Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ବିବାହ ବେଦୀରୁ କାନ ଧରି ଉଠାଇଆଣିଲା ସ୍ତ୍ରୀ, ବିବାହର ବାରବର୍ଷ ପରେ ସ୍ଵାମୀ କରୁଥିଲା ୨ୟ ବିବାହ

15/01/2019 at 9:15 PM

ମୁରାଦାବାଦ ୧୫/୧-ବିବାହର ବାରବର୍ଷ ବିତିଯାଇଥିଲେ ବି ମନ ବୁଝି ନଥିଲା । ଆଉଥରେ ବିବାହ କରିବାକୁ ବର ହୋଇ ବେଦୀରେ ବସିଥିଲା ସ୍ଵାମୀ । ହେଲେ ସ୍ତ୍ରୀ ଦେଇଛି ସ୍ଵାମୀକୁ ଉପଯୁକ୍ତ ଶିକ୍ଷା । କାନ ଧରି ଉଠାଇଆଣିଛି ବେଦୀରୁ , ପୋଲିସ ହାତରେ ନିଜ ସ୍ଵାମୀକୁ ଟେକି ଦେଇଛି ।

ଏହିଭଳି ଘଟଣା ଘଟିଛି ଗୁନୌର ଥାନା ଗୌଥାନା ଅଂଚଳରେ ।  ମହେଶ ୧୨ ବର୍ଷ ପୂର୍ବେ ସୋମବତୀ ନାମକ ଜଣେ ମହିଳାଙ୍କୁ ବିବାହ କରିଥିଲା । ସୋମବତୀ  ଓ ମହେଶ ମଧ୍ୟ ପିଲାଟିଏ ଜନ୍ମ ଦେଇଥିଲେ । ଉଭୟଙ୍କ ପରିବାରରେ କିଛି ବିଶୃଙ୍ଖଳା ନ ଥିଲା । କିଛିଦିନ ହେବ ଉଭୟଙ୍କ ଭିତରେ ବୁଝାବଣା ଠିକ ନ ରହିବାରୁ ସୋମବତୀ ବାଘର ପାଖରେ ରହୁଥିଲା ।

ଏହି ମୌକାରେ ସ୍ଵାମୀ ଓ ତାଙ୍କ ପରିବାର ଲୋକ ଅନ୍ୟତ୍ର ବିବାହ ଠିକ କରିଥିଲେ । ମହେଶ ବରଯାତ୍ରୀ ସହ ୨ୟ ବିବାହ କରିବାକୁ ଯାଇଥିଲା । ଏହି ଖବର ପ୍ରଥମ ସ୍ତ୍ରୀ ସୋମବତୀ ଜାଣିବାପରେ ମହେଶ ବିବାହ କରୁଥିବା ସ୍ଥାନକୁ ଯାଇଥିଲା । ସେଠାରେ ବରଯାତ୍ରୀ ଖାଉଥିବାବେଳେ ମହେଶ ବିବାହ ବେଦୀରେ ବସିଥିଲା । ଏହି ସମୟରେ ସିନେମା ଷ୍ଟାଇଲରେ ମହେଶର କାନ ଧରି ଉଠାଇଆଣିଥିଲା । ଏହି ଘଟଣା ସଂପର୍କରେ ପୋଲିସକୁ ମଧ୍ୟ ପୂର୍ବରୁ ଜଣାଇସାରିଥିଲା । ପୋଲିସ ଘଟଣାସ୍ଥଳରେ ପହଂଚି ମହେଶକୁ ଗିରଫ କରିବା  କରିଥିଲା ।

   Related Posts