ ସାଙ୍ଗ ତାଙ୍କ ବାନ୍ଧବୀଙ୍କ ସହ ଆସିବେ ବୋଲି କହିଥିଲେ । କିନ୍ତୁ କିଛି ସମୟ ପରେ ୩ ଜଣ ଯୁବକ ଏକ ନାଲି ରଙ୍ଗର ବାଇକ୍ ରେ ଆସିଥିଲେ । ମହିଳାଙ୍କ ସ୍ବାମୀ ଏବଂ ୩ ଜଣ ସାଙ୍ଗ ମିଶି ତାଙ୍କ ହାତ ଓ ମୁହଁରେ ଗାମୁଛା ବାନ୍ଧି ଦୁଷ୍କର୍ମ କରିଥିଲେ । ଫଳରେ ସେଠାରେ ହିଁ ଚେତାଶୂନ୍ୟ ହୋଇପଡିଥିଲେ ମହିଳା ।

ସକାଳୁ ଚେତା ଫେରିବା ପରେ ଉମରକୋଟ ପୋଲିସ ଥାନାକୁ ଯାଇ ଅଭିଯୋଗ କରିଥିଲେ । ପୋଲିସ ପୀଡିତା ମହିଳାଙ୍କୁ ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଇଥିଲା । ବର୍ତ୍ତମାନ ପୀଡିତା ମହିଳା ଚିକିତ୍ସାଧିନ ଅଛନ୍ତି । ମହିଳାଙ୍କ ଅଭିଯୋଗ ଆଧାରରେ ଉମରକୋଟ ପୋଲିସ ଗତ ୧୭ ତାରିଖରେ ଏକ ମାମଲା ଦାୟର କରିଛନ୍ତି ।

   Related Posts