Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

୯୮ବର୍ଷରେ ପଦାର୍ପଣ କଲେ ମହାନ୍ ଅଭିନେତା ଦିଲୀପ କୁମାର : ଏବର୍ଷ ଜନ୍ମଦିନ ସେଲିବ୍ରେସନ ହେବ ନାହିଁ ବୋଲି କହିଲେ ପତ୍ନୀ ସାୟରା ବାନୋ

11/12/2020 at 4:55 PM

ମୁମ୍ବାଇ ୧୧/୧୨: ନିଜ ଜମାନାର ପ୍ରସିଦ୍ଧ ଅଭିନେତା ଦିଲୀପ କୁମାର ଆଜି ୯୮ବର୍ଷର ହୋଇ ଯାଇଛନ୍ତି। ଦିଲୀପ କୁମାରଙ୍କ ପତ୍ନୀ ସାୟରା ବାନୋ ପ୍ରତି ବର୍ଷ ତାଙ୍କ ଜନ୍ମଦିନ ପ୍ଲାନ୍ କରନ୍ତି କିନ୍ତୁ ଏଥର ସେ କୌଣସି ବଡ଼ ଉତ୍ସବ ପାଳନ କରିବାକୁ ମନା କରି ଦେଇଛନ୍ତି। ସେ କହିଛନ୍ତି ଯେ କରୋନା ସଙ୍କଟ ଯୋଗୁଁ  ଏବର୍ଷ କୌଣସି ବଡ଼ ପର୍ବ ପାଳନ କରାଯିବ ନାହିଁ କାରଣ କରୋନାର ପ୍ରକୋପ ଏବେ ବି ଜାରି ରହିଛି। ଏହା ବ୍ୟତୀତ ଦିଲୀପ କୁମାରଙ୍କ ଭାଇ ଅହସାନ ଏବଂ ଅସଲମଙ୍କ ମଧ୍ୟ ନିକଟରେ ପରଲୋକ ହୋଇଛି। ସାୟରା ବାନୋ ଟାଇମସ୍ ଅଫ୍ ଇଣ୍ଡିଆ ସହ ସାକ୍ଷାତକାରରେ କହିଥିଲେ ଯେ ସେମାନେ ଇଦ ସେଲିବ୍ରେସନ ମଧ୍ୟ କରି ନାହାନ୍ତି। ଦିପାବଳୀ କିମ୍ବା​ ଅନ୍ୟ ପର୍ବ ମଧ୍ୟ ପାଳନ କରି ନାହାନ୍ତି।

ଏବର୍ଷ କରୋନା ଯୋଗୁଁ ଅନେକ ଲୋକେ ପ୍ରାଣ ହରାଇଛନ୍ତି। ଏହା ବ୍ୟତୀତ ପରିବାରରେ ମଧ୍ୟ ୨ଟି ଟ୍ରାଜେଡ଼ି ହୋଇଛି। ଦିଲୀପ କୁମାରଙ୍କ ସାନ ଭାଇ ଅହସାନ ଏବଂ ଅସଲମଙ୍କ ପରଲୋକ ଏହି ନିକଟରେ ହୋଇଛି। ଏଥିପାଇଁ ସେ ଏବର୍ଷ ଦିଲୀପ କୁମାରଙ୍କ ଜନ୍ମଦିନରେ ଛୋଟ ଆୟୋଜନ କରିବେ। ଏହି ଜନ୍ମଦିନ ସେଲିବ୍ରେସନରେ ପରିବାର ଲୋକ ଏବଂ କିଛି ବନ୍ଧୁ ହିଁ ରହିବେ। ଦିଲୀପ କୁମାରଙ୍କ ଫିଲ୍ମ ‘ଗଙ୍ଗା ଯମୁନା’କୁ ନିକଟରେ ୫୦ବର୍ଷ ପୂରିଛି।

 ‘ଗଙ୍ଗା ଯମୁନା’ର ସ୍ମୃତିକୁ ସେୟାର କରି ସାୟରା ବାନୋ କହିଛନ୍ତି ଯେ ଏହି ଫିଲ୍ମ ଦିଲୀପ ଏବଂ ସାୟରାଙ୍କ ପାଇଁ ଅତ୍ୟନ୍ତ ଖାସ୍। ସାୟରା ବାନୋ ‘ଗଙ୍ଗା ଯମୁନା’ର ରିଲିଜକୁ ମନେ ପକାଇ କହିଛନ୍ତି ଯେ ଏହା ଦିଲୀପ କୁମାରଙ୍କ ନିଜର ପ୍ରୋଜେକ୍ଟ ଥିଲା। ଅନେକ ଲୋକ ସେତେବେଳେ କହିଥିଲେ ଯେ ଏହାର ଷ୍ଟୋରି ଚାଲିବ ନାହିଁ। ଏହା ପରେ ମଧ୍ୟ ସେ ନିଜ ବିଶ୍ବାସରେ କାୟମ ରହିଥିଲେ। ସେ ଆଗକୁ ବଢ଼ିଥିଲେ ଏବଂ ତାଙ୍କୁ ସଫଳତା ମିଳିଥିଲା।

   Related Posts