ପାଟଣା, ୦୨ ।୧୦: କେନ୍ଦୁଝର ଜିଲ୍ଲା ପାଟଣା ଅବକାରୀ ବିଭାଗ ପକ୍ଷରୁ ଶୁକ୍ରବାର ଦିନ ବିଭିନ୍ନ ସ୍ଥାନରେ ଚଢାଉ କରାଯାଇ ବିପୁଳ ପରିମାଣର ଦେଶୀ ମଦ ଜବତ ହୋଇଛି । ଏହି ଘଟଣାରେ ୪ଜଣଙ୍କୁ ଗିରଫ କରାଯାଇଛି ।
ପାଟଣା ଅବକାରୀ ଅଧୀକ୍ଷକ ଦିଲ୍ଲୀପ କୁମାର ତାଣ୍ଡିଙ୍କ ନେତୃତ୍ୱରେ ତୁରୁମୁଙ୍ଗା ଥାନା ଓ ଘଟଗାଁ ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ଚଢ଼ାଉ କରାଯାଇଥିଲା । ଏହି ଚଢାଉ ବେଳେ ବିପୁଳ ଦେଶୀ ମହୁଲି ମଦ ସହିତ ମଦ ପ୍ରସ୍ତୁତି ସାମଗ୍ରୀ ଜବତ ହୋଇଛି । ଏହାସହ ୪ଜଣ ମହିଳାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
ଗିରଫ ୪ଜଣ ମହିଳା ହେଲେ କେନ୍ଦେଇପଶି ଗ୍ରାମର ଉର୍ମିଳା ବେହେରା ,ଗମ୍ଭାରୀଆ ଗ୍ରାମର ତୁଳସୀ ମୁଣ୍ଡା,ପୁରଣାପାଣି ଗ୍ରାମର ବାସନ୍ତୀ ମାଝୀ ଓ ନୂଆପଡା ଗ୍ରାମର ରାଇମଣି ମାଝୀ। ଏମାନଙ୍କ ପାଖରୁ ମଦ ପ୍ରସ୍ତୁତ ପାଇଁ ଥିବା ୧୪୦୦ କିଲୋଗ୍ରାମ ମହୁଲ ପୋଚ୍ ସହ ୭୫ଲିଟର ଦେଶୀ ମହୁଲି ଜବତ ହୋଇଛି ।
