Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଣତନ୍ତ୍ର ଦିବସ ପୂର୍ବରୁ ଦିଲ୍ଲୀ ପୋଲିସକୁ ବଡ ଧରଣର ସଫଳତା, ଅବୈଧ ଅସ୍ତ୍ରଶସ୍ତ୍ର ସହ ୨ଜଣ ଗିରଫ
  • ||
  • ଗଣତନ୍ତ୍ର ଦିବସରେ ୩୮୪ଜଣଙ୍କୁ ମିଳିବ ବୀରତା ପୁରସ୍କାର, ଘୋଷଣା କଲେ ରାଷ୍ଟ୍ରପତି
  • ||
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||

ମଦ ପାଇଁ ଡହଳ ବିକଳ: ଅନଲାଇନରେ ବୁକିଂ କଲେ କିନ୍ତୁ ଅଫ୍ ସପ୍ ଆଗରେ ଭିଡ ଜମାଇଲେ, ପୋଲିସ ବନ୍ଦ କଲା ଦୋକାନ

25/05/2020 at 7:31 PM

ଭୁବନେଶ୍ୱର, ୨୫|୦୫:  ଅନଲାଇନରେ ମଦ ବୁକିଂ । କିନ୍ତୁ ଅଫ ସପରେ ଲୋକଙ୍କ ଭିଡ । ଟ୍ବିନ ସିଟିରେ ଲୋକେ ଅନଲାଇନରେ ବୁକିଂ କଲେ କିନ୍ତୁ ହୋମ୍ ଡେଲିଭରି ପାଇଁ ଧୈର୍ଯ୍ୟ ରହିଲାନି । ମଦ ଦୋକାନ ଆଗରେ ଭିଡ ଜମାଇ ବୋତଲ ଧରି ପାର୍ । ପରିସ୍ଥିତି ଅଣାୟତ ହେବାରୁ ପୋଲିସ ପହଞ୍ଚି ଦୋକାନ ସଟର ପକାଇଥିଲା । ସକାଳ ୭ଟାରୁ ଗୋଟାଏ ଯାଏ ବୁକିଂ ଏବଂ ଗୋଟାଏ ପରେ ମଦ ଡେଲିଭରୀ ପାଇଁ ପୋଲିସ ଏବଂ ଏକ୍ସାଇଜ ଅଧିକାରୀଙ୍କ ମଧ୍ୟରେ ହୋଇଥିବା ବୈଠକରେ ନିଷ୍ପତ୍ତି ହୋଇଛି ।  

ନାଲି ପାଣି ପାଇଁ ଲୋକ ବାଉଳା । ନାଁକୁ ମାତ୍ର ଅନଲାଇନ ବୁକିଂ । କିନ୍ତୁ କାଉଣ୍ଟରରେ କ୍ୟାସ୍ ଦେଇ ମଦ ବୁହାଇନେଲେ ଲୋକେ । ସକାଳୁ ସକାଳୁ କାଉଣ୍ଟରରେ ଭିଡ । ଅଧା ସଟର୍ ଖୋଲିଛି । ଲୋକେ ବି ବେଶ୍ ଆରାମରେ ଟଙ୍କା ଦେଇ ମଦ କିଣୁଛନ୍ତି । ଅନଲାଇନରେ ବୁକିଂ ନକରି ଦୋକାନୀଙ୍କ ନମ୍ବରକୁ ଫୋନ କରି ଅର୍ଡର କରୁଥିଲେ । ଆଉ ସେପଟେ ଦୋକାନୀ ମଧ୍ୟ ହୋମ୍ ଡେଲିଭରି ନକରି କାଉଣ୍ଟରରୁ ଗ୍ରାହକଙ୍କୁ ବଢାଇ ଦେଉଥିଲେ ବୋତଲ । ପରିସ୍ଥିତି ଅସମ୍ଭାଳ ହେବାକୁ ଆକ୍ସନକୁ ଆସିଥିଲା ପୋଲିସ । ଦୋକାନ ସଟର ବନ୍ଦ କରିବାକୁ ତାଗିଦ୍ କରିଥିଲା । ଏହାପରେ ଭୁବନେଶ୍ବର ଡିସିପି ଏବଂ ଏକ୍ସସାଇଜ୍ ଅଧିକାରୀଙ୍କୁ ନେଇ ବସିଥିଲା ବୈଠକ । ସକାଳ ୭ରୁ ଦିନ ଗୋଟେ ଯାଏ ଅନଲାଇନ୍ ବୁକିଂ ଏବଂ ଗୋଟେ ପରେ ଡେଲିଭରୀ ଦିଆଯିବା ବୋଲି ବୈଠକରେ ନିଷ୍ପତ୍ତି ହୋଇଛି ।

କଟକରେ ମଧ୍ୟ ସମାନ ଦୃଶ୍ୟ । ହୋମ୍ ଡେଲିଭରି ନୁହେଁ ଅନ ସ୍ପଟ୍ ଡେଲିଭରି ହେଉଥିଲା ମଦ । ଗ୍ରାହକ ଦୋକାନ ବାହାରେ ଠିଆ ହୋଇ ଫୋନ କରି ଅର୍ଡର କରୁଥିଲେ । ଆଉ ଦୋକାନୀ କ୍ୟାସ ନେଇ ସଙ୍ଗେ ସଙ୍ଗେ ଧରାଇ ଦେଉଥିଲେ ବୋତଲ । ଅନଲାଇନରେ ଅର୍ଡର ବୁକିଂ ହୋଇପାରୁନଥିବାରୁ ଲୋକେ ନିଜେ ଆସି ନେଇଯାଉଥିବା କହିଛନ୍ତି । ତେବେ ନୂଆ ବ୍ୟବସ୍ଥାର ଆଜି ପ୍ରଥମ ଦିନ ହୋଇଥିବାରୁ ଏଭଳି ସମସ୍ୟା ହୋଇଥିବା କହିଛି ମଦ ବ୍ୟବସାୟୀ ସଂଘ ।  

ମଦ ଡେଲିଭରି ପାଇଁ ପ୍ରଥମେ ସ୍ବିଗି ଓ ଜମାଟୋକୁ ଅନୁମତି ମିଳିଥିଲା । ପରେ କିନ୍ତୁ ଏହି ନିର୍ଦେଶକୁ ବାତିଲ୍ କରାଗଲା । ଏବେ ମଦ ଦୋକାନୀ ନିଜ କର୍ମଚାରୀଙ୍କ ମାଧ୍ୟମରେ ମଦ ଡେଲିଭରୀ ଦେଉଛନ୍ତି ।

   Related Posts