ଅମ୍ବାଲା ୨୫।୧୨ - ନିଜର ମଦ୍ୟପ ସ୍ୱାମୀଙ୍କୁ ହତ୍ୟା କରିଥିବା କଥା ହରିୟାନାର ଜଣେ ମହିଳା ରାଜ୍ୟର ଗୃହମନ୍ତ୍ରୀ ଅନିଲ୍ ଭିଜ୍ଙ୍କୁ ପତ୍ର ଲେଖି ସ୍ୱୀକାର କରିଛନ୍ତି । ଏହି ଅପରାଧ ପାଇଁ ତାଙ୍କୁ ଫାଶୀ ଦିଆଯାଉ ବୋଲି ସେ ଚିଠିରେ ଉଲ୍ଲେକ କରିଛନ୍ତି ।
୨୦୧୭ ମସିହାରେ ସେ ଏପରି କରିଥିବା କଥା ପତ୍ରରରେ ଉଲ୍ଲେଖ କରିଛନ୍ତି । ମହିଳାଙ୍କର ସ୍ୱାମୀ ପୁଲିସ ବିଭାଗରେ ଚାକିରି କରୁଥିଲେ । ସେ ଅତ୍ୟଧିକ ମଦ୍ୟପାନ କରୁଥିଲେ । ଥରେ ସେ ଅତ୍ୟଧିକ ମଦ୍ୟପାନ କରି ବାନ୍ତି କରିବା ପାଇଁ ଚାହୁଁଥିବା ବେଳେ ତାଙ୍କ ପାଟିରେ କନା ବିଣ୍ଡା ମାଡି ଦେଇଥିଲେ । ଫଳେରେ ସେ ବାନ୍ତି କରି ନପାରି ମୃତ୍ୟୁ ମୁଖରେ ପଡିଥିଲେ ।
ମାତ୍ର ଏହି କଥା ବାହରକୁ ଜଣା ପଡି ନଥିଲା । ପାଖ ପଡୋଶୀ ତାଙ୍କର ମଦ ପିଇ ମୃତ୍ୟୁ ହୋଇଥିବା କଥା ଭାବିଥିଲେ ।
ଏହି ଘଟଣାର ଦୁଇ ବର୍ଷପରେ ମହିଳାଜଣକ ଲିଖିତ ଭାବେ ଏହି କଥା ସ୍ୱୀକାରକରିଛନ୍ତି । ଏହାପରେ ପୁଲିସ ମହିଳାଙ୍କୁ ଗିରଫ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।