Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ସ୍ବାମୀଙ୍କ ବିରୋଧରେ ଶାରୀରିକ ଏବଂ ମାନସିକ ନିର୍ଯାତନା ଅଭିଯୋଗ, ଆଣିଲେ ସାଙ୍ଘାତିକ ପରକୀୟା ପ୍ରୀତିର ଆରୋପ

18/11/2020 at 5:27 PM

ଭୁବନେଶ୍ୱର୧୮/ ୧୧: ସ୍ବାମୀଙ୍କ ବିରୋଧରେ ଶାରୀରିକ ଏବଂ ମାନସିକ ନିର୍ଯାତନାର ଅଭିଯୋଗ ଆଣିଲେ ସ୍ତ୍ରୀ ।  ଦେବଗଡ଼ରେ କାର୍ଯ୍ୟରତ ଗ୍ରାମ୍ୟ ଉନ୍ନୟନ ବିଭାଗ ନିର୍ବାହୀ ଯନ୍ତ୍ରୀ ପ୍ରଦୀପ କୁମାର ମହାନ୍ତିଙ୍କ ବିରୋଧରେ ତାଙ୍କ ସ୍ତ୍ରୀ ଏଭଳି ସଂଗୀନ ଅଭିଯୋଗ ଆଣିଛନ୍ତି। ଖାଲି ସେତିକି ନୁହେଁ, ନିର୍ଯାତନା ସହ ତାଙ୍କୁ ମାରି ଦେବାକୁ ଉଦ୍ୟମ କରାଯାଇଥିଲା। ବାରମ୍ବାର ନିର୍ଯାତନାର ଶିକାର ହେବା ପରେ ମହିଳା ଜଣଙ୍କ ମହିଳା ଥାନାର ଦ୍ବାରସ୍ଥ ହୋଇଛନ୍ତି।

ପୁଲିସ୍‌ ଆଇପିସି ଧାରା ୩୦୭, ୨୯୪, ୩୫୪, ୩୫୪ (ଏ), ୩୨୩, ୪୯୮(ଏ) ଓ ଧାରା ୩୪ ଭଳି ସଙ୍ଗୀନ ଦଫା ଲଗାଇ ମାମଲା ରୁଜୁ କରିଛି। ଏପଟେ ସ୍ବାମୀ ପ୍ରଦୀପ ଫେରାର ଥିବା ପୋଲିସ୍ ସୂଚନା ଦେଇଛି। ଏହି ଘଟଣାରେ ପୋଲିସ୍ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ନିର୍ଯାତନାର ଶିକାର ହୋଇଥିବା ମହିଳା। ସେ କହିଛନ୍ତି ଯେ ଜାଣିଶୁଣି ପୋଲିସ୍ ତାଙ୍କୁ ଗିରଫ କରୁ ନାହିଁ।

ସୂଚନାଥାଉକି ବବିତାଙ୍କ ଘର ନୟାଗଡ଼ ଜିଲ୍ଳା ରାଜା ବଗିଚା ଅଞ୍ଚଳରେ। ୨୦୦୮ ମେ’ରେ ତାଙ୍କର ଚନ୍ଦକା ଗାଁର ମହେଶ୍ୱର ମହାନ୍ତିଙ୍କ ପୁଅ ପ୍ରଦୀପଙ୍କ ସହ ବିବାହ ହୋଇଥିଲା। ବାହାଘର ସମୟରେ ଯୌତୁକ ଭାବେ ୮ ଲକ୍ଷ ଟଙ୍କା, ସୁନା, ରୁପା ଓ ଅନ୍ୟ ସାମଗ୍ରୀ ଦିଆଯାଇଥିଲା। କିଛି ଦିନ ପରେ ବିଳମ୍ବିତ ରାତିରେ ପ୍ରଦୀପଙ୍କ ମୋବାଇଲ୍‌କୁ ଏକ ଫୋନ୍‌ ଆସିଥିଲା। ଉକ୍ତ ଫୋନ୍‌ କଲ୍‌ ବବିତା ଉଠାଇଥିଲେ। ସେପଟେ ଜଣେ ମହିଳା ତାଙ୍କୁ ଏଣୁତେଣୁ କଥା କହିଥିଲେ। ତେବେ ଏହାକୁ ନେଇ ପତିପତ୍ନୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ପରେ ଉଭୟ ପରିବାର ଦ୍ୱାରା ଆପୋଷ ବୁଝାମଣା ହୋଇଥିଲା।

ତେବେ ୨୦୧୦ରେ ପ୍ରଦୀପଙ୍କ ସମ୍ପର୍କୀୟ ଭାଇଙ୍କର ଏକ ଦୁର୍ଘଟଣାରେ ମୃତ୍ୟୁ ଘଟିଲା। ତାଙ୍କ ପତ୍ନୀଙ୍କ ସମ୍ପୂର୍ଣ୍ଣ ଭରଣପୋଷଣ ପ୍ରଦୀପ କରୁଥିଲେ। ତେବେ ଲକ୍‌ଡାଉନ୍‌ ସମୟରେ ଭାଇବୋହୂଙ୍କ ସହ ପ୍ରଦୀପଙ୍କ ସମ୍ପର୍କ ଥିବା ଖବର ବବିତାଙ୍କୁ ମିଳିଥିଲା। ଏହାକୁ ନେଇ ପତିପତ୍ନୀଙ୍କ ମଧ୍ୟରେ ଆରମ୍ଭ ହୋଇଥିଲା ତୁମୂଳକାଣ୍ଡ। ବବିତାଙ୍କ ଉପରେ ଆରମ୍ଭ ହୋଇଥିଲା ନିର୍ଯାତନା। ଭୟରେ ବବିତା ନୟାଗଡ଼ ପଳାଇ ଥିଲେ। ଏନେଇ ବବିତା ନୟାଗଡ଼ ଥାନାରେ ଅଭିଯୋଗ କରିବାକୁ ଯାଇଥିଲେ। ହେଲେ ପୁଲିସ୍‌ ତାଙ୍କୁ ଭୁବନେଶ୍ୱର ମହିଳା ଥାନା ଯିବାକୁ କହିଥିଲା। ତେଣୁ ବବିତା ମହିଳା ଥାନାରେ ଏତଲା ଦେଇଥିଲେ।

   Related Posts