ଆଠଗଡ,୨୭/୦୭: କଟକ ଜିଲ୍ଲା ଆଠଗଡ଼ ଅଞ୍ଚଳରେ ପଶୁ ଏବଂ ମଣିଷଙ୍କ ମଧ୍ୟରେ ଲଢେଇ । ଏପରି ଘଟଣା ବାରମ୍ବାର ଦେଖିବାକୁ ମିଳୁଛି । ହାତୀ ଏବଂ ବାରହା ଆଦି ଗ୍ରାମ ଭିତରକୁ ପଶି ଆସୁଥିଲେ ମଧ୍ୟ ବନ ବିଭାଗ କୌଣସି ସୂଚନା ଦେଉନାହିଁ । ଯାହା ଫଳରେ ତିଗିରିଆ ଅଞ୍ଚଳରେ ବାରହା ଆକ୍ରମଣରେ ୪ ଚାଷୀ ଆହତ ହୋଇଛନ୍ତି ।
ସୂଚନାନୁସାରେ, କୌଣସି ବନ୍ୟଜନ୍ତୁ ଗାଁ ମଧ୍ୟକୁ ପଶି ଆସିଲେ ବି ଗ୍ରାମବାସୀଙ୍କୁ ବନ ବିଭାଗ ସୂଚନା ଦେଉନାହିଁ । ସେହିପରି ମଙ୍ଗଳବାର ତିଗିରିଆ ବ୍ଲକ ସୁଣ୍ଠିପାଳ ଗ୍ରାମର ୪ ଜଣ ଚାଷୀଙ୍କୁ ବାରାହା ଆକ୍ରମଣ କରି ଗୁରୁତର କରିଥିବା ଅଭିଯୋଗ ହୋଇଛି। ବିଲକୁ ଚାଷ କାମ କରିବାକୁ ଜାଇଥିବା ବେଳେ ବାର୍ହା ସେମାନଙ୍କୁ ଆକ୍ରମଣ କରିଥିଲା ।
ଆକ୍ରମଣରେ ଜଣଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି । ଅନ୍ୟ ତିନି ଜଣ ବିନ୍ଧାଣମା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି। ତେବେ ଗ୍ରାମବାସୀ ଏଥିପାଇଁ ବନ ବିଭାଗକୁ ଦାୟୀ କରୁଛନ୍ତି ।
