Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

୨୦ରୋଗୀଙ୍କୁ ବିଷ ଦେଇ ମାରିଦେଲେ ନର୍ସ ; ଜାଣନ୍ତୁ କାହିଁକି

1/12/2018 at 6:03 PM

ଟୋକିଓ ୦୧|୧୨: ଜାପାନର ଅୟୁମୋ କୋବୁକୀ ନାମ୍ନୀ ଜଣେ ନର୍ସ ନରକୀୟ କାଣ୍ଡ ଘଟାଇଛନ୍ତି । ନର୍ସ ଜଣଙ୍କୁ  ଡ୍ୟୁଟି ସମୟରେ ୨୦ ରୋଗୀଙ୍କୁ ବିଷ ଦେଇ ମାରିଦେଇଥିବା ଅଭିଯୋଗରେ ଗିରଫ କରାଯାଇଛି ।

ସୂଚନା ଅନୁସାରେ ୩୧ବର୍ଷୀୟ ଏହି ନର୍ସ ଟୋକିଓଠାରୁ ୩୨ କିମି ଦୂର ଓଗୁଚି ହସ୍ପିଟାଲରେ କାମ କରୁଥିଲେ । ସେ ବୟସ୍କ ରୋଗୀଙ୍କୁ ସାଲାଇନ ରେ ଆଣ୍ଟିସେପ୍ଟିକ୍ ସଲ୍ୟୁସନ ଲଗାଇ ସେମାନଙ୍କୁ ମାରିଦେଇଥିଲେ । ଜାପାନ ପୋଲିସ କହିବା ଅନୁସାରେ ଅୟୁମୋ ନିଜର ଦୋଷ ସ୍ବୀକାର କରିସାରିଛନ୍ତି । ମାତ୍ର ଏହାର କୌଣସି ସନ୍ତୋଷଜନକ କାରଣ କହିନାହାନ୍ତି ।

ଅୟୁମୋ ପୋଲିସକୁ କହିଛନ୍ତି ଯେ ସେ ଏଭଳି କେବଳ ବୟସ୍କ ଏବଂ ଅତ୍ୟଧିକ ଅସୁସ୍ଥ ରୋଗୀଙ୍କୁ ମାରୁଥିଲେ । ସେ ଏପରି ମାରିବାର କାରଣ ଥିଲା ଯେ ରୋଗୀଙ୍କର ତାଙ୍କ ସିଫ୍ଟରେ ମୃତ୍ୟୁ ନହୋଇ ଅନ୍ୟ ନର୍ସଙ୍କ ସିଫ୍ଟରେ ମୃତ୍ୟୁ ହେବ । ଅୟୁମୋ ଏଭଳି ଏଥିପାଇଁ କରୁଥିଲେ ଯେ ତାଙ୍କୁ ରୋଗୀଙ୍କ ସଂପର୍କୀୟଙ୍କୁ ସେମାନଙ୍କର ମୃତ୍ୟୁର ସୂଚନା ଦେବା ଭଲ ଲାଗୁନଥିଲା । ହସ୍ପିଟାଲର ନିୟମ ଅନୁସାରେ ରୋଗୀର ମୃତ୍ୟୁ ହେଲା ପରେ ଯେଉଁ ନର୍ସ ଡ୍ୟୁଟିରେ ଥିବେ ସେ ହିଁ ପରିବାରଲୋକଙ୍କ ସହ କଥାହେବେ ।

ଅୟୁମୋଙ୍କ କାରନାମାର ସମ୍ବନ୍ଧରେ ସେତେବେଳେ ଜଣାପଡିଥିଲା ଯେତେବେଳେ ୨୦୧୬ରେ ୮୮ବର୍ଷୀୟ ରୋଗୀଙ୍କ ମୃତ୍ୟୁ ପରେ ତାଙ୍କର ସାଲାଇନରେ ବବଲ ଦେଖାଦେଇଥିଲା । ବବଲ ଦେଖାଯିବାମାନେ ସାଲାଇନରେ କିଛି ଅପମିଶ୍ରଣ କରାଯାଇଛି । ଏହାପରେ ଡାକ୍ତରମାନେ  ପରୀକ୍ଷା କରିବା ପରେ ରୋଗୀଙ୍କ ରକ୍ତରେ ଅତ୍ୟଧିକ ଆଣ୍ଟିସେପଟିକ୍ ସଲ୍ୟୁସନ ମିଳିଥିଲା । ଏହାପରେ ସ୍ପଷ୍ଟ ହୋଇଥିଲା ଯେ ରୋଗୀଙ୍କୁ ବିଷ ଦିଆଯାଇଥିଲା । ଏହି ସୂଚନା ପୋଲିସକୁ ମିଳିବା ପରେ ଯାଞ୍ଚ ଆରମ୍ଭ ହୋଇଥିଲା । ଏହାପରେ ଅନ୍ୟ ଜଣେ ବୟସ୍କ ରୋଗୀଙ୍କର ଆଟୋସ୍ପି କରାଯାଇଥିଲା । ଜଣାପଡିଥିଲା ଯେ, ତାଙ୍କ ରକ୍ତରେ ମଧ୍ୟ ଆଣ୍ଟିସେପଟିକ୍ ସଲ୍ୟୁସନ ଅତ୍ୟଧିକ ରହିଛି । ଫଳରେ ପୋଲିସ ନର୍ସମାନଙ୍କର କମନ ରୁମ୍ ଯାଞ୍ଚ କରିଥିଲା । ସେଠାରେ ବ୍ୟବହାର ହୋଇନଥିବା ୧୦ଟି ସାଲାଇନ୍ ବ୍ୟାଗ୍ ମିଳିଥିଲା ଯେଉଁଥିଲେ ଆଣ୍ଟିସେପଟିକ୍ ସଲ୍ୟୁସନ ମିଳିଥିଲା । ଏହାପରେ ସମସ୍ତ ନର୍ସଙ୍କର ଡ୍ରେସ ଯାଞ୍ଚ କରାଯାଇଥିଲା । କେବଳ ଆୟୁମୋର ଡ୍ରେସ୍ ରୁ ହିଁ ଆଣ୍ଟିସେପଟିକ୍ ସଲ୍ୟୁସନ ଅଂଶ ମିଳିଥିଲା । ଏହାପରେ ଅୟୁମୋଙ୍କୁ ଗିରଫ କରାଯାଇଥିଲା । ଗିରଫ ହେବା ପରେ ସେ ସମସ୍ତ ଦୋଷ ସ୍ବୀକାର କରିଥିଲେ ।

୨୦୦୮ରେ ନର୍ସ ଡିଗ୍ରୀ ପାଇବା ପରେ ଅୟୁମୋ କେତେକ ହସ୍ପିଟାଲରେ କାମ କରିସାରିଥିଲେ । ୨୦୧୫ ମେ ରେ ସେ ଓଗୁଚି ହସ୍ପିଟାଲରେ ନିଯୁକ୍ତ ହୋଇଥିଲେ । ଅୟୁମୋଙ୍କ ସହକର୍ମୀ ଏବଂ ଅଧିକାରୀମାନଙ୍କ କହିବା ଅନୁସାରେ ଅୟୁମୋ ଭଦ୍ର ଏବଂ ଶାନ୍ତ ସ୍ବଭାବର ଥିଲେ । ରୋଗୀମାନେ ମଧ୍ୟ ତାଙ୍କୁ ଭଲ ନର୍ସ ଭାବୁଥିଲେ । ଚଳିତବର୍ଷ ଜୁନ୍ ରେ ସେ ଓଗୁଚି ହସ୍ପିଟାଲ ଛାଡିଦେଇଥିଲେ ଏବଂ ଜୁଲାଇରେ ତାଙ୍କୁ ଗିରଫ କରାଯାଇଥିଲା ।

   Related Posts