Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ମଟର ସାଇକେଲ୍ ଅଟୋକୁ ନାଲି ଆଖି, ହେଲେ ବସ୍ ଟ୍ରକ୍ ଉପରେ ଯାଞ୍ଚ ହେଉ ନଥିବା ଅଭିଯୋଗ

8/09/2019 at 6:21 PM

କଟକ ୮।୯: ନୂଆ ମୋଟର ଯାନ ଆଇନ୍ ଲାଗୁ କରିବା ପଛରେ ମୂଳ ଉଦ୍ଦେଶ୍ୟ କଅଣ। ଦୁର୍ଘଟଣା ଓ ଦୁର୍ଘଟଣା ଜନିତ ମୃତ୍ୟୁ ସଂଖ୍ୟା କମାଇବା , ନାଁ ପୋଲିସ୍ ର ଦବଙ୍ଗଗିରି ଦେଖାଇ ଲୋକଙ୍କଠାରୁ ମୋଟା ଅଙ୍କର ଜରିମାନା ଆଦାୟ କରିବା.. ପୋଲିସ୍  କମିଶନର ବାରମ୍ବାର କହିଲେଣି ଜରିମାନା ଆଦାୟ କରିବା  ପୋଲିସ୍ ର ଲକ୍ଷ୍ୟ ନୁହେଁ..ତେବେ ଯଦି ସଡକ ସୁରକ୍ଷା ଓ ଟ୍ରାଫିକ୍ ସଜାଡିବା ପାଇଁ ବାସ୍ତବରେ ପୋଲିସ୍ ନୂଆ ନିୟମକୁ କଡା କଡି ଲାଗୁ କରିବାକୁ ଚେଷ୍ଟା କରୁଛି, ତେବେ ପୋଲିସ୍ ର ଅସଲ ଉଦ୍ଦେଶ୍ୟ  କଅଣ ତାକୁ ନେଇ ଅନେକ ଚିନ୍ତା ବ୍ୟକ୍ତ କରିଛନ୍ତି ।

୧୬ ନମ୍ବର ଜାତୀୟ ରାଜପଥର କଟକ-ଭୁନେଶ୍ୱର ରାସ୍ତା।ଟ୍ୱିନ ସିଟି ର ଦୁର୍ଘଟଣା ଗ୍ରାଫ୍ ଉପରେ ନଜର ପକାଇଲେ ଜଣା ପଡେ ଯେ ଏହି ୧୬ ନମ୍ବର ଜାତୀୟ ରାଜପଥରେ ରେ ହିଁ ଅଧିକ ଦୁର୍ଘଟଣା ଘଟୁଛି।। ୧୬ ନମ୍ବର ଜାତୀୟ ରାଜପଥରେ ବସ୍ ,ଟ୍ରକ୍ ,କାର୍ ଓ ବାଇକ୍ ଗୁଡିକ ଦୃତ ଗତି ରେ ଯାଉଛନ୍ତି । ଏହା ସହ ନୂଆ ଓଭରଟେକିଂ ନିୟମକୁ ବି ଖାତିର୍ ନାହିଁ।ବେପରୁଆ ଡ୍ରାଇଭିଂ ସବୁଠୁ ବେଶୀ ଜାତୀୟ ରାଜପଥ ଉପରେ ଦେଖଇବାକୁ ମିଳୁଛି।ତେବେ ଏଠି ପ୍ରଶ୍ନ ଉଠୁଛି ସଡକ ନିରାପତ୍ତା ପାଇଁ ଯଦି କମିଶନରେଟ୍ ପୋଲିସ୍ ଏତେ ତତ୍ପର , ତେବେ ଜାତୀୟ ରାଜପଥରେ କାହିଁକି ହେଲମେଟ୍, ଡ୍ରାଇଭିଂ ଲାଇସେନ୍ସ ,ଇନସ୍ୟୁରାନ୍ସ ଇତ୍ୟାଦି ଯାଞ୍ଚ ହେଉ ନାହିଁ।ଏହା ସହ ଟ୍ରକ୍ ଓ ବସ୍ ଗୁଡିକ ଅଧିକାଂଶ ସମୟରେ ଦୁର୍ଘଟଣାର ମୂଳ କରାଣ ପଲଟି ଥାଆନ୍ତି।ମାତ୍ର ଏଯାଏ କମିସନରେଟ୍ ପୋଲିସ୍ ବାଇକ୍ ଓ ଟେମ୍ପୋ ଗୁଡିକ ଉପରେ ଯେମିତି ନାଲି ଆଖି ଦେଖାଉଛି, ଟ୍ରକ୍ କିମ୍ବା ବସ୍ ଉପରେ ସେମିତି ନାଲି ଆଖି ଦେଖାଇ ପାରୁ ନାହଁ।କାରଣ ଏପର୍ଯ୍ୟନ୍ତ ଟ୍ୱିନ ସିଟିରେ ଗୋଟିଏ ବି ବସ୍ କୁ  ଯାଞ୍ଚ କରାଯାଇ ନାହିଁ। ଅଭିଯୋଗ ହେଉଛି ବସ୍ ଓ ଟ୍ରକ୍ ଗୁଡିକ ପ୍ରଭାବଶାଳୀ ଲୋକଙ୍କର ହୋଇଥିବାରୁ ପୋଲିସ୍ ସେମାନଙ୍କ ଦେହରେ ହାତ ମାରିବାକୁ ସାହସ କରୁ ନାହିଁ ।

ସେପଟେ ୧୬ ନମ୍ବର ଜାତୀୟ ରାଜପଥରେ ବଡ ବଡ ଦୁର୍ଘଟଣା ଗାଈ ଗୋରୁଙ୍କ ପାଇଁ ଘଟୁଛି । ଗତ ବର୍ଷ ନଭେମ୍ବର ୨୦ ତାରିଖରେ ମହାନଦୀ ପୋଲ ଉପରେ ଏକ ମଇଁଷି ପାଇଁ ହିଁ ବଡ ଧରଣର ବସ୍ ଦୁର୍ଘଟଣା ଘଟିଥିଲା ।ଏହା ସତ୍ତ୍ୱେ ବି ମହାନଗର ନିଗମ କିମ୍ବା ଜାତୀୟ ରାଜପଥ ପ୍ରାଧିକରଣ ରାଜପଥରୁ ଗାଈ ଗୋରୁ ହଟାଇବା ପାଇଁ କୌଣସି ପଦକ୍ଷେପ ନେଉ ନାହାଁନ୍ତି। ଅନ୍ୟପଟେ ହେଲମେଟ୍ ଚେକିଙ୍ଗ ନାଁ ରେ ପୋଲିସ୍ର କାର୍ଯ୍ୟାନୁଷ୍ଠାନ ଦେଶର ହିତରେ ହେଉଛି ଏବଂ ଗଣମାଧ୍ୟମ ଏପରି କାର୍ଯ୍ୟର ସକାରାତ୍ମକ ଦିଗ ଦେଖାଇବା କଥା ବୋଲି କହିଛନ୍ତି ପୋଲିସ୍ କମିସନର।

ଏପରି ସ୍ଥଳେ ପ୍ରଶ୍ନ ଉଠିବା ସ୍ୱାଭାବିକ୍ ଯେ, ଟ୍ରାଫିକ୍ କୁ ଶୃଙ୍ଖଳିତ କରି ଦୁର୍ଘଟଣା କମାଇବା ପାଇଁ ପୋଲିସ, ନୂଆ ମୋଟର ଯାନ ଆଇନ୍ କୁ କଡା କଡି ଲାଗୁ କରୁଛି।ନା ଏହି ଆଇନ୍ ଆଳରେ କିଛି ପୋଲିସ୍ କର୍ମଚାରୀ ପୋଲିସ୍‌ଗିରି ଦେଖାଇ ସାଧାରଣ ଲୋକଙ୍କ ଉପରେ ଦାଉ ସାଧୁଛନ୍ତି।

   Related Posts