Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||

ମୋମୋ ଖାଉଥିଲେ ସାବଧାନ : ଆପଣଙ୍କ ଦେହର ହାଡ ସବୁ ହୋଇଯାଇପାରେ ଦୁର୍ବଳ

16/10/2018 at 4:31 PM

ନୂଆଦିଲ୍ଲୀ ୨୮|୧୨: ଆଜିକାଲି ସମସ୍ତେ ପ୍ରାୟ ଷ୍ଟ୍ରିଟ୍ ଫୁଡ୍ ଖାଇବାକୁ ପସନ୍ଦ କରୁଛନ୍ତି । ଷ୍ଟ୍ରିଟ୍ ଫୁଡ୍‌ରେ ଲୋକମାନେ ବେଶୀ ଗୁପ୍ଚୁ‌ପ୍, ମୋମୋ ଆଦି ଖାଇବାକୁ ବେଶୀ ପସନ୍ତ କରିଥାନ୍ତି । ଗୁପ୍ଚୁପ୍‌ ବା ମୋମୋ ନାଁ ଶୁଣିଲେ କାହାର କାହାର ପାଟିରେ ନିଶ୍ଚୟ ପାଣି ଆସିଯାଉଥିବ । ହେଲେ ଆପଣ ଜାଣନ୍ତି କି ମୋମୋ, ଗୁପ୍ଚୁ‌ପ୍ ଆଦି ଭଳି ଷ୍ଟ୍ରିଟ୍ ଫୁଡ୍ ଖାଇବା ସ୍ବାସ୍ଥ୍ୟ ପକ୍ଷେ କେତେ କ୍ଷତିକାରକ ହୋଇଥାଏ । ଏକ ଏକ ରିସର୍ଚ୍ଚରୁ ଏହା ଜଣାପଡିଛି ଯେ, ଗୁପ୍ଚୁ‌ପ୍‌, ମୋମୋ ଆଦି ଷ୍ଟ୍ରିଟ୍ ଫୁଡ୍ ଖାଇବା ଦ୍ବାରା ଆପଣ ଭୀଷଣ ଅସୁସ୍ଥ ମଧ୍ୟ ହୋଇପାରନ୍ତି ।

କେନ୍ଦ୍ରୀୟ ପର୍ଯ୍ୟଟନ ମନ୍ତ୍ରଣାଳୟ ଅଧିନରେ ଥିବା ଇନଷ୍ଟିଚ୍ୟୁଟ ଅଫ୍ ହୋଟେଲ ମ୍ୟାନେଜମେଣ୍ଟ କ୍ୟାଟେରିଂ ଆଣ୍ଡ୍ ନ୍ୟୁଟ୍ରିସନର ଏକ ରିସର୍ଚ୍ଚରେ ମୋମୋକୁ ନେଇ ଏଭଳି ଖବର ଆସିଛି । ରିସର୍ଚ୍ଚରୁ ଜଣାପଡିଛି ଯେ, ଷ୍ଟ୍ରିଟ୍ ଫୁଡ୍‌ରେ ମୋମୋ ସବୁଠୁ ବେଶୀ କ୍ଷତିକାରକ । ମୋମୋ ସହ ଏଥିରେ ଦିଆଯାଉଥିବା ରାଗ ଚଟ୍‌ଣୀ ଆମକୁ ଅସୁସ୍ଥ କରିଦେଇପାରେ । ମୋମୋ ଖାଇବା ଦ୍ବାରା ଶରୀର ମଧ୍ୟକୁ ଆବଶ୍ୟକତାରୁ ଅଧିକ ଦୂଷିତ ପାଣି ଏବଂ ଦୂଷିତ ଖାଦ୍ୟ ପଦାର୍ଥ ଯାଇଥାଏ । ଯାହା ଶରୀର ପାଇଁ କ୍ଷତିକାରକ ହୋଇଥାଏ । ଏହି ରିସର୍ଚ୍ଚ ଦିଲ୍ଲୀରେ ବିକ୍ରି କରାଯାଉଥିବା ଷ୍ଟ୍ରିଟ୍ ଫୁଡ୍କୁ ନେଇ କରାଯାଇଥିଲା । ଏହି ରିସର୍ଚ୍ଚରେ ମୋମୋ ବ୍ୟତୀତ ଗୁପ୍ଚୁପ୍, ସିଙ୍ଗଡା, କଚୋଡିକୁ ମଧ୍ୟ ସାମିଲ କରାଯାଇଥିଲା ।

ରିସର୍ଚ୍ଚରୁ ମୋମୋକୁ ନେଇ କ’ଣ ଜଣାପଡିଲା ତାହା ଜାଣନ୍ତୁ :

  • ମୋମୋ ପ୍ରସ୍ତୁତ କରିବା ପାଇଁ ବ୍ଲିଚିଂ ମଇଦାର ବ୍ୟବହାର କରାଯାଇଥାଏ । ଏହାସହ ଏଥିରେ ଅନ୍ୟ କେତେକ କେମିକାଲ୍ସ ମଧ୍ୟ ବ୍ୟବହାର ହୋଇଥାଏ ।
  • ମୋମୋରେ ମନୋସୋଡିୟମ୍ ଗ୍ଲୁଟାମେଟ ରହିଥାଏ । ଏହା ମନୁଷ୍ୟର ହାଡକୁ ଦୁର୍ବଳ କରିଦେଇଥାଏ । ଏହା ଦ୍ବାରା ସ୍ନାୟୁଗତ ସମସ୍ୟା ଓ ବୈଷମ୍ୟତା ମଧ୍ୟ ସୃଷ୍ଟି ହୋଇଥାଏ ।
  • ଏହାକୁ ପ୍ରସ୍ତୁତ କରିବା ପାଇଁ ବ୍ୟବହୃତ ହେଉଥିବା ପତ୍ରକୋବିକୁ ଠିକ୍ ରେ ରନ୍ଧା ଯାଇନଥାଏ । ଏହାସହ ଏହାର ଚଟଣୀ ଏତେ ମାତ୍ରାରେ ରାଗ ହୋଇଥାଏ ଯେ ଅର୍ଶ ଭଳି ରୋଗ ମଧ୍ୟ ହୋଇପାରେ ।
  • ଏଥିରେ ବେସିଲସ ସେରସ, କ୍ଲୋଷ୍ଟିଡିୟମ ପରଫ୍ରିଙ୍ଗେସ, ଷ୍ଟେଫିଲୋକୋକସ ଆରିୟସ ଏବଂ ସାଲ୍ମୋନେଲ ଭଳି ଜୀବାଣୁମାନ ରହିଥାନ୍ତି।
  • ଏହି ସବୁ ଜୀବାଣୁ ମିଶି ମୋମୋ ଖାଉଥିବା ବ୍ୟକ୍ତିର ଶରୀରରେ ଅନେକ ପ୍ରକାରର ରୋଗ ସୃଷ୍ଟି କରିଥାନ୍ତି।

ଜାଣନ୍ତୁ କେତେବେଳେ ଷ୍ଟ୍ରିଟ୍ ଫୁଡ୍ ହୋଇଥାଏ କ୍ଷତିକାରକ :

  • ଷ୍ଟ୍ରିଟ୍ ଫୁଡ୍ ଯଥା ଫ୍ରାଏଡ୍ ମୋମୋ, ସିଙ୍ଗଡା, କଚୋଡି ପରି ଅନ୍ୟ ସବୁ ପ୍ରାଏଡ୍ ଫିଲିଙ୍ଗ ଫୁଡ୍ ଗୋଟିଏ ସମୟସୀମା ଅତିକ୍ରମ କରିବା ପରେ ଖରାପ ହେବାକୁ ଲାଗିଥାଏ । ଯାହା ଫଳରେ ଏଥିରେ ବୀଜାଣୁ ସୃଷ୍ଟି ହୋଇଥାଏ ।
  • ତେଲିଆ ଖାଦ୍ୟ ପଦାର୍ଥ ଅଧିକରୁ ଅଧିକ ୬ରୁ ୮ଘଣ୍ଟା ପରେ ଖରାପ ହେବାକୁ ଲାଗିଥାଏ । ଯଦି ଏହାକୁ ଫ୍ରିଜ୍ ରେ ରଖିବା ତେବେ ଏହା ୧୨ଘଣ୍ଟା ପର୍ଯ୍ୟନ୍ତ ଭଲ ରହିପାରିବ ।
  • ଏହାକୁ ଯଦି ଏହି ସମୟସୀମା ପରେ ଖାଇବା ତେବେ ପେଟ ଖରାପ ହେବା ସହ ବାନ୍ତି, ଅମ୍ଳ ରୋଗ ଆଦି ରୋଗ ହୋଇପାରେ ।

ଏପରି ଖାଦ୍ୟ ଖାଇବା ଦ୍ବାରା କେଉଁ କେଉଁ ରୋଗ ହୋଇପାରେ :

  • ଷ୍ଟ୍ରିଟ୍ ଫୁଡ୍ ରେ ଅନେକ ସମୟରେ ଦୂଷିତ ପାଣି ବ୍ୟବହାର କରାଯାଇଥାଏ । ଦୂଷିତ ପାଣି ଶରୀରକୁ ଯିବା ଫଳରେ ଟାଇଫଏଡ୍ ଭଳି ରୋଗ ହୋଇଥାଏ ।
  • ଏପରି ଖାଦ୍ୟ ଖାଇବା ଦ୍ବାରା ମଳଦ୍ବାରରୁ ରକ୍ତ ପଡିବା ଭଳି ସମସ୍ୟା ମଧ୍ୟ ଦେଖାଦେଇଥାଏ । ଏହା ବ୍ୟତୀତ ଖାଦ୍ୟ ବିଷକ୍ରିୟାଜନିତ ସମସ୍ୟାର ଶିକାର ହେବାକୁ ପଡିପାରେ ।
  • ଏ ସମସ୍ତ ବ୍ୟତୀତ ଫାଷ୍ଟ୍ ଫୁଡ୍ ଖାଇବା ଦ୍ବାରା ଜଣ୍ଡିସ୍, ଖାଦ୍ୟ ନଳୀରେ ସମସ୍ୟା ଭଳି କେତେକ ରୋଗ ମଧ୍ୟ ହୋଇପାରେ ।

ଏଥିରୁ ରକ୍ଷା ପାଇବା ପାଇଁ କ’ଣ କରିବେ :

  • ଯେତେବେଳେ ଷ୍ଟ୍ରିଟ୍ ଫୁଡ୍ ଖାଇବେ ଘରକୁ ଆସି ଉଷୁମ ପାଣି ନିଶ୍ଚୟ ପିଅନ୍ତୁ ।
  • ସଫା ପାଣି, ସଫାସୁତରା ପ୍ଲେଟ୍ ଏବଂ ଖାଦ୍ୟ ପଦାର୍ଥ ଘୋଡାଇକି ରଖାଯାଇଛି କି ନାହିଁ ତାହା ଦେଖନ୍ତୁ । ଏହା ଦେଖିବା ପରେ ହିଁ ସେଠାରେ ଖାଦ୍ୟ ଖାଆନ୍ତୁ ।
  • ଗୁପଚୁପ କିମ୍ବା ମୋମୋ ଖାଇବା ବେଳେ ଧ୍ୟାନ ଦିଅନ୍ତୁ ଯେ ବିକ୍ରି କରୁଥିବା ଲୋକ ହାତରେ ଗ୍ଲୋଭସ ପିନ୍ଧିବା ଅଥବା ହାତ ସଫାସୁତରା ଅଛି କି ନାହିଁ ।
  • ଯଦି ଖାଇବା ଦୋକାନ ପାଖରେ ଯଦି ଅଳିଆ ଆବର୍ଜନା କିମ୍ବା ମାଛି ହେଉଛନ୍ତି ତେବେ ସେଠାରେ ଖାଦ୍ୟ ଖାଆନ୍ତୁ ନାହିଁ ।

   Related Posts