ମୁମ୍ୱାଇ ୧୬/୪ : ଭୂତାଣୁ ପାଇଁ ଉଜୁଡି ଯାଉଛି ସୁନାର ସଂସାର । କେଉଁଠି ମାଆ କୋଳ ଶୂନ୍ୟ ହୋଇପଡୁଛି ତ ଆଉ କେଉଁଠି ପୁଅ ମୁଣ୍ଡରୁ ହଟିଯାଉଛି ବାପାର ଛତ୍ରଛାୟା । ଏବେ ଏମିତି ଏକ ହୃଦୟ ବିଦାରକ ଦୃଶ୍ୟ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛି । କରୋନାରେ ସ୍ୱାମୀ ମୃତ୍ୟୁ ପରେ ପାଣିକୁ ଡେଇଁ ଜୀବନ ହାରିଛି ସ୍ତ୍ରୀ । ତେବେ ଦୁଃଖର ବିଷୟ ମାଆ ଡେଇଁବା ପରେ ପଛେ ପଛେ ପୁଅ ମଧ୍ୟ ପାଣିକୁ ଡେଇଁ ପଡିଥିଲା । ହେଲେ ଦୀର୍ଘ ସମୟରେ ତାର ମଧ୍ୟ ମୃତ୍ୟୁ ହୋଇଥିଲା ।
ମହାରାଷ୍ଟ୍ରର ନାନ୍ଦେଡରେ ଘଟିଛି ଏଭଳି ଦୁଃଖଦ ଘଟଣା । ନାନ୍ଦେଡରୁ ୪୦ କିଲୋମିଟର ଲୋହା ଗାଁରେ କରୋନା ପାଇଁ ଗୋଟିଏ ପରିବାରର ୩ ଜୀବନ ଚାଲିଛି । ପୋଲିସ କହିବା ମୁତାବକ ପରିବାର ପେଟପାଟମା ପାଇଁ ତେଲେଙ୍ଗାନାରୁ ଆସି ମହାରାଷ୍ଟ୍ରରେ ରହୁଥିଲେ । ତେବେ ମହାରାଷ୍ଟ୍ରରେ ମିନି ଲକଡାଉନ ହେବା ପରେ ସ୍ୱାମୀ କରୋନା ପଜିଟିଭ ହୋଇ ଏପ୍ରିଲ ୧୩ ତାରିଖରେ ଆଖି ବୁଜିଥିଲେ ।
ତେବେ ସ୍ୱାମୀ ଚାଲିଯିବା ପରେ ଭାଙ୍ଗିପଡିଥିଲେ ସ୍ତ୍ରୀ । ଶେଷରେ ସେ ଆତ୍ମହତ୍ୟା କରିବାକୁ ନିଷ୍ପତ୍ତି ନେଲେ । ସେ ସୁନେଗାଓସ୍ଥିତ ଏକ ହ୍ରଦକୁ ଡେଇଁପଡ଼ି ଆତ୍ମହତ୍ୟା କକିଥିଲେ । ତେବେ ମାଆ ଡେଇଁବା ଦେଖି ୩ ବର୍ଷର ପୁଅ ବି ପାଣିକୁ ଡେଇଁ ପଡ଼ିଥିଲା । ପୋଲିସ ଉଭୟଙ୍କର ମୃତଦେହ ଜବତ କରିଛି । ଏବେ ପରିବାରରେ ଗୋଟିଏ ପୁଅ ଓ ଝିଅ ଅଛି ।
