Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ପାକିସ୍ତାନ କଣ୍ଟ୍ରୋଲରେ ରହିବ ତାଲିବାନ ସରକାର ! ISI ମୁଖ୍ୟଙ୍କ ଗସ୍ତ ପରେ ପ୍ରଧାନମନ୍ତ୍ରୀ ଭାବେ ଘୋଷଣା ହେଲା ଅଖୁନ୍ଦଙ୍କ ନାଁ

8/09/2021 at 1:42 PM

କାବୁଲ ୮।୯: ପାକିସ୍ତାନର ଗୁଇନ୍ଦା ଏଜେନ୍ସୀ ଆଇଏସଆଇ ମୁଖ୍ୟ ଲେଫ୍ଟନାଣ୍ଟ ଜେନେରାଲ ଫୈଜ ହମିଦ ଗତ ସପ୍ତାହରେ ହଠାତ କାବୁଲ ଗସ୍ତରେ ଆସିଥିଲେ । ଏହାର କିଛି ଦିନ ପରେ ତାଲିବାନ ସରକାରର ମୁଖ୍ୟ ଭାବେ ମୁଲ୍ଲା ମହମ୍ମଦ ହସନ ଅଖୁନ୍ଦଙ୍କ ନାଁ ସାମ୍ନାକୁ ଆସିଥିଲା । ଆଇଏସଆଇ ମୁଖ୍ୟ ତାଙ୍କ ଗସ୍ତ ସମୟରେ ମୁଲ୍ଲା ବାରାଦର ଏବଂ ହିଜବ-ଇ-ଇସଲାମୀ ନେତା ଗୁଲବୁଦ୍ଦିନ ହେକମତୟାରଙ୍କୁ ଭେଟିଥିଲେ । ହମିଦଙ୍କ କହିବା ଅନୁସାରେ ପ୍ରଧାନମନ୍ତ୍ରୀ ପଦ ପାଇଁ ନାଁ ଘୋଷଣା ହୋଇଛି ବୋଲି ଚର୍ଚ୍ଚା ହେଉଛି ।

କିନ୍ତୁ ସେହି ସମୟରେ ମିଡିଆ ରିପୋର୍ଟରେ କୁହାଯାଇଥିଲା ଯେ, ଆଫଗାନିସ୍ତାନର ସାମ୍ପ୍ରତିକ ପରିସ୍ଥିତି ବିଷୟରେ ଆଲୋଚନା କରିବା ପାଇଁ ହମିଦ କାବୁଲ ଗସ୍ତ କରିଥିଲେ। ଅନ୍ୟପଟେ ତାଲିବାନ ମୁଖପାତ୍ର ଜାବିହୁଲ୍ଲା ମୁଜାହିଦ ସୋମବାର ଦିନ ଏକ ସାମ୍ବାଦିକ ସମ୍ମିଳନୀରେ କହିଥିଲେ, ଖୁବ୍ ଶୀଘ୍ର ନୂଆ ସରକାର ଘୋଷଣା କରାଯିବ। ତେବେ ସରକାରଙ୍କ ଘୋଷଣା ନେଇ ସେ ତାରିଖ ବିଷୟରେ କିଛି କହି ନାହାନ୍ତି।

ନୂଆ ସରକାର ଗଠନକୁ ନେଇ ତାଲିବାନ ନେତୃତ୍ବ ମଧ୍ୟରେ କୌଣସି ମତଭେଦ ରହିଛି ବୋଲି ମୁଜାହିଦ ଏହାକୁ ଅସ୍ବୀକାର କରିଛନ୍ତି । ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଶେଷ ନିଷ୍ପତ୍ତି ନିଆଯାଇସାରିଛି । ଆମେ ବର୍ତ୍ତମାନ ବୈଷୟିକ ପ୍ରସଙ୍ଗରେ ଚିନ୍ତା କରୁଛୁ ।  ତେବେ ଏହା ପୂର୍ବରୁ ମୁଲ୍ଲା ଅବଦୁଲ ଘନି ବରାଦରଙ୍କ ନାଁ ଆଫଗାନିସ୍ତାନରେ ନୂତନ ସରକାର ପ୍ରମୁଖ ନେତା ଭାବେ ସାମ୍ନାକୁ ଆସିଥିଲା । ବରାଦର ତାଲିବାନ ନେତା ମୁଲ୍ଲା ମହମ୍ମଦ ଉମରଙ୍କ ଘନିଷ୍ଠ ବନ୍ଧୁ ଥିଲେ।  ଯେତେବେଳେ ତାଲିବାନ ଅନ୍ତିମ ଥର ପାଇଁ ଆଫଗାନିସ୍ତାନରେ ଶାସନ କରୁଥିଲେ ସେତେବେଳେ ବରାଦର ଉପ ପ୍ରତିରକ୍ଷା ମନ୍ତ୍ରୀ ଭାବରେ କାମ କରୁଥିଲେ।

 ତାଲିବାନର ମୁଖ୍ୟ ମୁଖପାତ୍ର ଜାବୁଲ୍ଲା ମୁଜାହିଦ୍ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ ମୁଲ୍ଲା ମହମ୍ମଦ ହାସନ ଅଖଣ୍ଡଙ୍କୁ ଏକ ଗୁରୁତ୍ୱପୂର୍ଣ୍ଣ ଦାୟିତ୍। ଦିଆଯାଇଛି।  ତାଲିବାନର ସହ-ପ୍ରତିଷ୍ଠାତା ଅବଦୁଲ ଘାନି ବାରାଦାରଙ୍କୁ ଉପମୁଖ୍ୟମନ୍ତ୍ରୀଙ୍କ ଦାୟିତ୍। ଦିଆଯାଇଛି।  କତାରରେ ଆମେରିକା ସହ ଆଲୋଚନାରେ ମଲ୍ଲିକ ଘାନି ବାରାଡର ତାଲିବାନର ନେତୃତ୍ୱ ନେଇଛନ୍ତି।  ବାରାଦର ଆମେରିକା ସହିତ ଏହି ଚୁକ୍ତି ସ୍ୱାକ୍ଷର କରିଥିଲେ, ଯେଉଁଥିରେ ଆମେରିକା ଆଫଗାନିସ୍ତାନରୁ ସଂପୂର୍ଣ୍ଣ ଭାବେ ବାହାର କରିଥିଲା ​​|

କାବୁଲ ଦଖଲ କରିବାର ୩ ସପ୍ତାହ ପରେ ତାଲିବାନ ଆଫଗାନିସ୍ତାନ ପାଇଁ ନୂଆ କାମଚଳା ସରକାର ଘୋଷଣା କରିଛି। ନୂଆ ତାଲିବାନ ସରକାରର ନେତୃତ୍ବ ନେବେ ମୁଲ୍ଲା ମହମ୍ମଦ ହାସନ ଅଖୁନ୍ଦ। ସେ ନୂଆ ସରକାରରେ ପ୍ରଧାନମନ୍ତ୍ରୀ ନିଯୁକ୍ତ ହୋଇଛନ୍ତି। ତାଲିବାନ ମୁଖପାତ୍ର ଜବିଉଲ୍ଲା ମୁଜାହିଦ କାବୁଲରେ ଏକ ସାମ୍ବାଦିକ ସମ୍ମିଳନୀ କରି ଏହା ଘୋଷଣା କରିଛନ୍ତି। ତାଲିବାନ ସହ ପ୍ରତିଷ୍ଠାତା ଅବଦୁଲ ଘନି ବରାଦର ନୂଆ ସରକାରରେ ଉପପ୍ରଧାନମନ୍ତ୍ରୀ ହେବେ। ତେବେ ଆଫଗାନିସ୍ତାନରେ ଏହି ନୂଆ ସରକାର କାମଚଳା ବୋଲି ମୁଜାହିଦ ସ୍ପଷ୍ଟ କରିଛନ୍ତି। ସିରାଜୁଦ୍ଦିନ ହକ୍କାନୀ କାମଚଳା ଆଭ୍ୟନ୍ତରୀଣ ମନ୍ତ୍ରୀ ନିଯୁକ୍ତ ହୋଇଛନ୍ତି। ଅମିର ଖାନ୍ ମୁତ୍ତାକି ବିଦେଶ ମନ୍ତ୍ରୀ, ଆବାସ ସ୍ତାନିକଜାଇ ନୂଆ ଆଫଗାନ ସରକାରରେ ଉପ ବିଦେଶ ମନ୍ତ୍ରୀ ନିଯୁକ୍ତ ହୋଇଛନ୍ତି ବୋଲି ମୁଜାହିଦ କହିଛନ୍ତି। ତାଲିବାନ ପ୍ରତିଷ୍ଠାତା ମୁଲ୍ଳା ମହମ୍ମଦ ଓମାରଙ୍କ ପୁ୍ଅ ମୁଲ୍ଲା ୟାକୁବ ଆଫଗାନିସ୍ତାନର ପ୍ରତିରକ୍ଷା ମନ୍ତ୍ରୀ ହୋଇଥିବା ଜଣାପଡ଼ିଛି। ମନ୍ତ୍ରୀ ପରିଷଦରେ ଅବଦୁଲ ସଲାମ ହନାଫି ଦ୍ବିତୀୟ ଉପପ୍ରଧାନମନ୍ତ୍ରୀ, ହେଦାୟାତୁଲ୍ଲା ବଦ୍ରି ଅର୍ଥ ମନ୍ତ୍ରୀ, ଡିନ ମହମ୍ମଦ ଅର୍ଥନୀତି ବ୍ୟାପାର ମନ୍ତ୍ରୀ ହୋଇଛନ୍ତି।

   Related Posts