Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୃତୀୟ ଦିନିକିଆ: ୩ ଓ୍ବିକେଟ୍‌ରେ ଶ୍ରୀଲଙ୍କା ବିଜୟୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୦୪୪ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୩୬ ଡିସଚାର୍ଜ
  • ||
  • ରାଜଧାନୀରେ ବଢୁଛି ଆକ୍ଟିଭ କେସ୍ : ଭୁବନେଶ୍ବରରୁ ଦିନକରେ ୩୧୮ କରୋନା ଆକ୍ରାନ୍ତ ଚିହ୍ନଟ, ୨୩୫ ସୁସ୍ଥ
  • ||
  • କୋଭିଡ୍ ସ୍ଥିତି ନିୟନ୍ତ୍ରଣରେ, ତଥାପି ଆସିନି ସମ୍ପୂର୍ଣ୍ଣ ଆଶ୍ୱସ୍ତିର ସମୟ, ସତର୍କତାର ମନ୍ତ୍ର ସହ ମୁଖ୍ୟମନ୍ତ୍ରୀ କହିଲେ- ସ୍ୱାସ୍ଥ୍ୟସେବାକୁ ସରକାରଙ୍କ ସର୍ବୋଚ୍ଚ ପ୍ରାଥମିକତା
  • ||
  • +୩ ରେ ସାମିଲ ହେବ ବିପର୍ଯ୍ୟୟ ପରିଚାଳନା କୋର୍ସ, ରାଜ୍ୟ ଉଚ୍ଚଶିକ୍ଷା ପରିଷଦ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି
  • ||
  • ଜି.ଉଦୟଗିରି : ପୁଅ ଓ ଝିଅକୁ କୂଅରେ ଫିଙ୍ଗି ମାରିଦେଲେ, ବାପା ଓ ମା’ ଗିରଫ
  • ||
  • ଭୁବନେଶ୍ବର : ‘ନୀଳାଦ୍ରି ବିଜେ’ ଅବସରରେ ନ୍ୟୁଜ୍ ୭ ପ୍ରସ୍ତୁତ କଲା ଆଉ ୨ଟି ଓଡିଆ ଭଜନ- ‘ବଡଦାଣ୍ଡ କାନ୍ଦେ କଇଁକଇଁ’ ଓ ‘ଏତେ ଅଭିମାନ କିଆଁ’
  • ||
  • ସୁନ୍ଦରଗଡ : ଦୁଇ ବାଇକ୍ ମୁହାଁମୁହିଁ ଧକ୍କା, ଜଣେ ମୃତ, ମହିଳାଙ୍କ ସମେତ ୨ ଗୁରୁତର
  • ||
  • ଭାରତ-ଶ୍ରୀଲଙ୍କା ତୃତୀୟ ଦିନିକିଆ : କ୍ଲିନ୍ ସ୍ୱିପ୍ ଲକ୍ଷ୍ୟରେ ଟିମ୍ ଇଣ୍ଡିଆ, ସମ୍ମାନ ପାଇଁ ଲଢିବ ଘରୋଇ ଦଳ
  • ||
  • ଗଜପତି : ଖୋଲିବ କି ACFO ସୌମ୍ୟରଞ୍ଜନଙ୍କ ମୃତ୍ୟୁ ରହସ୍ୟ : କାର୍ଯ୍ୟାଳୟରେ ଡିଏଫଓଙ୍କୁ ଚାଲିଛି ଜେରା
  • ||

ପୋଲିସରେ ସ୍ତ୍ରୀ କିନ୍ତୁ ସ୍ଵାମୀ ଚୋର ନମ୍ବର ଓ୍ଵାନ, ୫୦୦ ଦାମୀ ଗାଡି ଚୋରି ରାକେଟ୍‌ର ମାଷ୍ଟର ମାଇଣ୍ଡ

28/07/2020 at 6:30 PM

ନୂଆଦିଲ୍ଲୀ୨୮।୦୭: ସ୍ତ୍ରୀ ପୋଲିସରେ, ଏପଟେ ସ୍ଵାମୀ ଚୋର ନମ୍ଵର ଓ୍ଵାନ। ମଣିପୁର ପୋଲିସରେ କାର୍ଯ୍ୟରତ ଜଣେ ମହିଳା କନଷ୍ଟେବଲଙ୍କ କାର ଚୋର ସ୍ଵାମୀ ହବିବୁର ରେହମାନକୁ ଉତ୍ତର ଦିଲ୍ଲୀ ଥାନା ପୋଲିସ ଗିରଫ କରିଛି। ଅଭିଯୁକ୍ତ ପାଖରୁ ଦିଲ୍ଲୀରୁ ଚୋରି  କରିଥିବା ୧୦ ଲଗଜରୀ କାର ମଧ୍ୟ ଜବତ କରାଯାଇଛି। ଅଭିଯୁକ୍ତ ମହମ୍ମଦ ହବିବୁରର ଗିରଫଦାରୀ ତାରି ଗ୍ୟାଙ୍ଗର ସଦସ୍ୟ ରାଜୀବକୁ ଚିହ୍ନଟ କରିବା ପରେ ହୋଇଛି।

ପୋଲିସ ଡିସିପି ମୋନିକା ଭରଦ୍ଵାଜ କହିଛନ୍ତି ଜୁଲାଇ ୨ରେ ଶକ୍ତିନଗର ଅଞ୍ଚଳରୁ ଏକ ଲଗଜରୀ କାର ଚୋରି ହୋଇଥିଲା। ସ୍ଥାନୀୟ ପୋଲିସ ସହିତ ମାମଲାରେ ତଦନ୍ତରେ ସ୍ପେଶାଲ ଷ୍ଟାଫର ଇନ୍ସପେକ୍ଟର ସୁନିଲ ଶର୍ମାଙ୍କୁ ତଦନ୍ତ ଦାୟିତ୍ଵ ଦିଆଯାଇଥିଲା। ତଦନ୍ତ ବେଳେ ମିଳିଥିବା ସିସିଟିଭି ଫୁଟେଜ୍‌କୁ ଆଧାର କରି ପୋଲିସ୍‌ ଅଭିଯୁକ୍ତ ରାଜୀବକୁ ଚିହ୍ନଟ କରିଥିଲେ। ଜୁଲାଇ ୧୮ରେ ପୋଲିସ ଟିମ୍ ରାଜୀବକୁ ଚନ୍ଦଗିରାମ ଅଖାଡେ ନିକଟରୁ କାବୁ କରିଥିଲେ। ଜେରା ସମୟରେ ଅଭିଯୁକ୍ତ ନିଜ ଗ୍ୟାଙ୍ଗ ବିଷୟରେ ସବୁ ବଖାଣି ଥିଲା। ଏହା ପରେ ପୋଲିସ ମହମ୍ମଦ ହବିବୁର ରେହମାନ ଓ ସାଗର ରାୟକୁ ଗିରଫ କରିବାରେ ସଫଳ ହୋଇଥିଲା।

ପୋଲିସର ଜେରାରୁ ଜଣା ପଡିଛି ମହମ୍ମଦ ହବିବୁର ରେହମାନ ମଣିପୁରର ବାସିନ୍ଦା। ତା ପତ୍ନୀ ମଣିପୁର ପୋଲିସରେ କନଷ୍ଟେବଲ ପଦରେ କାର୍ଯ୍ୟରତ। ହବିବୁର ରେହମାନ ମଧ୍ୟ ମଣିପୁର ଭିଲେଜ ଡିଫେନ୍ସ ଫୋର୍ସ ପାଇଁ କାମ କରିଥାଏ। ମାତ୍ର ରାତାରାତି ଅଧିକ ଅର୍ଥ କମାଇବା ଚକ୍କରରେ ସେ ଗାଡି ଚୋରି କରିବା ଆରମ୍ଭ କରି ଦେଇଥିଲା। ଆଗ୍ରାର ରାଜୀବ ଓ କୋଲକାତାର ସାଗର ରାୟ ସହିତ ମିଶି ଦିଲ୍ଲୀ-ଏନସିଆରରେ ଲଗଜରୀ କାର ଚୋରି କରି ବିକ୍ରି କରୁଥିଲା। ଅଭିଯୁକ୍ତ କହିଛନ୍ତି ସେମାନେ ଅର୍ଡର ମିଳିଲେ ଯାଇ ହିଁ କାର ଚୋରି କରୁଥିଲେ।

ଅଭିଯୁକ୍ତମାନେ ଚୋରି କରିବା ପାଇଁ ବିମାନରେ ଦିଲ୍ଲୀ ଆସୁଥିଲେ। ପୁଣି ଚୋରି କରୁଥିବା କାରରେ ଫେରି ଯାଉଥିଲେ। ଏ ପର୍ଯ୍ୟନ୍ତ ପାଖାପାଖି ୫୦୦ ଗାଡି ଚୋରି କରି ଉତ୍ତର-ପୂର୍ବାଞ୍ଚଳ ରାଜ୍ୟରେ ବିକ୍ରି କରିଥିବା ଜେରା ବେଳେ ଅଭିଯୁକ୍ତମାନେ କହିଛନ୍ତି।

   Related Posts