Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶବ୍ୟାପୀ ତ୍ରିରଙ୍ଗା ରାଲି ବାହାର କରିବେ କୃଷକ, ଅଗଷ୍ଟ ୧୫ରେ ପାଳନ କରିବେ ଏହି ଦିବସ
  • ||
  • ଟୋକିଓ ଅଲିମ୍ପିକ୍ସ: ଆଜି ଇତିହାସ ରଚିବାକୁ ଓହ୍ଲାଇବେ ରବି ଦାହିଆ, ପୁରୁଷ ହକି ଉପରେ ବି ରହିବ ନଜର
  • ||
  • ତୃତୀୟ ଲହରକୁ ନେଇ ସତର୍କ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭକ୍ତଙ୍କ ପାଇଁ ବଡ଼ ଘୋଷଣା, ୧୬ ତାରିଖରୁ ଖୋଲିବ ଶ୍ରୀମନ୍ଦିର
  • ||
  • ଅଗଷ୍ଟ ୧୬ରୁ ଶ୍ରୀମନ୍ଦିର ଖୋଲିବ
  • ||
  • ଟୋକିଓ ଅଲିମ୍ପିକ୍ସ ହକି ସେମିଫାଇନାଲ୍‌ରେ ହାରିଲା ମହିଳା ଦଳ, ଫାଇନାଲ୍‌କୁ ଉନ୍ନିତ ହେଲା ଆର୍ଜେଣ୍ଟିନା
  • ||
  • ଦେବଗଡ : ହନୁମାନ ପଇସା ରାକେଟ୍ ଠାବ : ୩ ଗିରଫ, ୨ଟି ହନୁମାନ ପଇସା ଜବତ
  • ||
  • ସାଲେପୁର : ସାଲେପୁର ଅଞ୍ଚଳରୁ ବିରଳ ଏଣ୍ଡୁଅ ଉଦ୍ଧାର, ବଦଳାଉଛି ରଙ୍ଗ
  • ||
  • ଢେଙ୍କାନାଳ : ବିକ୍ରି କରୁଥିଲେ ବାରହା ମାଂସ, ୩ ଶିକାରୀଙ୍କୁ ବାନ୍ଧିଲା ବନ ବିଭାଗ
  • ||
  • ଅନୁଗୋଳ : ରେଙ୍ଗାଳି ଡ୍ୟାମ୍‌ରୁ ଛଡାଗଲା ଚଳିତ ବର୍ଷର ପ୍ରଥମ ବନ୍ୟାଜଳ, ୭ ନମ୍ବର ଗେଟ୍ ଦେଇ ଜଳ ନିଷ୍କାସିତ
  • ||

ପୁଅ ଆଶାରେ ତାନ୍ତ୍ରିକ ପାଖକୁ ଯାଇଥିଲେ ମହିଳା : ଶରୀରରେ କଣ୍ଟା ପିଟିବାରୁ ଚାଲିଗଲା ଜୀବନ

6/08/2020 at 4:18 PM

ଭରତପୁର ୬/୮: ରାଜସ୍ଥାନର ଭରତପୁରରେ ପୁଅ ଆଶାରେ ଜଣେ ମହିଳା ଅନ୍ଧବିଶ୍ବାସରେ ପଡ଼ି ତାନ୍ତ୍ରିକ ପାଖକୁ ଯିବା ମହଙ୍ଗା ପଡ଼ିଛି। ତାନ୍ତ୍ରିକଟି ତନ୍ତ୍ର-ମନ୍ତ୍ର ଚକ୍କରରେ ମହିଳାଙ୍କ ଜୀବନ ନେଇ ଯାଇଛି। ଏବେ ପୋଲିସ୍ ଅଭିଯୁକ୍ତ ତାନ୍ତ୍ରିକକୁ ଗିରଫ କରି ନେଇଛି।

ଭରତପୁରର ଅସ୍ତାବନ ଗାଁରେ ଜଣେ ମହିଳାଙ୍କ ଦୁଇ ଝିଅ ଥିଲେ କିନ୍ତୁ ସେ ତାଙ୍କର ପରବର୍ତ୍ତୀ ସନ୍ତାନ ପୁଅ ହେଉ ବୋଲି ଚାହୁଁଥିଲେ। ଏଥିପାଇଁ ସେ ଜଣେ ତାନ୍ତ୍ରିକ ନିକଟରେ ପହଞ୍ଚିଥିଲେ। ଅସୁସ୍ଥ ଥିବା ମହିଳା ତାନ୍ତ୍ରିକ ପାଖରେ ପହଞ୍ଚିବାରୁ ଅଭିଯୁକ୍ତ ତାନ୍ତ୍ରିକ ତାଙ୍କ ଶରୀରରେ କୌଣସି ଖରାପ ଆତ୍ମା​‌ ଥିବାର ଦାବି କରିଥିଲେ।

ଅସୁସ୍ଥ ମହିଳା ଅନ୍ଧବିଶ୍ବାସରେ ପଡ଼ି ଡାକ୍ତରଙ୍କ ପାଖକୁ ଯିବା ବଦଳରେ ନିଜ ସ୍ବାମୀଙ୍କ ସହ ସେହି ତାନ୍ତ୍ରିକ ନିକଟରେ ପହଞ୍ଚିଥିଲେ। ତାନ୍ତ୍ରିକ ଦାବି କରିଥିଲା ଯେ ମହିଳାଙ୍କ ଶରୀରରେ ଭୁତ-ପ୍ରେତ ରହିଛି ଏବଂ ସେଠାରେ ତାଙ୍କ ଚିକିତ୍ସା କରିବା ଆରମ୍ଭ କରି ଦେଇଥିଲା।

ତାନ୍ତ୍ରିକ ଚିକିତ୍ସା କରିବା ସମୟରେ ପୁନମଙ୍କ ସ୍ବାସ୍ଥ୍ୟ ଆହୁରି ବିଗିଡ଼ିଯାଇଥିଲା। ପରିବାର ଲୋକେ ତାଙ୍କୁ ନେଇ ହସ୍ପିଟାଲ ପହଞ୍ଚିବା ପରେ ତାଙ୍କ ମୃତ୍ୟୁ ହୋଇଯାଇଥିଲା। ମୃତକ ମହିଳାଙ୍କ ପରିବାର ଲୋକେ ଶ୍ବଶୁର ଘର ଲୋକ ଏବଂ ତାନ୍ତ୍ରିକ ବିରୋଧରେ ମାମଲା ରୁଜୁ କରିଛନ୍ତି।

ମୃତକ ମହିଳାଙ୍କ ହାତ,ଗୋଡ଼,ମୁଣ୍ଡ ସହ ଶରୀରର ଅନ୍ୟ ଭାଗରେ କ୍ଷତ ଏବଂ ପୋଡ଼ା ଦାଗ ଦେଖିବାକୁ ମିଳିଛି। ମୃତ ମହିଳାଙ୍କ ଶରୀରର କେତେକ ସ୍ଥାନରେ ଲୁହାକଣ୍ଟାର କଣା ମଧ୍ୟ ରହିଛି।

କୁହାଯାଉଛି ଯେ ତାନ୍ତ୍ରିକ ପୁତ୍ର ପ୍ରାପ୍ତି ପାଇଁ ଚିକିତ୍ସା ନାଁରେ ମହିଳାଙ୍କ ଶରୀରରେ କଣ୍ଟା ପିଟିଥିଲା ଏବଂ ନିଆଁରେ ତାଙ୍କ ଶରୀରର କେତେକ ସ୍ଥାନକୁ ପୋଡ଼ି ଦେଇଥିଲେ ଯାହା ଫଳରେ ତାଙ୍କ ମୃତ୍ୟୁ ହୋଇଯାଇଛି।

ଅଭିଯୁକ୍ତ ତାନ୍ତ୍ରିକର କହିବା ଅନୁସାରେ ସେ ଭୁତ-ପ୍ରେତର ଚିକିତ୍ସା କରିଥାଏ ଏବଂ ମହିଳାଙ୍କୁ ସେ ଆଘାତ ଦେଇନାହିଁ ବରଂ ସିଡ଼ିରୁ ପଡ଼ିଯିବା ଫଳରେ ତାଙ୍କୁ ଆଘାତ ଲାଗିଥିଲା।

   Related Posts