ରେଳଗାଡି ଅତିକ୍ରମ କରିବା ପରେ ତାର ପଛପଟକୁ ଆପଣ ନିଶ୍ଟୟ ଦେଖିଥିବେ ।  ଟ୍ରେନର ପଛ ଡବାରେ X ଏହି ଭଳି ଏକ କ୍ରସ ଚିହ୍ନ ଥାଏ। ଭାରତରେ ଚାଲୁଥିବା ସବୁ ରେଳ ପଛରେ ଏଭଳି ଚିହ୍ନ ରହିଥାଏ । ତେବେ ଏହାର କାରଣ କଣ । କିଛି ନିର୍ଦ୍ଦିଷ୍ଚ କାରଣ ପାଇଁ ଏମିତି ଚିହ୍ନ ସବୁ ରେଳଗାଡିରେ ଥାଏ ନା ଏମିତି ହିଁ ଏ ଚିହ୍ନ ରହିଛି ଜାଣିବା ପାଇଁ ପଢନ୍ତୁ ଏହି ପୂରା ରିପୋର୍ଟ।

 ଭାରତରେ ଥିବା ସବୁ ରେଳ ଗାଡିର ଶେଷ ଡବା ପଛରେ ହଳଦିଆ ରଂଗର ବଡ X ଚିହ୍ନ ଥାଏ। ଏହା ଏକ ସାଂକେତିକ ଭାଷା ବୋଲି କୁହାଯାଇପାରେ।  ଯାହାର ଷ୍ଟେଶନ ମାଷ୍ଟରଙ୍କ ପାଇଁ ଉଦ୍ଦିଷ୍ଟ ଥାଏ । ଷ୍ଟେଶନରୁ ଗାଡି ବାହାରିଗଲା ବୋଲି ଏହି ଚିହ୍ନ ହିଁ ସୂଚନା ଦେଇଥାଏ । ଷ୍ଟେଶନରୁ ଗାଡି ଗଲା ପରେ କୌଣସି ଗାଡି ବ୍ଲକ ସେକ୍ସନ ମଧ୍ୟରେ ଆଉ ନାହିଁ ବୋଲି ଏହି ସଂକେତରୁ ସୂଚନା ପାଇବା ପରେ ଷ୍ଟେଶନ ମାଷ୍ଟର ପରବର୍ତ୍ତି ଗାଡି ଛାଡିବା ପାଇଁ ଅନ୍ୟ ,ଷ୍ଟଟେଶନକୁ ସବୁଜ ସଂକେତ ଦେଇଥାନ୍ତି । ତେବେ ଏହି ବ୍ଲକ ଷ୍ଟେଶନର ଅର୍ଥ କଣ । ୨ଟି ରେଲୱେ ଷ୍ଟେଶନ ମଧ୍ୟରେ ଥିବା ଟ୍ରାକକୁ ବ୍ଲକ ଷ୍ଟେଶନ ବୋଲି କୁହାଯାଏ । ଏହି କ୍ରସ ସଂକେତର ଅର୍ଥ ବ୍ଲକ ଷ୍ଟେଶନ କ୍ଲିଅର ହୋଇଗଲା । ସାଧାରଣତଃ ଏହାକୁ ଲାଇନ କ୍ଲିୟର ବୋଲି ମଧ୍ୟ କୁହାଯାଏ।

  ରେଳ ଗାଡିର ଶେଷ ଡବା ପଛରେ X ଚିହ୍ନ ସହ LV ବୋଲି ମଧ୍ୟ ଲେଖାଯାଇଥାଏ। LV ଅର୍ଥ Last Vehicle । ଏହି ବୋର୍ଡକୁ ଡିଉଟିରେ ଥିବା ଗାର୍ଡ ଲଗାନ୍ତି। ଡିଉଟି ସରିଲା ପରେ ଏହି ବୋର୍ଡ କାଢିବା ଆବଶ୍ୟକ। ଏହି ବୋର୍ଡ ରେଳ ଗାଡିରେ ସବୁସମୟ ଲାଗିନଥାଏ।ରାତିରେ LV  ବୋର୍ଡ ସହ ଲାଲ ରଂଗର ଲାଇଟ ଲେମ୍ପ ମଧ୍ୟ ଜଳେ। ରେଳ ଗାଡି ଦୁର୍ଘଟଣା ନ ହବା ପାଇଁ ଏହି ସବୁ ପ୍ରସ୍ତତି କରା ଯାଇଥାଏ।