Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ନଭେମ୍ବର ୧୬ରୁ ବିଧାନସଭାର ଶୀତକାଳିନ ଅଧିବେଶନ : ପ୍ରସଙ୍ଗ ଅନେକ

3/11/2018 at 2:54 PM

ଭୁବନେଶ୍ବର ୩|୧୧:  ନଭେମ୍ବର ୧୬ରୁ ଆରମ୍ଭ ହେବ ବିଧାନସଭାର ଶୀତକାଳିନ ଅଧିବେଶନ । ଏହି ଅଧିବେଶନରେ ୨୩ଟି କାର୍ଯ୍ୟ ଦିବସ ରହିଛି । ଡିସେମ୍ବର ୧୫ ପର୍ଯ୍ୟନ୍ତ ଅଧିବେଶନ ଚାଲିବ । ଏନେଇ ବିଧାନସଭା ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ୧୬ତାରିଖ ବିଧାନସଭା ଆରମ୍ଭ ହେବା ପରେ ୧୭ତାରିଖ ଏବଂ ୩୦ତାରିଖକୁ ପ୍ରାଇଭେଟ ମେମ୍ବର ଡେ ରଖାଯାଇଛି । ପୁଣି ଡିସେମ୍ବର ୭ ତାରିଖ ଏବଂ ଡିସେମ୍ବର ୧୬ତାରିଖକୁ ମଧ୍ୟ ପ୍ରାଇଭେଟ ମେମ୍ବର ଡେ ରକାଯାଇଛି । ବିଭିନ୍ନ ଦୃଷ୍ଟିକୋଣରୁ ବିଧାନସଭାର ଏହି ଅଧିବେଶନ ଅତ୍ୟନ୍ତ ଗୁରୁତ୍ବପୂର୍ଣ୍ଣ । ଏହି ଅଧିବେଶନ ୨୦୧୯ ନିର୍ବାଚନ ପୂର୍ବରୁ ସମ୍ଭବତଃ ପଞ୍ଚଦଶ ବିଧାନସଭାର ଶେଷ ଅଧିବେଶନ ମଧ୍ୟ ହୋଇପାରେ । ଏହି ଅଧିବେଶନରେ ଅଭିଜିତ ଆୟାର ମିତ୍ର ବିରୋଧରେ କଣ କାର୍ଯ୍ୟାନୁଷ୍ଠାନ ନିଆଯିବ ତାହା ଏ ସଂପର୍କରେ ଗଠିତ ଗୃହ କମିଟି ଗୃହରେ ଉପସ୍ଥାପନ କରିବ । ସେହିଭଳି ରାଜନୈତିକ ଦୃଷ୍ଟିକୋଣରୁ ମଧ୍ୟ ଅଧିବେଶନ ବେଶ୍ ସରଗରମ ହେବ । ହାତୀ ମୃତ୍ୟୁ, ଚକଡା ପୋକ, ଶିକ୍ଷକ-ଅଧ୍ୟାପକଙ୍କ ସମସ୍ୟା, ତିତଲି ବାତ୍ୟାରେ ମୃତାହତ ଆଦି ବିଭିନ୍ନ ପ୍ରସଙ୍ଗରେ ବିରୋଧୀ ସରକାରଙ୍କୁ ଘେରିପାରନ୍ତି । ସେହିଭଳି ଗତ ବିଧାନସଭା ଅଧିବେଶନରେ ଉଦ୍ୟାନ, କୃଷି, ସମବାୟ ବିଭାଗର ଦୁର୍ନୀତି ସଂପର୍କରେ ବିଧାୟକ ଡକ୍ଟର ଦାମଦୋର ରାଉତ ଉଠାଇଥିବା ପ୍ରସଙ୍ଗ ଏଥର ମଧ୍ୟ ଜୋର ଧରିପାରେ । ବାତ୍ୟା ବନ୍ୟା ଭଳି ପ୍ରାକୃତିତ ବିପର୍ଯ୍ୟୟର ସମ୍ମୁଖୀନ ହୋଇ ଆସୁଥିବା ଓଡିଶାକୁ ସ୍ବତନ୍ତ୍ର ରାଜ୍ୟ ପାହ୍ୟା ଦାବି ନେଇ ମଧ୍ୟ ଶାସକ ଦଳ ବିରୋଧୀ ବିଜେପିକୁ ଜବତ କରିବାକୁ ଚେଷ୍ଟା କରିବ ।

   Related Posts