Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ଚୌଦ୍ବାର କଟକ ବିଧାନସଭା ଆସନରୁ ପ୍ରଭାତ ବିଶ୍ବାଳଙ୍କୁ ବିଜେଡି ଟିକେଟ ଦେବ ନା’ ଦେବନି?

5/03/2019 at 6:53 PM

କଟକ୫|୩ (ଦେବୀ ପ୍ରସାଦ ମହାନ୍ତି):ନିର୍ବାଚନ ଯେତିକି ପାଖଉଛି, ଦଳୀୟ ଟିକେଟ୍‌ ନେଇ ବିଜେଡି ନେତାଙ୍କ ହାର୍ଟବିଟ୍‌ ସେତିକି ବଢ଼ିବାରେ ଲାଗିଛି । କିଏ ପାଇବ ଆଉ କାହାର ପତା ସାଫ୍‌ ହେବ ସେନେଇ ଏବେ ସଂଦେହରେ ଅନେକ ନେତା । ଯେଉଁମାନଙ୍କ ପଛରେ ଚିଟ୍‌ଫଣ୍ଡ କେଳେଙ୍କାରୀରେ ସଂପୃ୍କ୍ତି ଅଭିଯୋଗର ଟ୍ୟାଗ୍‌ ଲାଗିଛି ସେମାନଙ୍କ ପାଇଁ ରାସ୍ତା ସହଜ ହୋଇନପାରେ । ଏମିତିରେ ବିଜେଡି ବିଧାୟକ ପ୍ରଭାତ ବିଶ୍ବାଳଙ୍କୁ ନେଇ ନାନା କଳ୍ପନା ଜଳ୍ପନା ଚାଲିଥିବା ବେଳେ ଖୋଦ୍‌ ବିଧାୟକ କିନ୍ତୁ ଶକ୍ତି ପ୍ରଦର୍ଶନ କରି ନିଜର ଦାବେଦାରି ପେଶ୍‌ କରିବାକୁ ଚେଷ୍ଟା କରିଛନ୍ତି । କେମିତି ଚାଲନ୍ତୁ ଦେଖିବା

କିଛି ଦିନ ତଳେ ଭାଇରାଲ୍‌ ହୋଇଥିବା ଅଡ଼ିଓ ଟେପ୍‌କୁ ନେଇ ଖୁବ୍‌ ହଲ୍ଲାପଟା ହୋଇଥିଲା । ଯିଏ ଯାହା କହିଲେ ବି ଟେପ୍‌ରେ ଯେଉଁମାନଙ୍କ ନାଁ ଶୁଣିବାକୁ ମିଳିଛି ସେମାନେ ଉପରେ ଉପରେ ଦମ୍ଭ ଦେଖାଉଥିଲେ ହେଁ ଭିତରେ ଯେ ଆଶା ଆଶଙ୍କାରରେ ରହିଛନ୍ତି ସେକଥା କାହାକୁ ଅଛପା ନାହିଁ । ଏମିତିରେ ପୁଣି ଚିଟ୍‌ଫଣ୍ଡ କେଳେଙ୍କାରୀରେ ସଂପୃ୍କ୍ତି ଅଭିଯୋଗର ଟ୍ୟାଗ୍‌ ଲାଗିଥିବା ନେତାଙ୍କ ଟେନ୍‌ସନ୍‌ ବଢ଼ିବା ସ୍ବାଭାବିକ କଥା । ତଥାପି ସବୁ ଆଶଙ୍କାକୁ ଛାତି ଭିତରେ ଚାପି ରଖି ଉପରେ  ଉପରେ ଦମ୍ଭ ଦେଖାଇବା ଛଡ଼ା ଆଉ କିଛି ବାଟ ବି ନାହିଁ । ଏତିକି ବେ​‌ଳେ ସାମ୍ନାକୁ ଆସୁଛି ଚୌଦ୍ବାର-କଟକ ବିଧାୟକ ପ୍ରଭାତ ବିଶ୍ବାଳଙ୍କ କଥା । ଯିଏ  ବିଜୁ ଜୟନ୍ତୀ ଅବସରରେ ନିଜ ନିର୍ବାଚନ ମଣ୍ଡଳୀରେ ଶକ୍ତି ପ୍ରଦର୍ଶନ କରିଛନ୍ତି । ସାଂସଦ ଭର୍ତ୍ତୃହରି ମହତାବଙ୍କ ସମେତ କଟକ ବିଜେଡିର ସମସ୍ତ ଆଗଧାଡ଼ିର ନେତାଙ୍କୁ ଏକାଠି କରି, ସଂଗଠନ ଯେ, ତାଙ୍କ ହାତମୁଠାରେ ଅଛି , ସେଇ ସଂଦେଶ ଦେବାକୁ ଚେଷ୍ଟା କରିଛନ୍ତି ।

୨୦୦୪ରେ ପ୍ରଭାତ ବିଶ୍ବାଳ କଟକ ସଦର ଆସନରୁ ସ୍ବାଧୀନ ପ୍ରାର୍ଥୀ ଭାବେ ନିର୍ବାଚନ ଜିତିଥିଲେ ।  ୨୦୦୯ ରୁ ଚୌଦ୍ବାର କଟକ ବିଧାନସଭା କ୍ଷେତ୍ରକୁ ପ୍ରତିନିଧିତ୍ବ କରିଆସୁଛନ୍ତି । ହେଲେ ରାଜନୀତିରେ ସବୁଦିନ ସମାନ ନଥାଏ । ବିରୋଧୀଙ୍କୁ ଅତି ସହଜରେ ମାତ୍‌ ଦେଇପାରୁଥିବା ପ୍ରଭାତ ବିଶ୍ବାଳ ସି-ସୋର ଚିଟ୍‌ଫଣ୍ଡ କେଳେଙ୍କାରୀ ଫସିବା ପରେ ତାଙ୍କର ସେ ପୂର୍ବ ସ୍ଥିତି ଆଉ ନାହିଁ । ଦୀର୍ଘ ବର୍ଷ ଧରି ଯେଉଁମାନେ ତାଙ୍କ ସହ ଯୋଡ଼ି ହୋଇ ରହିଥିଲେ ସେମାନେ ଏବେ ପ୍ରଭାତଙ୍କୁ ଟିକେଟ୍‌ କଥା ପଡ଼ିଲେ ଏମିତି ପ୍ରତିକ୍ରିୟା ରଖୁଛନ୍ତି, ଯାହାର ପ୍ରକୃତ ଅର୍ଥ ବୁଝିବା ମୁସ୍କିଲ୍‌ ।

କଟକ ମହାନଗର ନିଗମ ପାଇଁ ମେୟର ଚୟନ ପ୍ରକ୍ରିୟା ବେଳେ ବିଧାୟକ ପ୍ରଭାତ ବିଶ୍ବାଳ ଏବଂ ବାରବାଟୀ କଟକ ବିଧାୟକ ଦେବାଶିଷ ସାମନ୍ତରାୟଙ୍କ ଭିତରେ ଦୂରତା ସୃଷ୍ଟି ହୋଇଥିଲା । ସେହିପରି ଆଠଗଡ ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁଙ୍କ ସହିତ ପ୍ରଭାତ ବିଶ୍ବାଳଙ୍କ ଉତ୍ତମ ସମ୍ପର୍କ ନଥିବା କଥା କାହାକୁ ପ୍ରାୟ ଅଛପା ନାହିଁ । ତେଣୁ ଆଗକୁ ପ୍ରଭାତଙ୍କ ରାଜନୈତିକ ଭବିଷ୍ୟତ କଣ ହେବ, ତାକୁ ନେଇ ଜୋର୍‌ ଧରିଛି ଚର୍ଚ୍ଚା ।

   Related Posts