ଦୁବାଇ, ୧୮।୧୦: ଆଇପିଏଲର ୩୪ ତମ ମୁକାବିଲାରେ ଚେନ୍ନାଇ ସୁପର କିଙ୍ଗସ ଦିଲ୍ଲୀ କ୍ୟାପିଟାଲଠାରୁ ୫ ଓ୍ୱିକେଟରେ ପରାସ୍ତ ହୋଇଛି । ଏହି ମ୍ୟାଚରେ ଶିଖର ଧାଓ୍ୱନ ୫୮ ବଲରୁ ୧୦୧ ରନ୍ କରିଥିଲେ । ତେବେ ଏହି ମ୍ୟାଚର ଶେଷ ଓଭରର ଚେନ୍ନାଇ ଅଧିନାୟକ ମହେନ୍ଦ୍ର ସିଂ ଧୋନୀ ରବୀନ୍ଦ୍ର ଜାଡେଜାଙ୍କୁ ବୋଲିଂ ଦେଇଥିଲେ । ତେବେ ଧୋନୀ କଣ ପାଇଁ ଶେଷ ଓଭରରେ ସ୍ପିନରଙ୍କୁ ବୋଲିଂ ଭାର ଦେଲେ ସେନେଇ ନିଜେ କହିଛନ୍ତି ।
ଧୋନୀ କହିଛନ୍ତି ଯେ, ବ୍ରାଭୋ ଫିଟ୍ ନଥିଲେ । ସେ ଆହତ ହୋଇଥିଲେ । ତାଙ୍କ ପାଖରେ ଜାଡେଜା କିମ୍ବା କର୍ଣ୍ଣ ଶର୍ମାଙ୍କ ବିକଳ୍ପ ଥିଲା । ସେ ଜାଡେଜାଙ୍କୁ ବାଛିଥିଲେ । ଶିଖର ଧାଓ୍ୱନ ଭଲ ବ୍ୟାଟିଂ କରିଥିଲେ । କିନ୍ତୁ ସେ ଅନେକ ଥର ଜୀବନଦାନ ପାଇଛନ୍ତି । ଅନେକ କ୍ୟାଚ୍ ଡ୍ରପ୍ ହୋଇଛି ।
{"id":346516,"sizeSlug":"large"}ଶେଷ ଓଭରରେ ଦିଲ୍ଲୀକୁ ବିଜୟ ପାଇଁ ୧୭ ରନ୍ ଦରକାର ଥିଲା । ଏହି ଓଭରରେ ଅକ୍ସର ପଟେଲ ପ୍ରଥମ ଦୁଇଟି ଲଗାତର ଛକା ଲଗାଇଥିଲେ । ଏହାପରେ ପଞ୍ଚମ ବଲରେ ମଧ୍ୟ ଅକ୍ସର ଜାଡେଜାଙ୍କ ବଲରେ ଛକା ମାରି ଦଳକୁ ବିଜେତା କରାଇଥିଲେ ।
ଧୋନୀ ଆହୁରି କହିଛନ୍ତି ଯେ, ଏହି ପିଚରେ ଖେଳିବା ସହଜ । ତେଣୁ ଅଧିକ କଠିନ ହୋଇଗଲା । ଆଉ ୧୦ ରନ୍ କରିଥିଲେ ମ୍ୟାଚର ସ୍ଥିତି ଭିନ୍ନ ହୋଇଥାନ୍ତା ବୋଲି ସେ କହିଛନ୍ତି ।