Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ସ୍ତ୍ରୀ ଇଛା କରିଥିଲେ ଚିକେନ୍ ବିରିୟାନୀ କିନ୍ତୁ ସ୍ୱାମୀ ନେଇ ଆସିଲେ ଭେଜ୍ ବିରିୟାନୀ : ରାଗରେ ଆତ୍ମଦାହ କଲେ ସ୍ତ୍ରୀ

28/06/2020 at 12:17 PM

ଚେନ୍ନାଇ ୨୮/୦୬ : ତାମିଲନାଡୁ ମାମଲ୍ଲପୁରମରେ ଜଣେ ମହିଳା ଆତ୍ମହତ୍ୟା କରିଛନ୍ତି | ଆତ୍ମହତ୍ୟାର କାରଣ ଜାଣିଲେ ଆପଣ ମଧ୍ୟ ଚକିତ ହୋଇଯିବେ | ସ୍ୱାମୀ ତାଙ୍କ ପାଇଁ ଚିକେନ୍ ବିରିୟାନୀ ନ ଆଣିବାରୁ ମହିଳା ଜଣକ ଆତ୍ମହତ୍ୟା କରିଛନ୍ତି | ପୋଲିସ ଅନୁଯାୟୀ, ୩୨ ବର୍ଷ ବୟସ୍କ ମନୋହରନ ଏବଂ ତାଙ୍କର ୨୮ ବର୍ଷୀୟା ସ୍ତ୍ରୀ ସୌମ୍ୟା ମୂର୍ତ୍ତି ତିଆରି କରନ୍ତି | ୧୨ ବର୍ଷ ପୂର୍ବରୁ ଉଭୟଙ୍କ ବାହାଘର ହୋଇଥିଲା | ତାଙ୍କର ୧୧ ବର୍ଷର ଗୋଟିଏ ଝିଅ ଓ ୧୦ ବର୍ଷର ଗୋଟିଏ ପୁଅ ଅଛି | ପରିବାର ସୁଖ ଶାନ୍ତିରେ ଚାଲିଥିଲା |

ଇଂରାଜୀ ଖବରକାଗଜ ଟାଇମ୍ସ ଅଫ ଇଣ୍ଡିଆ ଖବର ଅନୁଯାୟୀ, ସୌମ୍ୟା ଓ ମନୋହରନଙ୍କ ଘର ପାଖରେ ଏକ ନୂଆ ରେସ୍ତୋରାଁ ଖୋଲିଥିଲା | ରେସ୍ତୋରାଁରେ ଗୋଟିଏ ବିରିୟାନୀରେ ଆଉ ଗୋଟିଏ ବିରିୟାନୀ ଫ୍ରି ଅଫର୍ ଚାଲିଥିଲା | ଅଫର ଦେଖି ସୌମ୍ୟା ମନୋହରନଙ୍କୁ ବିରିୟାନୀ ଆଣିବାକୁ କହିଥିଲେ | କିନ୍ତୁ ମନୋହରନ ସେଠାରେ ପହଞ୍ଚିବା ବେଳକୁ ଚିକେନ୍ ବିରିୟାନୀ ସରି ଯାଇଥିଲା | ସେ କଣ କରିବେ ଭାବି ଭେଜ୍ ବିରିୟାନୀ ନେଇ ଆସିଥିଲେ | ଭେଜ୍ ବିରିୟାନୀ ଦେଖି ସୌମ୍ୟା ରାଗି ଯାଇଥିଲେ | ସେ ଭେଜ୍ ବିରିୟାନୀ ଖାଇବାକୁ ମନା କରିଦେଲେ | ସ୍ତ୍ରୀ ଖାଇବାକୁ ମନା କରିବାରୁ ମନୋହରନ ବିରିୟାନୀ ପଡୋଶୀଙ୍କୁ ଦେଇଦେଲେ |

ପୋଲିସ ସୂଚନା ଅନୁଯାୟୀ, ପରେ ମନୋହରନ କାମ କରିବାକୁ ଚାଲିଗଲେ | ସ୍ୱାମୀ କାମ କରିବାକୁ ଯିବାପରେ ସ୍ତ୍ରୀ ଛାତ ଉପରକୁ ଚାଲିଗଲେ | ସେ ସେଠାରେ ନିଜକୁ ଏକ କୋଠରୀରେ ବନ୍ଦ କରିଦେଲେ | ଏହାପରେ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ | କିଛି ସମୟ ପରେ ଜଣେ ପଡୋଶୀ ଘଟଣା ସମ୍ପର୍କରେ ପୋଲିସକୁ ସୂଚନା ଦେଇଥିଲେ | ସୌମ୍ୟାଙ୍କୁ ନିକଟସ୍ଥ ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା | କିନ୍ତୁ ତାଙ୍କ ଶରୀରର ଅଧକାଂଶ ଅଂଶ ପୋଡି ଯାଇଥିବାରୁ ଶୁକ୍ରବାର ଦିନ ହସ୍ପିଟାଲରେ ତାଙ୍କର ମୃତ୍ୟୁ ହୋଇଥିଲା |

ପୋଲିସ ଏହି ଘଟଣାରେ ଏକ ମାମଲା ରୁଜ୍ଜୁ କରି ଯାଞ୍ଚ କରୁଛି | ପୋଲିସ ଟିମ ପରିବାର ସଦସ୍ୟଙ୍କୁ ପଚରାଉଚୁରା କରୁଛି | ମାମଲାରେ ପଡୋଶୀଙ୍କ ବୟାନ ମଧ୍ୟ ରେକର୍ଡ କରାଯାଇଛି | ତେବେ ସୌମ୍ୟା କେବଳ ବିରିୟାନୀ କଥାକୁ ନେଇ ନିଜ ଦେହରେ ନିଆଁ ଲଗାଇ ଆତ୍ମହତ୍ୟା କରିଛନ୍ତି ନା ଆତ୍ମହତ୍ୟା ପଛରେ ଆଉ କିଛି କାରଣ ଅଛି ତାହା ସ୍ପଷ୍ଟ ହୋଇନାହିଁ | ସ୍ୱାମୀ ସ୍ତ୍ରୀ ମଧ୍ୟରେ ଆଗରୁ ଏହିଭଳି ଝଗଡା ହେଉଥିଲା ନା ନାହିଁ ତାହା ପୋଲିସ ପତା କରୁଛି | ମାମଲାର ତଦନ୍ତ ଜାରି ରହିଛି |

   Related Posts