Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ସ୍ବାମୀଙ୍କ ଶବର ସତ୍କାର ପାଇଁ ଭିକ ମାଗିଲେ ସ୍ତ୍ରୀ : ଚୂଲିକୁ ଗଲା ହରିଶ୍ଚନ୍ଦ୍ର ଯୋଜନା

13/11/2018 at 7:17 PM

ପଟ୍ଟାମୁଣ୍ଡାଇ ୧୩|୧୧: ସ୍ବାମୀଙ୍କ ଶବର ସତ୍କାର ପାଇଁ ଭିକ ମାଗିଲେ ସ୍ତ୍ରୀ । ଅର୍ଥାଭାବରୁ ମେଡିକାଲରେ ୨୪ ଘଣ୍ଟା ପଡ଼ି ରହିଲା ମୃତଦେହ । ପୁଣି ଶବ ନେବା ପାଇଁ ମହାପ୍ରୟାଣ ଗାଡ଼ିର ଡ୍ରାଇଭର୍ ଟଙ୍କା ଦାବି କଲେ । ଜନ୍ମରୁ ମୃତ୍ୟୁ ଯାଏଁ ଯୋଜନା ପରେ ଯୋଜନା ଖଞ୍ଜି ଦେଇଛନ୍ତି ରାଜ୍ୟ ସରକାର । କିନ୍ତୁ ପଟ୍ଟାମୁଣ୍ଡାଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାଲି ରାତିରୁ ଆଜି ଯାଏଁ ପଡ଼ି ରହିଲା ମୃତଦେହ । ଯାହା ପୂରା ବ୍ୟବସ୍ଥା ପ୍ରତି ଉପହାସ କହିଲେ ଅତ୍ୟୁକ୍ତି ହେବନି ।

ଡାକ୍ତରଖାନା ଭିତରେ ସ୍ବାମୀଙ୍କ ମୃତଦେହ । ଆଉ ବାହାରେ ବସି ଭିକ ମାଗୁଛନ୍ତି ସ୍ତ୍ରୀ । ପଇସା ନଥିବାରୁ ପାଖାପାଖି ୨୪ ଘଣ୍ଟା ହେଲା ପଡ଼ି ରହିଛି ମୃତଦେହ । ପଟ୍ଟାମୁପଣ୍ଡାଇ ଅଞ୍ଚଳରେ ମୂଲଲାଗି ଚଳୁଥିବା କେନ୍ଦୁଝର ଜିଲ୍ଲାର ଜାଗରାଇ ମୁଣ୍ଡା,  କିଛିଦିନ ହେଲା ଜରରେ ପଡ଼ିଥିଲେ । ଗତରାତିରେ ସ୍ତ୍ରୀ ମିନତୀ, ତାଙ୍କୁ ପଟ୍ଟାମୁଣ୍ଡାଇ ଗୋଷ୍ଠୀ ସ୍ବସ୍ଥ୍ୟକେନ୍ଦ୍ରକୁ ଆଣିଥିଲେ । କିନ୍ତୁ ସେତେବେଳକୁ ତାଙ୍କର ମୃତ୍ୟୁ ହୋଇ ସାରିଥିଲା । ପଇସା ନଥିବାରୁ ମେଡିକାଲରେ ମୃତଦେହ ପଡ଼ି ରହିଥିବା ବେଳେ ସ୍ବାମୀଙ୍କ ଶବ ଶତ୍କାର ପାଇଁ ଭିକ ମାଗୁଛନ୍ତି ସ୍ତ୍ରୀ । ଯାହାକୁ ନେଇ ବୁଦ୍ଧିଜୀବୀ ମହଲରେ କ୍ଷୋଭ ପ୍ରକାଶ ପାଇଛି ।

ଗରିବ ଅସହାୟଙ୍କ ପାଇଁ ସରକାରଙ୍କର ହରିଶ୍ଚନ୍ଦ୍ର ଯୋଜନା ରହିଛି । କିନ୍ତୁ କାହିଁକି କେଉଁ ପରିସ୍ଥିତିରେ ଜାଗରାଇଙ୍କ ପାଇଁ ତାହା କାର୍ଯ୍ୟକାରୀ ହେଉନି ବୁଝାପଡୁନି । ଇନକ୍ବେଷ୍ଟ ଏବଂ ପୋଷ୍ଟମର୍ଟମର କଥା କହି ମେଡିକାଲ୍ କର୍ତ୍ତୃପକ୍ଷ, ପ୍ରସଙ୍ଗକୁ ଟାଳି ଦେଉଥିବା ବେଳେ ମହାପ୍ରୟାଣ ଗାଡ଼ି ପାଇଁ ଡ୍ରାଇଭର୍ ୩ ଶହ ଟଙ୍କା ଦାବି କରିଥିବା ଭଳି ସାଂଘାତିକ ଅଭିଯୋଗ ମଧ୍ୟ ହୋଇଛି  ।

ଜନ୍ମରୁ ମୃତ୍ୟୁ ଯାଏଁ ଯୋଜନା ପରେ ଯୋଜନା ଖଞ୍ଜି ଦେଇଛନ୍ତି ରାଜ୍ୟ ସରକାର । ହେଲେ ପଟ୍ଟାମୁଣ୍ଡାଇରେ ସ୍ବାମୀ ଶବର ସତ୍କାର ପାଇଁ ସ୍ତ୍ରୀ ଭିକ ମାଗିବା, ପୂରା ବ୍ୟବସ୍ଥାକୁ ଉପହାସ କରୁଛି । ପଟ୍ଟାମୁଣ୍ଡାଇରୁ ସରୋଜ ରଥ, ନ୍ୟୁଜ୍ ସେଭେନ୍ ।

   Related Posts