Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଆମେ ପଇସାଓ୍ୱାଲା ! ଝିଅ ଓ ନାତୁଣୀଙ୍କ ପାଇଁ ୧୮୦ ସିଟର୍ ପ୍ଲେନ୍ ବୁକ୍ କଲେ ମଦ ସମ୍ରାଟ୍, ୪ଜଣଙ୍କୁ ଭୋପାଳରୁ ଦିଲ୍ଲୀ ଆଣିବାକୁ ଦେଲେ ୩୦ ଲକ୍ଷ ଟଙ୍କା

28/05/2020 at 7:58 PM

ନୂଆଦିଲ୍ଲୀ, ୨୮|୦୫: ଏବେ ପ୍ରବାସୀ ଶ୍ରମିକମାନେ ନିଜ ନିଜ ଘରକୁ ଫେରୁଛନ୍ତି । କିଏ ଚାଲିଚାଲି ତ ଆଉ ପୁଣି କିଏ ଟ୍ରେନ୍, ବସ ଆଦିରେ ଘରକୁ ଫେରୁଛନ୍ତି । ଏପରିକି ସେମାନଙ୍କୁ ଅନେକ ଅସୁବିଧାରେ ସାମ୍ନା କରିବାକୁ ପଡୁଛି । ଏହା ମଧ୍ୟରେ ଜଣେ ବଡ ମଦ ବ୍ୟବସାୟୀ  ମାତ୍ର ୪ଜଣଙ୍କୁ ଭୋପାଳରୁ ଦିଲ୍ଲୀ ଆଣିବା ପାଇଁ ୧୮୦ ସିଟ୍ ବିଶିଷ୍ଟ ବିମାନ ଏ୩୨୦କୁ ବୁକ୍ କରିଛନ୍ତି । ଏପରି ଏକ ଖବର ମଧ୍ୟପ୍ରଦେଶରେ ସାମ୍ନାକୁ ଆସିଛି । ତେବେ ୪ଜଣ ବିମାନ ଯାତ୍ରୀଙ୍କ ମଧ୍ୟରେ ବ୍ୟବସାୟୀଙ୍କ ଝିଅ ଓ ତାଙ୍କର ୨ ଶିଶୁ ଏବଂ ଦେଖାରଖା କରିବା ପାଇଁ ଜଣେ ମହିଳା ରହିଥିଲେ ।

ସୂଚନାନୁସାରେ, ମଧ୍ୟପ୍ରଦେଶର ମଦ ବ୍ୟବସାୟୀ ଜଗଦୀଶ ଆରୋରା ସୋମ୍ ଡେଷ୍ଟିଲରିଜର ମାଲିକ । ତାଙ୍କୁ ଯେତେବେଳେ ଫୋନରେ ଯୋଗାଯୋଗ କରାଯାଇଥିଲା ପ୍ରଥମେ ସେ କୌଣସି ଏୟାରବସ୍ ବୁକ୍ କରିନଥିବା କହିଥିଲେ । ପରେ ସେ ବ୍ୟକ୍ତିଗତ କଥାକୁ କଣ ପାଇଁ ଗୁରୁତ୍ୱ ଦେଉଛନ୍ତି ବୋଲି ପଚାରିଥିଲେ । ଏହି ବିମାନକୁ ଦିଲ୍ଲୀରେ ବୁକ୍ କରାଯାଇଥିଲା । ଏହା ସକାଳ ୯ଟା ୩୦ରେ ଦିଲ୍ଲୀରୁ ବାହାରି ୧୧ଟା ୩୦ରେ ଭୋପାଳରେ ପହଁଚିଥିଲା । ଏହାପରେ ପୁଣି ୧୧ଟା ୩୦ରେ ୪ଜଣ ଯାତ୍ରୀଙ୍କୁ ଧରି ଦିଲ୍ଲୀ ଅଭିମୁଖେ ଯାତ୍ରା କରିଥିଲା ।

ବେସାମରିକ ବିମାନ ଚଳାଚଳ ବିଭାଗର କହିବାନୁସାରେ, ୬ରୁ ୮ ସିଟର୍ ଚାଟାର୍ଡ ବିମାନ ଭଳି ଅନେକ ବିକଳ୍ପ ଉପଲବ୍ଧ ଅଛି । କିନ୍ତୁ ମଦ ବ୍ୟବସାୟୀ ଏୟାରବସ୍ ବାଛିଥିଲେ । ଏ୩୨୦କୁ ବୁକ୍ କଲେ ଏହା ଟରବାଇନ୍ ଇନ୍ଧନ ଉପରେ ନିର୍ଭର କରେ । ଏହାର  ଖର୍ଚ୍ଚ ଘଣ୍ଟା ପ୍ରତି ୫ ଲକ୍ଷରୁ ୬ ଲକ୍ଷ ହୋଇଥାଏ ।

ବିଭାଗର ଜଣେ ଅଧିକାରୀଙ୍କ କହିବାନୁସାରେ, ମଦ ବ୍ୟବସାୟୀ ଜଣଙ୍କ ଭୋପାଳରୁ ଦିଲ୍ଲୀ ଆଣିବା ପାଇଁ ୪ଜଣ ଲୋକଙ୍କ ପାଇଁ ପ୍ରାୟ ୨୫ରୁ ୩୦ ଲକ୍ଷ ଟଙ୍କା ଖର୍ଚ୍ଚ କରିଛନ୍ତି ।

   Related Posts