ରାଇରଙ୍ଗପୁର ୧୬/୯ : ରାଇରଙ୍ଗପୁରରେ ଟ୍ରକ ଧକ୍କାରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ମହିଳାଙ୍କ ସ୍ୱାମୀ ଗୁରୁତର ଅଛନ୍ତି । ମୃତ ମହିଳା ହେଲେ ବିଶୋଇ ଥାନା ମାନୀଚ ଗ୍ରାମର ନନ୍ଦିନୀ ସି । ନଦିନୀ ଓ ତାଙ୍କ ସ୍ୱାମୀ ସୁରଥ ବିଶୋଇ ଡାକ୍ତର ଖାନାରୁ ନିଜ ଗାଁକୁ ସାଇକେଲରେ ଫେରୁଥିଲେ । ଜାମିରଡିହା ଆଦର୍ଶ ସ୍କୁଲ ପାଖ ଛକରେ ପଛ ପଟୁ ଆସୁଥିବା ଏକ ଟ୍ରକ ଧକ୍କା ଦେଇଥିଲା । ଫଳରେ ନଦିନୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା ଓ ସ୍ୱାମୀ ସୁରଥ ସି କୁ ବିଶୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି । ସ୍ଥାନୀୟ ଲୋକେ ଟ୍ରକକୁ ଅଟକ ରଖିବା ସହିତ ଡ୍ରାଇଭରକୁ ପୁଲିସର ଜିମା ଦେଇଛନ୍ତି । ଘଟଣା ସ୍ଥଳରେ ଉତ୍ତେଜନା ଲାଗିରହିଛି । ପୁଲିସ ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛି ।