Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଫେରିଲା ମୌସୁମୀ ଛୁଇଁଲା ଶୀତ: ରାଜ୍ୟରେ କୁହୁଡି ସାଙ୍ଗକୁ ହାଲୁକା ଶୀତ ଅନୁଭୂତ

28/10/2020 at 6:37 PM

ଭୁବନେଶ୍ୱର ୨୮/୧୦ : ସାରା ରାଜ୍ୟରୁ ବିଦାୟ ନେଇଛି ମୌସୁମୀ। ଚଳିତ ବର୍ଷ ଏଯାଏଁ ୧୧ଟି ଲଘୁଚାପ ହୋଇଥିବା ବେଳେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ସମୟ ମଧ୍ୟରେ ଏକ ପ୍ରତିଶତ କମ୍‌ ବର୍ଷ ହୋଇଛି। ସେପଟେ କନ୍ଧମାଳରେ ପାଦ ଥାପିଲାଣି ଶୀତ। ଲାଲିନା ପ୍ରଭାବ ଥିବାରୁ ଚଳିତ ବର୍ଷ ଅଧିକ ଶୀତ ହେବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ।

ଓଡ଼ିଶାରୁ ଫେରିଲା ମୌସୁମୀ । ଜୁନ୍ ଦ୍ବିତୀୟ ସପ୍ତାହରେ ଓଡ଼ିଶା ଛୁଇଁଥିବା ବେଳେ ୨୬ ତାରିଖରେ ଓଡ଼ିଶାରୁ ବିଦାୟ ନେଇଥିଲା। ଏବର୍ଷ ରାଜ୍ୟରେ ମୋଟ୍ ୧୧ଟି ଲଘୁଚାପ ହୋଇଛି। ଜୁନ୍‌ ୧ରୁ ସେପ୍ଟେମ୍ବର ୩୦ ମଧ୍ୟରେ ୮ଟି, କେବଳ ଅକ୍ଟୋବରରେ ହୋଇଛି ୩ଟି ଲଘୁଚାପ।

ତେବେ ଜୁନ୍ ପହିଲାରୁ ସେପ୍ଟେମ୍ବର ୩୦ ମଧ୍ୟରେ ରାଜ୍ୟରେ ୧୧୩୧ ଦଶମିକ ୮ ମିଲିମିଟର ବର୍ଷା ରେକର୍ଡ କରାଯାଇଛି, ଯାହା ହାରାହାରି ଠାରୁ ଏକ ପ୍ରତିଶତ କମ୍‌। ମାଲକାନଗିରି ଓ ଝାରୁସୁଗୁଡାରେ ବର୍ଷାର ପରିମାଣ ସର୍ବାଧିକ ଥିଲା। ବାଲେଶ୍ବର, ଯାଜପୁର, ପୁରୀ, ଖୋର୍ଦ୍ଧା ଓ ଯାଜପୁରରେ ନିଅଣ୍ଟିଆ ବର୍ଷା ହୋଇଛି।

ମୌସୁମୀ ଫେରିଥିବା ବେଳେ ରାଜ୍ୟକୁ ଶୀତ ଛୁଇଁଲାଣି। ଦୁଇ ଦିନ ହେବ ଫୁଲବାଣୀ ସହର ସମେତ ଜିଲ୍ଲାର ଦାରିଙ୍ଗବାଡ଼ି, ବେଲଘର, ରାଇକିଆ, ଜି ଉଦୟଗିରି  ଆଦି ଅଞ୍ଚଳରେ କୁହୁଡ଼ି ସାଙ୍ଗକୁ ହାଲକା ଥଣ୍ଡା ଅନୁଭୂତ ହୋଇଛି।ଗତକାଲି ଫୁଲବାଣୀରେ ତାପମାତ୍ରା ୧୮ ଡିଗ୍ରୀ ସେଲସିୟସ ଥିବା ବେଳେ ଆଜି ୧୫ ଡିଗ୍ରୀ ସେଲସିୟସ କୁ ଖସିଆସିଛି। ଲାନିନା ପ୍ରଭାବରେ ଶୀତର ପ୍ରକୋପ ଏବର୍ଷ  ଅଧିକ ରହିବ ବୋଲି ପାଣିପାଗ ବିଶେଷଜ୍ଞ ଆକଳନ କରିଛନ୍ତି।

ଆସନ୍ତା ୪ ଦିନ ପର୍ଯ୍ୟନ୍ତ ସାରା ରାଜ୍ୟରେ ପାଗ ଶୁଖିଲା ରହିବ। ୧ ତାରିଖରେ ଉତ୍ତର ଓଡ଼ିଶାର କେତୋଟି ଜିଲ୍ଲାରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି।

   Related Posts