Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

‘ମୋ ଭାଇ ବହୁତ ଭଲ ଥିଲା, ତାକୁ ସେମାନେ ମାରି ଦେଇ ଆତ୍ମହତ୍ୟାର ରୂପ ଦେଉଛନ୍ତି…’

10/10/2020 at 1:45 PM

ଭଦ୍ରକ୧୦/୧୦:  ମୋ ଭାଇ ଆତ୍ମହତ୍ୟା କରି ନାହିଁ। ତାଙ୍କୁ ହତ୍ୟା କରାଯାଇଛି। ମୋ ଭାଇ ବୋହୂ ଏବଂ ତାଙ୍କ ପରିବାର ଲୋକେ ମିଶି ତାଙ୍କୁ ହତ୍ୟା କରିଛନ୍ତି। ଏମିତି ସଂଗୀନ ଅଭିଯୋଗ ଆଣିଛନ୍ତି ମୃତକଙ୍କ ଦୁଇ ଭାଇ। ନ୍ୟାୟ ଆଶାରେ ଏସ୍‌ପିଙ୍କ କାର୍ଯ୍ୟାଳୟ ଚାରିପଟେ ଚକର କାଟୁଛନ୍ତି ଦୁଇ ଭାଇ। ଭଦ୍ରକ ଜିଲ୍ଲାର ତିହିଡି ଥାନା ଅନ୍ତର୍ଗତ କନାଟିଆ ଗାଁର ଦୁଇ ଭାଇ ଅଶୋକ ମଇତି ଏବଂ ମନୋରଞ୍ଜନ ମାଇତି ଏଭଳି ଅଭିଯୋଗ ଆଣିଛନ୍ତି। ତାଙ୍କ ଭାଇ ଆତ୍ମହତ୍ୟା କରି ନାହାନ୍ତି, ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦିଆଯାଇଥିବା ଦାବି କରିଛନ୍ତି ୨ ଦୁଇ ଭାଇ। ଆମ ଭାଇ ବହୁତ ଭଲ ଲୋକ, ତାଙ୍କୁ ହତ୍ୟା କରାଯାଇଥିବା ଦୁଇ ଭାଇ ଦାବି କରିଛନ୍ତି। ସେମାନେ ଆହୁରି ମଧ୍ୟ କହିଛନ୍ତି, ସବୁ ନାଟର ଗୋବର୍ଦ୍ଧନ ତାଙ୍କ ସ୍ତ୍ରୀ।

ସୂଚନାଥାଉକି, କେଶବ ମଇତି ତାଙ୍କ ଶ୍ବଶୁର ଘର  ଭଦ୍ରକ ଗ୍ରାମାଞ୍ଚଳ ଥାନା ଜଳଙ୍ଗାରେ ରହୁଥିଲେ। ପୂର୍ବରୁ ସ୍ତ୍ରୀ ଓ ତାଙ୍କ ପରିବାର ମଧ୍ୟରେ ତିକ୍ତତା ଥିଲା। ସେପ୍ଟେମ୍ବର ମାସ ୧୬ରୁ କେଶବ ନିଖୋଜ ଥିଲେ। ଦୁଇ ଦିନ ପରେ ଗାଁ ନିକଟ ଏକ ବିଲରୁ ତାଙ୍କର ମୃତଦେହ ଉଦ୍ଧାର ହୋଇଥିଲା। ମୃତଦେହ ନିକଟରୁ ଏକ ବିଷ ବୋତଲ ମଧ୍ୟ ଜବତ କରିଥିଲା ଗ୍ରାମାଞ୍ଚଳ ପୋଲିସ।

ଏହା ଆତ୍ମହତ୍ୟା ନୁହେଁ, ତାଙ୍କୁ ହତ୍ୟା କରି ବିଲ୍‌ରେ ପିଙ୍ଗି ଦେଇଥିବା ମୃତକଙ୍କ ପରିବାର ଲୋକେ ଅଭିଯୋଗ କରିଛନ୍ତି। ଏନେଇ ଭଦ୍ରକ ଏସପିଙ୍କ ଦ୍ବାରସ୍ଥ ହୋଇଛନ୍ତି ମୃତକଙ୍କ ପରିବାର ଲୋକେ। ଏସପିଙ୍କ ନିର୍ଦ୍ଦେଶ କ୍ରମେ ହତ୍ୟା ମାମଲା ରୁଜୁ ହୋଇଛି। କିନ୍ତୁ ଏବେ ପରିବାର ଲୋକଙ୍କ ଅଭିଯୋଗରେ ହତ୍ୟାକାରୀଙ୍କୁ କଣ ପାଇଁ ଗିରଫ କରାଯାଉନାହିଁ  ବୋଲି ଦୁଇ ଭାଇ ପ୍ରଶ୍ନ କରିଛନ୍ତି। ଗ୍ରାମାଞ୍ଚଳ ଥାନାଧିକାରୀ କହିଛନ୍ତି ଯେ, ମାମଲା ରୁଜୁ ହୋଇଛି , ତଦନ୍ତ ଚାଲିଛି । କିନ୍ତୁ ଶବ ବ୍ୟବଚ୍ଛେଦ ରିପୋର୍ଟ ଆସିନାହିଁ, ରିପୋର୍ଟ ଆଧାରରେ କାର୍ଯ୍ୟାନୁଷ୍ଠାନ ନିଆଯିବ ।

   Related Posts