ଲାହୋର ୨୧/୧୧: ବିଲାତି ବାଇଗଣର ଗହଣା । ଶୁଣିବାକୁ ଖଟକା ଲାଗୁଥିଲେ ମଧ୍ୟ ଏହା ସତ । ଏକ ପାକିସ୍ତାନୀ ବାହାଘରରେ କନ୍ୟା ବିଲାତି ବାଇଗଣର ଗହଣା ପିନ୍ଧି ଫଟୋ ଉଠାଇଛନ୍ତି । ବିଲାତି ବାଇଗଣରେ ମଥା ମଣି, କାନ ଫୁଲ, ବେକର ହାର ଓ ବ୍ରେସଲେଟ୍ ପିନ୍ଧି କନ୍ୟା ଜଣକ ପୂରା ଭିନ୍ନ ରୂପରେ ନିଜକୁ ସଜାଇଛନ୍ତି । ପାକିସ୍ତାନୀ ସାମ୍ବାଦିକା ନଇଲା ଇନାୟତ ତାଙ୍କ ଆକାଉଣ୍ଟରେ ଏହି କନ୍ୟାର ଫଟୋ ଛାଡିବା ସହିତ ଟ୍ୱିଟ୍ କରିଛନ୍ତି ।
{"id":187676,"width":588,"height":395,"sizeSlug":"large"}
ଖାଲି ସେତିକି ନୁହେଁ କନ୍ୟା ଜଣକ ସାକ୍ଷାତକାରରେ କହିଛନ୍ତି ଯେ ପାକିସ୍ତାନରେ ସୁନାର ଦର ଆକାଶ ଛୁଆଁ । ସେତିକି ବେଳେ ବିଲାତି ବାଇଗଣ ଦର ମଧ୍ୟ ମାତ୍ରାଧିକ । ତେଣୁ ସେ ଏଭଳି ଗହଣା ପିନ୍ଧି ବାହାହେବାକୁ ମନସ୍ଥ କଲେ । ଉପହାର ଆକାରରେ ସେହି କନ୍ୟାଙ୍କୁ ପାଇନ୍ ମଞ୍ଜି ମଧ୍ୟ ମିଳିଥିବା କହିଛନ୍ତି । ପାକିସ୍ତାନର ଆର୍ଥିକ ସ୍ଥିତି ଏଭଳି ଅବସ୍ଥାରେ ପହଞ୍ଚିଛି ଯେ ଏହା ଏକ ପ୍ରତିବାଦର ପ୍ରତୀକ ଭାବେ ଗ୍ରହଣ କରାଯାଉଛି । ତେବେ ପାକିସ୍ତାନୀ କନ୍ୟାର ବିଲାତି ବାଇଗଣର ଗହଣା ସୋସିଆଲ ମିଡିଆରେ ବେଶ୍ ଚର୍ଚ୍ଚିତ ହୋଇଛି ।
{"id":187677,"width":590,"height":356,"sizeSlug":"large"}